Технолошкиот милијардер и сопственик на X (поранешен Twitter), Илон Маск, повторно предизвика контроверзии со својата најнова објава. Тој одговори со „I agree“ („Се согласувам“) на твит во кој се бара напуштање на НАТО и Обединетите нации (ОН).

Твитот, кој првично беше објавен од профилот на Gunther Eagleman™, гласеше: „Време е да се напуштат НАТО и ОН.“ Маск, без дополнително објаснување, едноставно изрази согласност, што веднаш предизвика бурни реакции на социјалните мрежи.

Ова не е првпат Маск да се вклучи во политички чувствителни теми, но неговата поддршка за идејата за повлекување од овие меѓународни организации покрена многу прашања – дали станува збор за личен став, или пак за провокација со цел да поттикне дебата?

Објавата на Маск веќе има стотици илјади реакции, што покажува дека темата предизвикува огромен интерес. Останува да се види дали тој ќе даде дополнително објаснување за својот став и какви последици може да има ваквиот коментар.

Американскиот државен секретар Марко Рубио вчеравечер соопшти дека потпишал наредба за забрзување на испораката на околу четири милијарди долари воена помош за Израел. Администрацијата на Трамп, која ја презеде функцијата на 20 јануари, одобри продажба на воена опрема во вредност од речиси 12 милијарди долари на Израел, се вели во соопштението на Рубио, додавајќи дека „ќе продолжи да ги користи сите достапни алатки за исполнување на долгогодишната посветеност на Америка за безбедноста на Израел, вклучително и ресурсите за спротивставување на безбедносните закани“.

Рубио соопшти дека ги користел итните овластувања за да ја забрза испораката на воена помош за Израел, кој сега е во кревко примирје со милитантите на Хамас во војната во Газа. Пентагон во петокот објави дека Стејт департментот одобрил потенцијална продажба на бомби, комплети за уништување и друго оружје на Израел во вредност од речиси 3 милијарди долари.

Администрацијата итно го извести Конгресот за потенцијалната продажба на оружје, заобиколувајќи ја долгогодишната практика да им се даде можност на претседателите и на високите членови на Комитетот за надворешни работи на Претставничкиот дом и на Комитетот за надворешни односи на Сенатот да ја разгледаат продажбата и да побараат повеќе информации пред да достават формално известување до Конгресот.

Тоа е втор пат во последните неколку недели администрацијата на претседателот Доналд Трамп да прогласи национална вонредна состојба за брзо одобрување на продажба на оружје на Израел. Администрацијата на поранешниот претседател Џо Бајден, исто така, користеше итни овластувања за да одобри продажба на оружје на Израел без преглед од Конгресот.

Еден од најблиските соработници на американскиот претседател Доналд Трамп во интервју за Џо Роган вели дека ќе биде убиен ако целосно ја разоткрие корупцијата во американската влада.

Шефот на Одделот за владина ефикасност во владата на Трамп (ДОГЕ) Илон Маск вели дека се бори да преживее.

Маск во интервјуто вели дека Америка е пред банкрот откривајќи дека 1,9 милијарди долари пари од државата биле испратени на една година стара невладина организација без никаква историја што за него е „џиновска измама“.

Шефот на DOGE открива дека огромни пари се давани на лажни непрофитни организации – некои наводно се поврзани со луѓе како Џорџ Сорос.

Според Маск Сорос бил многу креативен при земање пари од владата на САД, правел мали организации со малку пари за потоа да добива огромни средства од државата.

Тој исто така открива дека дури
20 милиони мртви луѓе се означени како ЖИВИ во системот, што чини милијарди долари а некои од нив се уште добиваат пари од државата иако се умрени.

Илон Маск во интервјуто открива 12 милијарди долари наменети за подморници на морнарицата – без воопшто да бидат изградени подморници.

„Само федералната влада може да се извлече со ова ниво на криминал“, вели Маск.

Маск вели дека DOGE сега копа во секоја буџетска линија за да открие повеќе измами.

Во неверојатна изјава Маск тврди дека САД дале 250 милиони долари на ужасни студии со животни.

Според него сепак најголемата измама е фактот што Федералната агенција за помош од елементарни непогоди ФЕМА платила огромни пари за луксузни хотели во Њујорк за сместување илегални имигранти.

Тој ова го нарече шема за „купување гласачи“.

ФЕМА плаќала нелегални мигранти за тие да гласаат за демократите вели Маск кој се плаши да открие се затоа што може да биде убиен.

Делови од интервјуто во линкот 

https://x.com/Ric_RTP/status/1895890325069324469?t=yDC4U33zvIaTG-HBw8cCgQ&s=19