Connect with us

Македонија

Зеколи за Агелер: Што сѐ и се случи на амбасадорката на САД а треба да јаде уште 30 вида пастрмајлии

Published

on

Екс дипломатот и политички аналитичар Арсим Зеколи ги коментира настаните што се случија во земјава откако во Македонија пристигна новата амбасадорка на САД Ангела Агелер.

,,Откога дојде Анџела:

– ДУИ си избра обвинител
– Русо-олигарх доби пасош
– Непотизам процвета во АНБ
– Сашо (Мијалков) најави кам-бек

А уште во 30 града допрва треба да јаде пастрма”, пишува Зеколи кој знае дека за амбасадорот на САД во било која земја е најлоша работа кога лоши работи се случуваат за време на негов/нејзин мандат.

Агелер сега е под силен притисок дури и кога е јасно дека таа објективно не е виновна за работите што се случуваат сега а кои биле подготвувани во времето на нејзината предходничка Брнз.

Почетокот на мандатот на Агелер е еден од најинтензивните според бројот на скандали и антиамерикански поведенија на било која власт во земјава споредено со било кој друг амбасадор на САД од независноста на Македонија.

,,По првиот месец се познава мандатот”, заклучува Зеколи кој и самиот бил амбасадор.

Агелер пред неколку дена објави дека јадела еден од триесетината видови македонски пастрмајлии.

Македонија

Шабан Трстена му врачи награда на Изет Меџити

Published

on

Вицепремиерот и министер за животна средина и просторно планирање Изет Меџити денеска ја прими наградата „Златен олимписки Оскар“ од ветеранот на борењето и олимписки шампион, Шабан Трстена.

Меѓу пријатели, љубители на спортот од земјава и регионот, академици и спортисти, олимпискиот шампион Шабан Трстена на 8-мата по ред церемонија на доделување на „Златниот олимписки оскар“, посветена на спортистите и поддржувачите на спортот, му се заблагодари на вицепремиерот Меџити за се што направил низ годините за борењето и спортот во целина.

„Додека луѓето постигнуваат успеси во животот на поодминати години, Трстена тоа го постигна на своите 19 години, добивајќи го најважниот олимписки медал, златниот, на главниот спортски настан во светот, Олимписките игри и стана дел од светската историја на спортот, што не прави исклучително горди“, рече вицепремиерот Меџити на церемонијата.

Олимпискиот шампион Шабани Трстена е спортистот кој како 19-годишник во 1984 година, од Чаир, отпатува на Олимписките игри во Лос Анџелес каде блесна со последователни победи и се закити со златниот олимписки медал.

Continue Reading

Македонија

Јакимовски почна да се извинува

Published

on

Градоначалникот на Општина Карпош Стевчо Јакимовски јавно и се извини на министерката за образование Весна Јаневска затоа што вчера ја нарече „северџанка“, и истовремено ја повика на средба на која би ги разгледале можностите за решавање на проблемот околу долговите за греење на училиштата во Карпош.

– Имам високо мислење за госпоѓата Јаневска. Јавно и се извинувам за тоа што ја нареков „северџанка“. Мислам дека госпоѓата не го заслужува тоа. Но, ние мораме да разговараме. Не можеме да кажеме „ние сме ги исплатиме парите, а општината треба да знае да менаџира со нив“. Замолувам за наредниот буџет да се расчистат овие работи. Станува збор за околу 16 милиони денари, токму тие пари ни недостасуваат. Минатата година плативме 6 милиони денари, годинава имаме 8,3 милиони денари за греење. Тоа се големи пари за локалната самоуправа. Од друга страна имаме општини кои се бањаат со пари. Замислете општина Желино ќе финансира академија на науки и уметности. Жал ми е што мораме вака во јавност да се препукуваме. Вистински одговор е „да, има помалку средства за училиштата во Карпош, ама се надеваме со наредниот буџет дека тие средства ќе се контрибуираат за да се платат тие сметки“. Во спротивно треба да се фрлиме на штедење. Со задоволство би сакал да се видам со министерката. Таа е релативно кратко во тоа министерство. Знам дека има многу проблеми. Има преку 400 училишта. Но, сите како општество треба да видиме што можеме да направиме за да обезбедиме услови за нормално функционирање на училиштата во општината, изјави градоначалникот Јакимовски.

Continue Reading

Македонија

Конечно некој на Мерко му застана на патот

Published

on

На градоначалникот на Струга Рамиз Мерко му се одземени ингеренциите во образованието.

Поради обвинувања за незаконски назначувања на директори на училишта, на Мерко првично му беа одземени овластувањата за две основни училишта.

Основното јавно обвинителство (ОЈО) Струга поднесе обвинителен предлог против з Мерко за несовесно работење во службата. 

Според Обвинителството, струшкиот градоначалник Рамиз Мерко, свесно ги повредил законските прописи при именување вршител на должност – директор на општинско основно училиште во селото Радолишта.

Во мај годинава, ОЈО Струга поднесе два обвинителни предлози против Мерко за несовесно работење во службата.

Во првиот предмет Мерко ги прифатил како законски фалсификуваните документи во постапка за полагање стручен испит на наставничка која подоцна ја назначил и за в.д. директор на училиштето во село Велешта за периодот од 19 април 2022 до 06 септември 2023 година. Во овој предмет обвинети се уште и тогаш наставничката по француски јазик која подоцна била и именува а в.д. директорка, како и тогашните директор и помошник-директор на училиштето.

Во вториот предмет, Мерко исто така е обвинет за несовесно работење во службата бидејќи донел решение со кое за в.д директор на основно училиште во селото Подгорци именувал лице кое не ги исполнувало условите, односно немало работно искуство од најмалку пет години во воспитно-образовна работа, како што е предвидено во Законот за основно образование.

„Иако не ги исполнувало условите, лицето ја извршувало директорската функција во периодот од 11 ноември 2022 до 25 април 2023 година“, информираа тогаш од Јавното обвинителство.

Во март годинава ОЈО Струга поднесе обвинителен предлог против Мерко за незаконско поставување на директор на основното училиште во село Лабуништа.

„Обвинетиот, како службено лице – градоначалник на општината Струга,на 31 јануари 2022 година, ги повредил законските прописи за совесно постапување при именувањето на вршител на должност – директор на општинско основно училиште во селото Лабуништа. Притоа, донел решение и за вршител на должноста именувал лице кое не било од редот на вработените, како што е предвидено во членот 118 од Законот за основно образование, и немала соодветно работно искуство во воспитно-образовна работа предвидено во членот 109 од Законот. Така обвинетиот овозможил лицето да биде именувано на функцијата и да и се исплаќа плата како в.д. директор 19 месеци, со што на училиштето му била нанесена штета во вкупен износ на неосновано исплатените плати и придонеси“,информираше тогаш Јавното обвинителство.

Continue Reading
Advertisement
Advertisement

Трендинг

Copyright © 2024 Булевар.мк