На денешната седница на Влада усвоивме одлука со која становите што ги гради ЈП за станбен и деловен простор ќе се продаваат по реални цени

📌 65 стана ќе се продаваат по 1000 евра за метар квадратен
📌 11 дуќани по 2000 евра за метар квадратен
📌 71 паркинг место по 500 евра за метар квадратен

Со ова вршиме интервенција во пазарот за недвижности во Битола и запирање на лудилото на зголемувањето на цени на станови!

👉 Очекувам исти или слични активности и во други општини во периодот што следи

Вицепремиерот и министер за транспорт и врски, Александар Николовски, напиша на својот Facebook профил.

Вчера во 17.00 часот во Полициското одделение Групчин, 58 – годишник од тетовско село пријавил дека бил измамен од В.П. за сума од 153.577 денари.

Според пријавеното, на 18.01.2025 лицето му се јавило и го известило дека на неговата сметка има прилив од 17.000 долари и доколку сака да ги подигне треба да внесе пари.

Како што е пријавено, на 20.01.2025 на неговата сметка ги ставил парите, по што лицето повторно му се јавило и му ги побарало корисничкото име и лозинката од мобилната апликација. Исто така, според пријавеното, откако после тоа не можел да пристапи на апликацијата од банката бил известен дека нема никаков прилив и дека парите биле подигнати.

Се преземаат мерки за расчистување на случајот.

Момче на возраст од 24 години синоќа било пронајдено починато во када во куќа во кавадаречкото село Марена, информираат денеска од Секторот за внатрешни работи – Велес.

– Во 19:05 часот во ОВР – Кавадарци било пријавено дека во кадата во купатило во куќа каде престојувал во село Марена, пронајден бил починат 24-годишниот Д.Н. од селото Бегниште. Лекар од болницата во Кавадарци констатирал смрт без траги на насилство, појаснуваат од СВР – Велес.

Увид на местото извршиле увидна екипа од ОВР – Кавадарци и јавен обвинител, по чија наредба, телото на починатиот било дадено на обдукција.