Connect with us

Македонија

Не е само синот на Талат Џафери, СПОРНИ СЕ 449 СТУДЕНТИ ЗА ПРЕДВРЕМЕ ПОЛАГАЊЕ ПРАВОСУДЕН!

Published

on

Не можам бројка да кажам, меѓутоа до мене стигнуваат инфомрации дека многу, многу лица се пријавувале да полагаат предвреме правосуден испит. Има еден период каде што навистина било сива зона, изјави Билјана Ивановска, претседателката на Антикорупциска, дека предвреме се полагал правосуден испит, откако во јавноста излегоа вести дека БАрлет Џафери синот на претседателот на Собрание, Талат Џафери пред да дипломира се пријавил да полага правосуден.

Според Ивановска имало еден период со воведувањето на болоњскиот систем кога настануваат некои недоследности.

Таа за „Топ тема“ на Tелма рече дека претходно се студирало 4 години, па со болоњскиот систем биле намалени на три, за кои се добивале 180 кредити, а останатите 120, од потребните 300 за полагање правосуден испит, се добивале со завршување на магистерските студии.

Но, Барлет завршил три години и добил 7/1 квалификација, што според Ивановска можеби му ја отворило вратата во Министерството за правда, за предвреме да полага правосуден испит. Вели дека се обратиле до инспекторатот за образование, на Универзитетот на ЈИЕ да го провери периодот од 2008 до 2012, и да види колку има такви студенти што завршиле три години а добиле 7/1 степен на образование.

– Знаете која е бројката? 449 студенти. Значи тоа е појава, тие сигурно не чекале да им дојде рокот за да полагаат правосуден испит. Претпоставувам, ама не можеме да докажеме. Дали таа квалификација од 7/1 му ја отворило вратата во Министерството за правда, за да полага правосуден, значи тоа е прашалникот кој што се појавува кај нас. Реално, тој немал толку кредити, меѓутоа, со тоа 7/1 можеби тоа му ја отворило вратата во Министерството за правда, но кој може тоа да го докаже. Прво, седум години се поминати, значи делото е секако застарено, а и да не е, пак ние треба да покренеме постапка против службено лице, затоа што секој како него може да поднесе документи. Ние треба систем да градиме. системот да ги отфрла тие што не ги исполнуваат условите, вели Иавановска.

Таа посочи дека Државната комисија за спречување на корупција ја прекинало постапката за тоа како синот на Талат Џафери, успеал да добие право да полага, и да положи правосуден испит, пред да ги заврши магистерските судии. Ивановска негира дека не сакале да постапуваат, туку едноставно ги исцрпиле инструментите и истрагата со тоа завршила.

Не можевме да откриеме кој е тој што му дозволил на Барлет Џафери да полага предвреме. И тоа е нашиот проблем, затоа за нас постапката застанува тука, рече Ивановска.

Ивановска рече дека истрагата на антикорупционерите, која ја започнале по анонимна пријава, била насочена кон откривање кој му дозволил на помладиот Џафери да полага правосуден испит за да аплицира на Академијата за судии и јавни обвинители.

Гледајќи ги документите кои што ни ги достави академијата воочивме дека во фебруари 2015 го положил правосудниот испит, а во јули истата година, значи пет месеци подоцна, се стекнал со 300 кредити, односно завршил магистерски студии. И тука почнавме да истрасжуваме. Се обративме до Министерството за правда, да ни ги достават документите од барањето на кандидатот што го доставил до правда. Да видиме што содржело тоа барање, кој го примил тоа барање и кој издал решение дека кандидатот ги исполнува условите. Дали министерот или од министерот овластено лице. Од правда веднаш не известија дека тие документи се чуваат само една година, тоа е така затоа што министерот одлучил така, рече Ивановска.

Тогашниот министер за правда, Аднан Јашари, претходно тврдеше дека во стариот закон имало дискреционо право, но таа пракса била прекината по носењето на законот во 2019 година. Но, Ивановска тврди дека ниту во стариот закон немало такво право.

Нема дискреционо право, на што ќе се заснова тоа дискреционо право, врз основа на што тој треба да одлучи дејка на некому ќе му даде право да полага? Тоа е злоупотреба веќе, ако имало такво дискреционо право, тврди претседателката на Антикорупциската комисија.

Македонија

Мицкоски од Минхен: Пристапот кон ЕУ стана подвижна мета, постојат двојни стандарди

Published

on

Македонија е жртва на билатерален спор што две децении го блокира евроинтегративниот процес, порача премиерот Христијан Мицкоски од панелот посветен на пристапувањето на Балканот во ЕУ кој се одржа во рамки на Минхенската безбедносна конференција. Тој беше говорник заедно со албанскиот премиер Еди Рама и еврокомесарката за проширување Марта Кос. Мицкоски, земјава ја спореди со Хрватска која во исто време ги започна евроинтеграциите, но како што рече Македонија е се уште на исто место поради наметнати билатерални прашања од соседите.

-Ние сме жртва на билатеризација или да бидам уште попрецизен, нашиот пат кон ЕУ е многу комплексен. Затоа што наместо да ја добилижиме Европа на Балканот, ние на некој начин го носиме Балканот во Европа. Има за жал земји членки на ЕУ кои се од Балканот и тие го носат билатералните спорови задно со нив во Брисел наместо да ги донесат бриселските вредности на Балканот.изјави – Христијан Мицкоски – Претседател на Влада.

Еврокомесарката за проширување Марта Кос, пак, ја повтори пораката дека според неа, билатералните спорови го отежнуваат процесот. На прашањето на модераторката на панелот Мајда Руге дали Брисел е подготвен да преговара за уставни измени со одложено дејство, предлог кој го оцени како разумен, Кос одговори дека доколку Скопје и Софија се согласни може да помогне билатералниот спор да се реши надвор од проширувачкиот процес.

-Бугарија и Македонија веќе зборуваат за тоа, ние се понудивме за помош ако е потребно да се олесни. Никогаш не е добро кога се внесуваат билатерални спорови, со се случува повторно и повторно. За тоа зборував претходно, можам да ја разберам фрустрацијата. Секогаш ќе треба да се справуваме со билатерални прашања, мојата визија е доколку е можно ве молам, и ние ќе помогнеме да се реши ова надвор од процесот на проширување.изјави – Марта Кос – Еврокемсар за проширување.

Во врска со идните перспективи на ЕУ и безбедносните предизвици со кои се соочува, Мицкоски рече дека Македонија е комплетно усогласена со надворешната и безбедносната политика на ЕУ. Но упати забелешка молкот на Брисел кога земја членка на Унијата го негира македонискиот идентитет, посочувајќи ја Бухарија.

-Кога Русија навредливо го занемарува и негира украинскиот идентитет, за што претседателот Зеленски зборуваше вчера, и украинскиот јазик итн, сите сме гласни, сите критикуваме, секако се бориме за правата на украинскиот народ и за оваа агресија без преседан која Путин и ја направи на Украина. Но кога парламентот на една земја членка на ЕУ, го занемарува и негира македонскиот идентитет и мојот македонски јазик, тогаш сите се силни. Секој знае дека зборувам за Бугарија,-изјави – Христијан Мицкоски – Претседател на Влада.

Албанскиот премиер Рама кој исто така беше дел од панелот, порача дека очекува ЕУ да ги забрза процесите на интегрирање. Еврокомесарката Кос смета дека во нејзиниот мандат две или три земји до крајот на 2027 може да го затворат преговарачкиот процес посочувајќи ги Црна Гора и Албанија како предводници, веднаш потоа рече ќе се продолжи со Македонија.

Continue Reading

Македонија

Нема пари од ЕУ за Македонија, одложена исплатата од Планот за раст

Published

on

Првите исплати од Европскиот план за раст за земјите од Западен Балкан нема да бидат извршени во првиот дел од оваа година, односно се одложени, според објаснувањето на прес-службата на Европската комисија (ЕК).

„Европската комисија сега ги финализира процедуралните чекори, што треба да овозможат ослободување на предфинансирањето што е можно поскоро во 2025 година. Првите редовни исплати се очекуваат меѓу вториот и третиот квартал на 2025 година, откако ќе се исполнат соодветните услови“, се наведува во објаснувањето.

Планот за раст на Западен Балкан усвоен од Европската комисија уште во јануари 2024 предвидува шест милијарди евра во форма на грантови и заеми за земјите од овој регион.

Министерот за евроинтеграции Орхан Муртезани на крајот на минатата година објави дека наскоро Собранието ќе го ратификува Договорот за Инструментот за реформи и раст со кој се ослободуваат вкупно 52,5 милиони евра како првата рата од над 750 милиони евра од Брисел кои ни припаѓаат.

Како што објаснуваат упатените, овие меѓународни договори мора да бидат ратификувани од парламентите на тие земји.

„Изгледа дека овојпат ЕУ е поподготвена да изврши плаќања од овој пакет отколку што се подготвени да ги добијат земјите од регионот“, изјави извор од Брисел за Радио Слободна Европа (РСЕ).

Од Европската комисија нема прецизно објаснување во која фаза е секоја земја од регионот во однос на обврските неопходни за започнување на плаќањата.

„За да започнат реформите, земјите може да побараат до 7 отсто од предфинансирањето од вкупниот износ предвиден со овој инструмент (од првичниот индикативен износ на финансирање што е достапен за секој корисник). Ова го побараа сите пет корисници со одобрени реформски агенди (освен Босна и Херцеговина, која се уште не доставила)“, се наведува во одговорот на Европската комисија.

За да може да добие финансиска помош од Планот за раст, од секоја земја во регионот се бараше да развие реформска агенда која потоа беше одобрена од ЕК. Босна и Херцеговина е единствената земја која нема одобрена агенда бидејќи Сараево до Брисел достави нецелосен документ кој не ги исполнува критериумите на ЕК. 

Continue Reading

Македонија

Таравари најавува можно спојување на четирите партии од „Вреди“ по локалните избори

Published

on

Министерот за здравство Арбен Таравари најави можно спојување на четирите партии од коалицијата „Вреди“ во една партија после локалните избори во октомври годинава.

За кандидати на „Вреди“ на локалните избори, Таравари вели дека се зборува и се прават анкети за некои имиња.

„ВО ПОВЕЌЕТО ОПШТИНИ, КАДЕ ШТО МНОЗИНСТВО, ОДНОСНО ИМА ШАНСИ И АЛБАНЦИТЕ ДА ПОБЕДАТ, ПОВЕЌЕ СЕ АЛБАНЦИ, РАЗМИСЛУВАМЕ ЗА ПОТЕНЦИЈАЛНИ КАНДИДАТИ. МЕЃУТОА, СЕ НАДЕВАМ, КОН КРАЈОТ НА МАРТ, ЌЕ ИЗЛЕЗЕМЕ И СО ПРЕДЛОЗИ КОИ БИ БИЛЕ НАШИТЕ КАНДИДАТИ ВО ОДРЕДЕНИ ОПШТИНИ ЗА ИДНИ ГРАДОНАЧАЛНИЦИ“, ВЕЛИ ТОЈ.

Таравари се осврна и на последната одлука на Основниот суд Тетово кој пресуди дека печатите на Алијанса за Албанците и официјално му припаѓаат на Зијадин Села.

Најави дека ќе ја обжали одлуката на Судот бидејќи, како што вели, важно е кој ги има членовите, а не печатите.

Извор: telma.mk

Continue Reading
Advertisement
Advertisement

Трендинг

Copyright © 2024 Булевар.мк