Ако можам да го споредам, и ако премногу добра би била споредбата Артан Груби е едно зајдисонце кое што е во неуспешен обид ова заоѓање да му трае што подолго. И оваа негова изјава е само во насока за негов личен спас, во насока да наштети на ВМРО-ДПМНЕ со тоа што го зема во прегратка пратениците на Левица за кои што тврди дека сигурно ќе гласале против уставните измени и во насока да ја покрие корупцијата во ДУИ чиј што тој лидер е еден од првите најкорумпирани. Вака денес Дафина Стојаноска, пратеник од редовите на ВМРО-ДПМНЕ, реагираше на ставовите на Артан Груби во последното интервју, во кое првиот вицепремиер тврди дека имаат повеќе од 80 пратеници за изгласување на уставните измени.
Стојаноска рече дека Артан Груби не може да се однесува како пророк, а ниту пак да говори за европски вредности.
-Не може Артан Груби да се однесува како пророк да кажува што ќе се случува со нашите пратеници и со нашите коалициони партнери. Затоа што тука се уште се едни двајца пратеници кои што во 2018-та не попуштија би рекла и на човечки и нечовечки притисоци кои што тогаш ги имале. Така да ќе кажам дека граѓаните во Република Македонија во моментов на ваква криза најсензитивни се на зборот корупција. И лик како Артан Груби најкорумпиран во државата не може да се однесува ниту како пророк, а ниту да зборува за европски вредности, нагласи пратеничката.
Инаку, првиот вицепремиер претходно изјави дека е сигурен оти уставните измени ќе се изгласаат и дека дел од пратениците на ВМРО-ДПМНЕ ќе попуштат.
Министерскиот совет на Бугарија во 1890 год., назначува комисија којашто поднесува пропагандна програма која е усвоена од Народното собрание во Софија на 11.11.1891 година.
Ова го открива македонскиот дипломат Стево Симски во неговите дипломатски белешки.
,,За реализирање на посочената програма одвоени биле 5 (милиони) и 500 илјади франци (25% од буџет на Бугарија за 1892 год.).
Наведената сума била искористена и за:
– 2. 500 000 франци, за поткупување видни чиновници на Високата Порта и канцеларијата на дворецот во Цариград;
– 800 000 франци, за поткупување видни чиновници од власта во етногеографска Македонија и
– 150.000 франци за поткуп на чорбаџии во градовите и селата”, пишува Симски во својата Дипломатска белешка од 2015 година.
Колкав е буџетот на актуелната бугарска влада за поткуп во Макеоднија сега не е можно да се дознае затоа што во сегашната пропаганда се вклучени различни државни, тајни и граѓански субјекти.
Македонецот Мартин Саздов, познат како „Сакса“ е главна ѕвезда деновиве во медиумите затоа што конечно го освои Светското првенство во Дота 2 со неговиот тим Тундра, кој остана непоразен во текот на цел турнир и загуби само четири мапи, а со триумфот во финалето заработи неверојатни осум милиони долари, се вели во сторијата на Sport 1.mk во која е застапен поширок осврт за овој несекојдневен настан за нашата земја.
По долги години во една од најпопуларните игри во светот на е-Спортот, „Сакса“ конечно го оствари сонот кој го имаат голем број играчи на популарната Дота 2, иако патот до успехот воопшто не му беше лесен, но сепак со неговите квалитети заслужи да биде на врвот.
Саздов е во екипата на Тундра од крајот на февруари, а може слободно да кажеме дека дојде во вистинскио период во моќниот тим, кој освои трето и четврто место пред доаѓањето на „Сакса“ во екипата, по што продолжија успешните резултати и на следните неколку турнири, а тоа беше најава за големиот подвиг кој го направија пред некој ден.
„Сакса“ даде интервју за „госугејмерс“ по настапот на турнир во Стокхолм, каде што го освои третото место со Тундра по болниот пораз од неговиот поранешен тим ОГ, но најуспешниот македонски е-спортист во Дота 2 кажа дека тоа ќе им биде само мотив за да продолжат во вистинска насока како тим и тоа се круниса со освојување на „Д Интернешнл“, односно Светското првенство во Дота 2.
„Не е лош резултат третото место во Стокхолм, меѓутоа разочарани сме затоа што бевме во одлична форма и можевме да го освоиме турнирот, сепак во последните денови не игравме најдобро и пристигна казната“, вели македонскиот спортист.
Македонскиот играч во интервјуто доби прашање да направи споредба меѓу тимот на ОГ во кој беше тој и сегашната структура на екипата.
„Можеби филозофијата во тимот е слична, но начинот на кој игра оваа екипа е поразличен од некои претходни изданија на ОГ. Тимот е фокусиран на нивните главни играчи за да имаат добра игра. Тие дефинитивно се едни од најдобрите тимови во моментов и ќе биде предизвик за некој да ги победи“, кажа „Сакса“.
Исто така, „Сакса“ зборуваше за тоа колку е популарен е-Спортот во Македонија, кој во последните години добива популарност кај младите генерации, но сепак за жал не е на нивото на останатите спортови како фудбалот, кошарката, ракометот и други.
„Е-спортот не е многу популарен во Македонија. Дота 2 е популарна само меѓу момците од 20 до 35 години, но не е премногу застапен и кај новите генерации. Ме препознаваат некои луѓе од време на време, но мислам дека голем дел од нив ме знаат поради тоа што сум единствен играч кој игра на големи турнири во моментов“, вели Саздов во неговото интервју пред неколку месеци.
Најуспешниот македонски еспортист во Дота 2 кажа и како сака да си го поминува слободното време, затоа што не му е Дота 2 сè во животот.
„Сакам да гледам цртани филмови, да одам на прошетки, да го минувам времето со семејството, девојка ми или пријателите, а правам и многу други работи“, открива ѕвездата на Тундра.
Ова беше трет настап на „Сакса“ на Светското првенство во Дота 2 и конечно ја доби првата титула на големиот турнир и тоа дефинитивно е најголемото достигнување на било кој македонски е-спортист досега.
Е-спортот е потврден како национален спорт од јануари оваа година со препознавањето на Македонската е-спорт Федерација (МЕСФ) и нејзиното признавање од страна на АМС, додека е-Спорт федерацијата активно работи од 2005 година и е препознаена како 66. членка на Меѓународната е-спорт федерација.
Мартин Саздов – Сакса, 27-годишен гејмер од Свети Николе, за кого пред неколку дена слушна целиот свет, откако неговиот тим победи на Интернационалниот ,,Дота 2” турнир во Сингапур, и освои 8.518.822 долари, стана едно од најпребаруваните имиња на интернет кај нас.
Кое е момчето, кое стана најдобра ,,Дота 2” играч на светот, кое со својот тим ,,Тундра Еспортс” ја освои милионската награда?
Од она кое може да се прочита во неговата биографија, како што пишува Фокус, објавена на страницата Liquipedia Dota 2, тој играл видео игри уште кога бил тригодишно дете.
Започнал да игра ,,Дота” на свои десет години, и се повеќе се усовршувал. Кога забележал дека има голем напредок, решил да го остави универзитетот, и да се посвети целосно на ,,Дота 2”.
Во 2015 година го доживеал првиот значаен успех, кога со неговиот тогашен тим ,,4 clover & lepricon” освоил 65.000 долари. Во 2016 година прво со тимот ,,Digital chaos” освоил 3.427.126 долари, а потоа истата година, со истиот тим освоил уште 250.000 долари на натпревар.
Во 2017 година се спомнуваат освоени 125.000 долари, а пак во 2019 година во два наврати освојувал по 125.000 долари со своите тимови.
Во 2020 година исто така два пати освоил награди, и тоа првин 125.000 долари, а потоа 100.000 долари. Лани со тимот ,,ОГ” освоил 1.000.500 долари, а пак годинава со тимот Тундра Еспортс брилираше со наградата од 8.518.822 долари.
Околу тоа кој е приватно Сакса, во биографијата е наведено дека тој е највисокиот играч на професионалната ,,Дота 2” сцена, со 2.03 метри висина.
Пишува дека тој станал првиот македонски играч кој учествувал на интернационалниот натпревар во 2016 година. Името Сакса го добил во раните години кога започнал да игра ,,Дота”.
Прво добил златно членство, но сметката му била хакирана. Откако бил пронајден хакерот, добил нова сметка со името Сакса, кое го користи до денес.
Косовски државјанин се соблекол гол до појас, викал „УЧК“ и агресивно се однесувал кон патниците на денешниот лет на „Визер“ од Брисел за Скопје, пренесува СДК.мк.
„Засега е познато дека станува збор за косовски државјанин кој е задржан на граничниот премин Меѓународен аеродром Скопје поради агресивно однесување. Се работи на расчистување на случајот“, изјавиле од Министерството за внатрешни работи за порталот.
Мажот бил веднаш приведен по слетувањето на скопскиот аеродром околу 12.30 часот.
Албанскиот народ денес со три држави, а и натаму е без Етничка Албанија, вели писателот, поет и политички аналитичар Каљош Челику, кој живее и работи во Македонија, во неговата колумна со наслов „Народ со три држави и без етничка Албанија“, која ја објави информативната агенција на албански јазик ИНА.
Како што пренесува Експрес, Челику ја означува Македонија како „трета албанска држава“:
– Историскиот, албански народ создаде држави низ светот: Египет, Турција и Југославија (С. Македонија). Но, не стори ништо за себе и натаму се уште не е во единствена албанска етничка држава. Албанскиот народ е распарчен и негови делови има во Србија, Црна Гора и во Босна и Херцеговина (во Санџак). Албанскиот народ сега засега е со две-три држави: Албанија, Косово, С. Македонија. Тоа е народ, кој пред очите на светот и натаму има две-три држави, но се уште нема една албанска етничка држава, пишува Челику.
Викендов во Истанбул, Турција се одржа изборот за убавина Кралица на Евроазија 2022. Нашата претставничка Мија Стерјовска, 18 години, од Скопје ја освои титулата Кралица на убавината (Queen of Beauty), како најубава од сите 30 кандидатки од исто толку држави од Евроазија.
Освен Мија, уште една членка на Модното студио Црнокрак успеа да освои титула, итоа главната, победничка на изборот. Тоа е нашиот интернационален модел, Доти Полгар од Будимпешта, Унгарија, со која соработуваме речиси 8 години. Со тоа го продолживме успешниот низ на освоени интернационални титули, дури 15 кои само оваа година ги освоивме со девојките и момците од Модното студио Црнокрак. Но не застануваме тука, до крајот на годинава следат уште неколку избори ширум целиот свет”, вели Мики Црнокрак, директно од Истанбул веднаш по финалето.
Инаку, изборот Кралица на Евроазија се одржа во Маскарада, еден од најдобрите клубови во Истанбул и цела Турција. Мија на финалето се претстави во модели од брендот ЛАМАС.
Џенифер Лопез знае како да се справи со контроверзите, а тоа повторно го потврди откако ги воодушеви фановите за време на сè погласните озборувања за кризата во бракот со Бен Афлек.
Повеќе не го носи прстенот? Гласините беа поттикнати од неодамнешната фотографија на актерот во Лос Анџелес, објавена од Радар онлајн, на која се гледа дека не носи прстен. Откако веста ги преплави медиумите, пејачката на својот Инстаграм профил објави неколку фотографии кои ги избезумија нејзините фанови.
Вирални фотографии Џеј Ло објави провокативни фотографии на кои позира во кревет во долна облека со пуштена коса и широка насмевка на лицето.
Фотографиите станаа вирални – собраа 2,3 милиони лајкови и над 20.000 коментари.
Пустиножителот кој му ја претскажал иднината на царот Диоген.
Свети Прохор Пчински Според житието Свети Прохор Пчињски потекнувал од некое село од Овчеполието. Родителите, татко му Јован и мајка му Ана биле чесни и побожни луѓе што долго немале деца. Поради тоа биле несреќни и секогаш го молеле Бога да им даде пород. И по многу години Бог ги дарувал со машка рожба на која и ставиле име Прохор. Му се радувале и го воспитувале во христијански дух, а кога пораснал сакале да го оженат, да формира семејство и да го наследи имотот. Но Прохор сакал да му се посвети на Бога. Еднаш во црквата ги слушнал овие зборови од светото Евангелие: „Кој го сака својот татко, или својата мајка повеќе од мене, не ми е достоен, кој ја сака жената или децата повеќе од мене, не ми е достоен; кој сака да го земе својот крст и по мене да дојде – стопати ќе биде примен и вечниот живот ќе го наследи“.
По излегувањето од црквата Прохор се упатил кон планината и започнал испоснички живот. Најпрвин живеел во една пештера во близината на селото Старо Нагоричане, Кумановско. Се хранел со зелје и корења од трева, живеел во пост и молитви, зиме на мраз, лете во пот. На тоа место без да види човек, а дружејќи се само со дивите ѕверови минал 32 години.
Тука имал средба и со Роман Диоген, идниот цар на Византија, на кого му ја претскажал иднината. Имено, житието раскажува дека еднаш кога Диоген бил на лов во овој крај бркал една срна. Срната дошла пред пештерата и легнала пред нозете на светецот. Потоа по неа дошол и Диоген кој се исплашил од глетката и се засрамил од старецот, поради што почнал да бега од местото. Но и се изненадил кога старецот го повикал по име: „Диогене, немој да бегаш, но врати се, и јас сум човек“. А кога се вратил кај старецот барајќи прошка и благослов овој му рекол: „Диогене, речено е да одиш во Цариград и да бидеш цар, но кога ќе дојдеш на престолот спомени ме мене, старецот, поради пророштвото што ти го изреков“.
Диоген навистина станал цар на Византија во периодот 1067-1071 година, и тогаш го заборавил светиот Прохор. Овој пак монашкиот живот го продолжил во планината Козјак во една пештера во близината на реката Пчиња каде што и умрел на 14-тиот ден од месецот октомври, а неговото тело долго не се распаднало.
Царот Роман Диоген навистина заборавил на светиот старец но еднаш тој му се јавил во сонот и му рекол: „Ја заборави твојата облека и мене старецот“. Тогаш тој тргнал да го бара на местото каде што ја имал чудната средба со него и со срната. А кога не го нашол, за спомен изградил убава црква што и денес ги восхитува случајните и намерните посетители на селото Старо Нагоричане. А кога сакал да се врати во Цариград пак во сонот му се јавил светецот и му рекол дека ако го бара ќе го најде во планината. Царот со придружбата тргнале низ планината и на едно место виделе како бел орел излегува од една пештера. Во таа пештера го нашле телото на светецот уште нераспаднато. Царот и придружбата се поклониле пред светите мошти, и ги понесле кон реката со намера да ги положат во манастирот посветен на неговиот спомен. На едно место ковчегот со светите мошти застанал и не можеле да го помрднат, а светецот во сонот му рекол на царот: „Нема да ме однесеш оттука“. Тука е изграден манастирот што го носи името на Свети Прохор Пчињски, а неговите свети мошти и денес лежат во црквата од десната страна на олтарот.
Царот Диоген по овие настани среќен се вратил во Цариград.
Свети Прохор Пчињски починал на 14 септември (с.с.), но поради тоа што на овој ден се празнува големиот празник Воздвижение на чесниот крест (Крстовден) празнувањето на преподобниот Прохор е пренесено на 15 јануари (с.с.).
Најстариот портрет на Свети Прохор Пчињски заедно со портретот на Свети Јоаким Осоговски се среќаваат во црквата „Свети Ѓорѓи“ во Старо Нагоричане (по обновувањето) завршени во 1318 година, како единствени претставници на локалниот култ.
Манастир „Свети Прохор Пчински“ Манастирот на реката Пчиња е подигнат во 11 век. Манастирот бил и зографски центар, а и препишувачка школа, односно ракописен центар. Живописот на црквата е од 1489 година. Во 1944 година во манастирот е одржано Првото заседание на АСНОМ.
Бидејќи се молеше за тоа, Бог му го покажа местото на неговиот подвиг. Тоа место беше на брегот на реката Пчиња.
Свети Прохор се подвизуваше таму до старост и до својата смрт. Само Едниот Бог знае за сите негови подвизи и искушенија што ги претрпе во текот на овој живот.
Но, според неговите мироточиви мошти и безбројните чудесни исцеленија, коишто и до ден денес не престанаа, може да се суди за големината на Божествената благодат што му ја подари Бог за неговите големи страдања. Свети Прохор се упокои и се пресели во Царството Небесно во 9 век.
