Официјално е!

Со голема гордост објавуваме дека почесната пратеничка за Cooper, Гед Керни (Ged Kearney MP), вети инвестиција од 1,5 милиони австралиски долари за изградба на ново синтетичко фудбалско игралиште на теренот 4 во B.T. Connor Reserve, како дел од нејзиното изборно ветување.

Претседателот на клубот, Давид Цветковски, изјави:

„Во последните пет години работевме неуморно како тим за да ја подготвиме студијата за изводливост. Ова е огромен чекор напред за нашиот клуб и за пошироката заедница – изградба на висококвалитетен терен, достапен во сите временски услови, кој ќе им служи на играчи од сите возрасти во нашата развојна програма, како и на пошироката заедница во Даребин. Целта е да се создаде простор кој поттикнува учество, инклузија и иднина за аматерскиот фудбал во северниот дел од Мелбурн.“

Изразуваме голема благодарност до почесната пратеничка Гед Керни, пратеникот Нејтан Ламберт (Nathan Lambert MP), како и до Градот Даребин, градоначалничката Кристин Оларис и сите советници кои постојано го поддржуваат развојот на спортот во заедницата.

Почитувани жители,
Ве известуваме дека на 19.04.2025 година, со почеток во 09:00 часот, во селото Долна Горица ќе се одржи Спартакијада помеѓу селата на Општина Пустец. Ве молиме за секоја екипа да ја доставите листата со имиња на учесниците до Секторот за култура и спорт во Општината.

Ви благодариме за соработката!

Започнаа долгоочекуваните градежни работи на „Градскиот стадион“ во Тетово, каде што се гради втора трибина според највисоките стандарди на ФИФА и УЕФА, со цел стадионот да може да биде домаќин на меѓународни натпревари.

Првата стара трибина беше срушена во април, а активностите официјално почнаа по добивањето на градежната дозвола. Според фотографиите што ги доби нашиот медиум, веќе е започната изградбата на првата нова трибина.

Новиот стадион ќе има капацитет од 10.000 до 12.000 седишта и ќе располага со модерни простории за тимови, службени лица, ВИП гости и новинари. Целиот проект е проценет на 9,7 милиони евра и според договорот треба да биде завршен во рок од три години, иако се очекува работите да завршат и пред предвидениот рок.

Градскиот стадион во Тетово е изграден во 1981 година, кога ФК Тетекс влезе во Првата југословенска лига. Тогашниот капацитет надминуваше 15.000 гледачи, а изградбата ја финансираше текстилниот гигант „Тетекс“, со поддршка од државата.

Новата изградба ќе му даде на Тетово стадион достоен за идни фудбалски предизвици.