Црногорските медиуми јавуваат дека тело на млад поштар од Црна Гора, Милош Стаматовиќ било најдено со врзани раце на брегот од реката Морача во населбата Ботун.

Момчето тргнало на терен и со себе имало 15.000 евра, кои требло да ги подели за пензии.

Управата на полицијата и поштата на Црна Гора ја потврдиле информацијата дека младиот поштар е најден во водата, со врзани раце, објави порталот „Прес“.

Во возилото на поштарот најдени се две до три илјади евра, а остатокот од парите се бара.

Телото, вчера во 10 часот, го забележале мештание од Ботун.

Инспектори, во соработка со надлежен тужител, ја истражуваат смртта на црногорскиот поштар.