Поранешниот градоначалник на Кочани, Љупчо Папазов, кој поднесе оставка по трагичниот пожар во дискотеката „Пулс“, оди во куќен притвор. Истата мерка е изречена и за уште тројца осомничени, по барање на обвинителството за замена на притворот. Меѓу нив се и поранешниот директор на Државниот пазарен инспекторат Горан Трајковски, еден инспектор и член на обезбедувањето.

Во куќен притвор се и неговите претходници на функцијата градоначалник – Ратко Димитриевски и Николчо Илијев. На поранешниот министер за економија, Крешник Бектеши, му е продолжен притворот за нови 30 дена.

Другите поранешни министри за економија, Ваљон Сарачини и Беким Незири, се исто така во куќен притвор, додека за Дритон Кучи се изречени мерки на претпазливост. Во меѓувреме, судот во Кочани ги разгледува жалбите на 12 осомничени.

Јавното обвинителство денеска демантираше дека обвинител се повлекол од случајот

1507 сообраќајни прекршоци вчера и завчера на територија на цела држава, 259 за брзо возење

Од вкупно издадените 1507 платни налози во текот на изминатите два дена (15/16.04.) од страна на полициските службеници во рамки на сообраќајни контроли на патиштата низ земјата, по основ на прекршоци од делот на неправилно паркирање беа изречени 517 платни налози а по основ на непридржување до пропишаната брзина на движење беа евидентирани 259 прекршоци.

Според статистичките бројки изречени се 103 прекршоци по основ на неносење сигурносен појас, потоа 55 по основ на користење мобилен телефон, изречени се 29 санкции за прекршоци што ги прават пешаците, пет мерки за неносење на заштитна кацига, а санкционирани се и 16 возачи на електрични тротинети.

Инаку санкционирани се и 144 возачи кои управувале без возачка дозвола, 14 управувале под дејство на алкохол, додека 16 возачи минале на црвен светло. Согласно пак одредбите од Законот за возила, 29 возила се исклучени од сообраќај заради техничка неисправност, а 30 биле со истечена регистрација.

Владините партнери на ВРЕДИ ги следат превирањата во коалицијата, но уверуваат дека не е загорзена стабилноста на владата. Откако Таравари одлучи за локалните избори да има сопствени советнички листи и инфомрациите дека водел разговори со албанската опозиција, од Движењето ЗНАМ на Максим Димитриевски, велат дека неприфатливо е за нив било кој од владејачката коалиција да соработува со ДУИ.

„Секој еден кој што соработува зад отворени или затворени врати со се уште за жал нефреформираната ДУИ за нас е неприфатлив да биде составен дел на партнерството во кое што учествуваме и Ние, но како и да е, времето ќе покаже во предизборниот период се случуваат вакви политички превирања и верувам дека и очекувам дека истите ќе се надминат  во рамките на таа коалиција“, изјави Максим Димитревски, Движење ЗНАМ.

За ВМРО-ДПМНЕ, случувањата во ВРЕДИ се внатрешно прашање на коалицијата.

„Во моментов владината коалиција функционира редовно и нормално“ коментираат од владејчаката партија, но без конкретен одговор, дали би било прифатливо Таравари да остане дел од Владата како посебен 4ти партнер при евентуално напуштање на Вреди. Според неофицијални инфомрации од извори во владејачката коалиција, без разлика на исходот од состанокот во Вреди, Алијанса на Таравари ќе остане дел од владата.

За Движењето ЗНАМ, превирањата во ВРЕДИ не се закана за владејачката коалиција.

„Владата е, била и верувам дека ќе биде стабилна со самиот факт дека во Владата партиципира ЗНАМ и коалициајта на ВМРО-ДПМНЕ самата бројка потврдува дека имаме стабилно мнозинство од 64 пратеници и дополнително пратеници во коалицијата вреди која ја поддржуваат владата“, вели ДИмитриевски.

Вреди и ЗНАМ досега повеќепати си разменија остри тонови околу укинувањето на балансерот, употребата на албанското знаме во кабинетите, но и за идејата за формирање Албанска академија на науките и уметноста.

Извор: Сител