Македонија

Новата американска амбасадорка: Ако некој во 2013-та ми кажеше дека оваа земја ќе го смени името за членство во НАТО, јас ќе речев невозможно е, ама го сменивте

Државата и граѓаните донесоа тешки одлуки и направија компромиси за да бидат дел од НАТО, а денес се пред нов предизвик со евроинтеграцискиот процес, забележа денеска американската амбасадорка во земјата Анџела Прајс Агелер на отворањето на меѓународната конференција „Објективот на младите за мир и помирување“ што се одржува во Охрид во организација на Младински сојуз – Крушево, а со поддршка од Амбасадата на САД.

Агелер, која на функцијата е само осум дена, а во државата претстојувала од 2011 до 2013 година, нагласи дека граѓаните направиле повеќе од доволно за да ги отворат преговарачките процеси.

– Ако некој ми кажеше во 2013 година дека оваа земја ќе го смени своето име за да стане најновата членка на НАТО, јас ќе речев ова не е возможно. Ама го сменивте. И денес за вашата иднина и иднината на вашата генерација имате нов предизвик, а тоа е ЕУ интеграцијата. Оваа земја и овие граѓани направија повеќе од доволното за да ги отворат преговарачките процеси. Влегувањето во ЕУ ќе ја направат по просперитетна и по стабилна оваа земја, рече Агелер.

Според неа, младите во Западен Балкан се соочуваат со големи предизвици, но имаат моќ да ја подобрат состојбата во својата држава и да ги надминат предизвиците. Охрабрувајќи ги учесниците на конференцијата, посочи дека младите се интегрален дел, кој може да го направи регионот отпорен и демократски со владеење на правото.

– Морам да ве охрабрам да станете новите лидери што ќе ја креираат иднината што вие ја сакате за вашите заедници. За разлика од постарите генерации вие гледате со надеж кон иднината затоа што вие можете да контролирате кон просперитет и стабилност во регинот заради сите различности што ги има кај сите. Бидете храбри, самоуверени и имајте надеж, и дајте го својот потенцијал да го подобрите вашиот живот и животот на другите што живеат во вашите земји, рече Агелер.

Нина Јованоска од Младински сојуз – Крушево смета дека младите не се инертни од она што се случува на регионално, но и европско и светско ниво.

– Нас младите не погодуваат вестите за одредени немири или нестабилности во регионот особено војната во Украина, бидејќи младите сакаат мир и соработка. Да владее една атмосфера на мир во која луѓето ќе соработуваат помеѓу себе и ќе се избегнуваат конфликтите кои се случуваат. Но, свесни сме за комплексноста на регионот и за односите години наназад така што се надеваме дека и нашите носители на одлуки, но и сите останати луѓе во регионот ќе сфатат дека потребно е да се говори за мир и стабилност, а не за нови конфликти и нови предизвици, рече Јованоска.

Мануела Петровиќ претставник од младинска организација од Грчаница, Косово истакна дека ситуацијата на Косово и политичкото влијание е поприлично тензично и се одразува на сите младински заедници посебно на српската и албанската. Според неа, компромисот меѓу Србите и

Албанците во Косово е можен, ако се најде заеднички интерес, но потребна е и поддршка и од политчките претставници.

– Би сакала да има помало влијание, но е невозможно во сред сите овие случувања во последно време. Сметам дека многу е важно пред се да ги разбереме другите кои се во нашето опркужување, а при тоа да останеме тоа што сме ние всушност. Со оглед дека постои популација на Косово која е поприлично млада веруваме дека иднината на Косово е во младите, сега на нас е тоа што веќе години нананзад го говориме да го спроведеме на дело, да се вложиме за нашите интереси и за подобрување на нашата иднина, подвлече Петровиќ.

Гентрит Красничи, претставник од младинска организација за едукација и образование од Косово смета дека прашањето со Косово е повеќе политичка работа.

– Ние младите можеме повеќе да соработуваме, да ги посетуваме местата меѓу себе и така да придонесуваме за мир. Другата работа е дека политичарите, одосно раководствата на двете држави се тие кои ги пропагираат тие проблеми, не ние младите, вели Красничи.

Целта на конференцијата „Објективот на младите за мир и помирување“, според Методија Стојчески од Младински сојуз – Крушево е креирање платформа за младите од Балканот, каде ќе имаат можност да разговараат, да разменуваат мислења и ставови како да го одржиме мирот на Балканот.

– Да ги подготвиме младите луѓе да бидат поотпорни на различните влијанија и да може да го зачуваме мирот и сите придобивки на мирот, соживотот на Балканот, истакна Стојчески.

На конференцијата „Објективот на младите за мир и помирување“ учествуваат 50-тина младински лидери од Македонија, Босна, Србија и Косово.

Up Next

Ова се ДИРЕКТОРИТЕ во МНАВ што земаат ПЛАТА по 345.000 ДЕНАРИ МЕСЕЧНО !

Don't Miss

Само што поминавме оттаму… Новинарот Марко Марк сведочи за трагедијата на Таксим плоштадот (Видео)

Македонија

КОЛАПС НА УНГАРСКО-АВСТРИСКАТА ГРАНИЦА: 33 автобуси со македонски патници вратени назад

На унгарско-австриската граница настанаа големи застои, поради што 33 автобуси полни со патници од Северна Македонија останаа заглавени во долги колони и беа принудени да се вратат назад кон државата, јавуваат очевидци и патници.

Причината за блокадата, според информации од терен, е зголемениот сообраќаен притисок и редици на камиони и други возила на граничниот премин, што предизвика застој во сообраќајот на влезот кон Унгарија.

Патниците што патувале со автобусите се најдоа во тешка ситуација со долг период на чекање, поради што некои компании донеле одлука да се вратат кон Македонија без да го поминат преминот.
Патниците што беа сопрените на границата изразија незадоволство поради долгото чекање и отсуството на информација за тоа колку ќе трае застојот. Според нив, околу ситуацијата владеело големо нередење и недоволна координација, што дополнително ја компликуваше нивната патна рута.

Автобусите што се враќаа кон Македонија ги носеа патници кои патувале за зимски одмор и други сезонски дестинации во Европа, а многумина беа принудени да ги откажат или сменат нивните планови поради неможност да ја продолжат патеката преку Унгарија.

Од надлежните институции за транспорт и граѓани кои патуваат преку границите се очекува дополнителна информација и можни препораки како да се избегнуваат слични ситуации, особено во периоди со интензивен меѓународен сообраќај.
Во меѓувреме, патниците се повикуваат да ги следат објавите на одговорните служби за состојбата на граничните премини и да имаат предвид дека зимските месеци често носат зголемен број на патувања и сообраќајни застои на главните трансферни точки.

Македонија

ДЕНЕСКА НА МРЃУНАРОДНИОТ АЕРОДРОМ СКОПЈЕ – Реализирани 26 летови, по 13 слетувања и полетувања поради лошите временски услови

По периодот на прекин поради густа магла, Меѓународниот аеродром „Скопје“ повторно е отворен за сообраќај, соопштија од аеродромските служби.

Денеска се реализирани 13 слетувања и 13 полетувања, откако претходно системот на летови беше значително нарушен од временските услови.

Значителен број летови сè уште почувствуваа последици од маглата – 20 летови беа пренасочени кон други аеродроми, а две планирани авиони беа откажани, додека аеродромот работеше со ограничено функционирање.

Аеродромските оператори потврдија дека ситуацијата на пистите и навигациските системи се нормализира и дека сообраќајот постепено се враќа во вообичаениот режим. Патниците често пати беа известувани директно од авиокомпаниите за измените во нивните летови, вклучувајќи и за пренасочените и откажаните услуги.

Од аеродромот апелираат до патниците да ги проверат состојбите и статусот на нивните летови пред да пристигнат на терминалите, поради можни дополнителни измени што може да се појават при променливи временски услови.

Со обновувањето на летовите, се очекува нормализација на сообраќајот и олеснување за сите што планираат патување преку скопскиот аеродром во текот на денот.

Македонија

Дали „Сејф Сити“ функционира при густа магла? Експертите за bulevar.mk објаснуваат како работат камерите во лоши временски услови

Деновиве, поттикнати од енормно густата магла која ја зафати земјава и значително ја намали видливоста, граѓаните сè почесто се прашуваат дали системот „Сејф Сити“ на МВР функционира непречено и дали камерите навистина можат да ги регистрираат сообраќајните прекршоци во вакви услови.

Според ИТ и безбедносни експерти кои ги контактираше bulevar.mk, современите системи за видео-надзор не зависат исклучиво од визуелната слика видлива за човечкото око.

Камерите што се користат во рамки на „Сејф Сити“ се опремени со високосензитивни сензори, инфрацрвена поддршка и алгоритми за обработка на слика, кои овозможуваат работа и при намалена видливост.
„Густата магла може да ја намали јасноста на класичната слика, но системите за автоматско препознавање регистарски таблички (ANPR) користат инфрацрвен спектар и специјални филтри кои овозможуваат читање на таблиците дури и кога човек тешко гледа“, објаснуваат ИТ-експерти запознаени со вакви технологии.

Тие посочуваат дека маглата има поголемо влијание врз општите камери за мониторинг, но помало врз камерите наменети за детекција на брзина, минување на црвено светло и други прекршоци, бидејќи овие системи се потпираат и на радарски и сензорски податоци, а не само на видео-сликата.

Од аспект на сообраќајната безбедност, експертите нагласуваат дека токму во услови на магла е уште поважно системот да функционира, бидејќи ризикот од сообраќајни незгоди значително се зголемува. „Во вакви услови возачите мора да бидат двојно повнимателни, а автоматските системи имаат превентивна улога – да потсетат дека контролата е постојана“, велат тие.

Сепак, стручњаците укажуваат дека во екстремни услови на многу густа магла или обилни врнежи, можно е дел од снимките да бидат со намален квалитет, поради што секој регистриран прекршок мора дополнително да биде верификуван пред да резултира со казна, согласно законската процедура.

Од МВР досега информираа дека „Сејф Сити“ работи континуирано и дека системот е дизајниран да функционира во различни временски услови, вклучително и магла, дожд и ноќни услови.

Експертите заклучуваат дека, иако технологијата е напредна, најважниот фактор за безбедност останува однесувањето на возачите, особено во услови на намалена видливост, кога секое непочитување на сообраќајните правила може да има сериозни последици.