Министерството за одбрана на САД спроведува внатрешна истрага за „протекување на информации за националната безбедност“, но не прецизираше за што се работи.

Во дописот на началникот на Генералштабот до секретарот за одбрана, Пит Хегсет од синоќа, се споменува „неодамнешно неовластено откривање“ на таквите информации.

Американскиот претседател Доналд Трамп вчера ги отфрли тврдењата дека неговиот советник Илон Маск ќе биде информиран за тоа како САД хипотетички ќе војуваат со Кина.

-Доколку истрагата утврди кој е одговорен за неовластено објавување информации, ќе следи кривично гонење, се наведува во меморандумот.

Секретарот за домашна безбедност, Кристи Ноем вети овој месец дека ќе го засили тестирањето на персоналот со детектор за лаги за да се утврди кој би можел да објави доверливи информации во медиумите.

Министерството за правда вчера објави истрага за „селективно протекување на неточни, но сепак доверливи, разузнавачки информации“ за венецуелската банда „Трен де Арагуа“, чии членови во САД се цел на администрацијата на Трамп.

Најблискиот соработник на американскиот претседател Доналд Трамп, Илон Маск, смета дека е потребно да се преземат мерки против кршењето на демократијата од страна на судството.

,,Треба да се направи нешто за да се запре повтореното и еклатантно кршење на демократијата од страна на судството. Тоа им е очигледно на сите” , напиша Маск, кој го води американскиот Оддел за владина ефикасност и е еден од најбогатите луѓе на светот.

Маск реагираше на веста дека судиите на американските Окружни судови издале рекорден број национални забрани против администрацијата на Трамп, што се смета за значителна злоупотреба на судската власт.

Некои американски конгресмени најавија дека ќе воведат законска регулатива за да се стави крај на оваа злоупотреба.

Министерството за образование на САД е пред укинување поради неисполнување на задачите за кои било формирано пред 45 години. Стотиците милијарди долари вложени во него не донеле значителни резултати, а состојбата на училиштата е ужасно лоша. Претседателот Доналд Трамп побара средствата да се вложат директно во ефикасно образование.

Во САД, образованието се управува од сојузните држави, без министерство за образование, освен во краткотрајниот експеримент во 1867 година. Образованието е задолжително, а до 2013 година, 87% од децата биле запишани во јавни училишта.

Министерството за образование има околу 4.000 вработени, кои годишно заработуваат во просек 150.000 долари, двојно повеќе од просечната плата во Вашингтон. Во 2019 година, Министерството потрошило 71 милијарда долари од федералниот буџет, но нивните резултати и трошоци не можеле да се оправдаат.

Демократите бараат повеќе инвестиции во образованието, истакнувајќи ги ужасните услови во училиштата и ниските оценки по читање и математика. Иако се вложени милијарди долари, резултатите се мали, а владините кредити за студирање ја зголемуваат цената на школарините.

Министерството беше формирано за да обезбеди еднаков пристап до образование за малцинствата, но денес станува пречка за остварувањето на овие цели. Многу родители, вклучувајќи 70% од Афроамериканците, претпочитаат приватни училишта. Скапите студии пак, го намалуваат бројот на деца во САД.

Министерството треба да биде укинато, а средствата да се инвестираат директно во сојузните држави и локалните заедници. На тој начин, тие ќе одлучуваат како најдобро да ги потрошат, со демократска одговорност, вели Вероник де Раги.