Connect with us

Македонија

(Видео) Објавена снимка од претресот на „Табановце“: Полицајците ги соблекуваа и чорапите, најдени околу 20 000 евра

Published

2 years ago

on

Детали за акцијата објавија и од МВР и од ОЈО ГОКК, од чии соопштенија се открива дека биле пронајдени пари во кутија од цигари скриена под биро, како и во метален сад сместен во висечки орман во просториите на ГП „Табановце“. полицајците при претресите биле проверувани и дали кријат пари во чорапите и чевлите.


Осомничените земале поткуп за да пропуштаат лица без зелен картон, возачи без полномошно за возилото, без патни исправи или други задолжителни документи.


Четворица од 12-те пријавени ќе бидат под истрага на ОЈО ГОКК за злосторничко здружување и примање поткуп, додека другите ќе се гонат по скратена постапка за злоупотреба на службената положба. Првоосомничен во истрагата е командирот што ги местел корумпираните полицајци да контролираат во кабините каде што има поголема фреквенција, а месечно тие му давале по 150 евра од „заработката“.

Вкупно 12 лица добија кривични пријави од МВР како осомничени дека се дел од групата службеници вработени на „Табановце“ кои земале поткуп од лица кои ја минувале државната граница, соопшти МВР за акцијата што почна да се спроведува во неделата вечерта.

Тие се осомничени за делата злосторничко здружување, примање поткуп, злоупотреба на службената положба и овластување. Деветмина од нив се приведени.

Според сознанијата на МВР, групата организирано оперирала повеќе од две години, поточно од септември 2020 година. Сите се вработени во Полициската станица за гранични проверки „Табановце“, еден од нив е командир, друг е заменик-командир, еден раководител на смена, а другите се полициски службеници и секој од нив имал точно определена улога. Сите се од Куманово, освен еден што е од Кратово, а се на возраст од 23 до 47 години.

картон, возачи без полномошно итн.

„Тројцата како полициски службеници кои вршеле пасошка контрола имале задача да бараат и примаат подарок од 5, 10, 20 или 30 евра за себе и за првоосомничениот за да извршат службено дејствие кое не смееле да го извршат – да пропуштат возила што немале зелен картон за влез и за излез во државата, немале полномошно за управување со возилата, немале патни исправи, возачки дозволи или друг задолжителен документ“,

велат од ОЈО ГОКК додавајќи дека од примениот поткуп тие секој месец на командирот му давале по 150 евра.
Против командирот и овие тројца вработени, Обвинителството најави дека е отворена истрага за злосторничко здружување и примање поткуп, додека другите пријавени лица ќе ги гони по скратена постапка за злоупотреба на службената положба и овластување.

Од вкупно 12 пријавени од МВР, од ОЈО ГОКК побарале судот да одреди мерки за вкупно 11 лица од кои: четворица притвор, за двајца пократок притвор од осум дена, а за петмина мерки за обезбедување присуство.

Од Основниот кривичен суд Скопје, пак, се огласија дека од четворицата за кои се барал притвор – за тројца е прифатен предлогот, додека за еден осомничен е определен куќен притвор.

За другите двајца што се гонат по скратена постапка прифатено е барањето за осумдневен притвор, додека мерки за претпазливост се определени за тројца.

Related Topics:

Македонија

Мицкоски со поддршка за ракометарите: И во победа и во пораз сме заедно, главата горе момци!

Published

54 mins ago

on

January 17, 2025

By

Премиерот на Република Македонија, Христијан Мицкоски им изрази поддршка на македонските ракометари.

-И во победа и во пораз сме заедно, главата горе момци! Одиме понатаму, по следен триумф, за кого???

За Македонија!, пишува во поддршката на Фејсбук премиерот Мицкоски.

Continue Reading

Македонија

КАКО СЕ ТРОШЕЛЕ ПАРИТЕ: Во 2023 ДАЛЕ ПОЛА МИЛИОН ЕВРА за „зелена зона“ во Гевгелија за која нема интерес

Published

59 mins ago

on

January 17, 2025

By

Дирекцијата за технолошко-индустриски развојни зони платила преку половина милион евра за студија за формирање на „зелена зона“ со јавно-приватно партнерство во Гевгелија, за што потоа се испоставило дека нема интерес од приватни оператори, објави Фактор. 

Како што наведуваат во 2023 биле исплатени 30.342.000 денари, а претходно уште 1.129.000 денари за консултантски услуги од „Моравчевиќ Војневиќ и Партнери АСД Белград“ за изработка на комплетна документација за избор на партнер за Јавно-приватно партнерство ТИРЗ Гевгелија. Ова е наведено како фуснота во извештајот на независниот ревизор за работењето на Дирекцијата.

Управниот одбор на Дирекцијата која управува со слободните индустриски зони лани на 17 мај донесува „Одлука за поништување на постапка за доделување на Договор за воспоставување на јавно приватно партнерство за проектирање, финансирање, изградба, управување и одржување на Технолошко-индустриска развојна зона Гевгелија“. Истата одлука потоа е прифатена и од Владата на 26 ноември.

Од Дирекцијата за ТИРЗ за Фактор соопштиле дека во 2024 немало исплати кон оваа консултантска куќа, но и се покажало дека нема интерес од потенцијални приватни партнери за преговарање околу проектот.

Тогашниот директор на ТИРЗ изјави дека во согласност со новиот концепт на ТИРЗ за привлекување инвестиции, индустриската развојна зона Гевгелија ќе се фокусира на поддршка на зелените индустрии во согласност со зелената агенда на ЕУ, а покрај производствените компании во зоната ќе има можности за инвестиции поддржани од државата во секторот на здравствени услуги. 

– Целта е некаде до крајот на годината, откако ќе добиеме повратен одговор од потенцијалните корисници или од сите други заинтересирани страни, да ја финализираме студијата и очекуваме некаде на почетокот на наредната година да ја презентираме на Владата, истакна Деспотовски.

Извор: Вечер.мк

Continue Reading

Македонија

ДУИ се распаѓа во САРАЈ – Изет Меџити им ги презема клучните луѓе (ДЕТАЛИ)

Published

4 hours ago

on

January 17, 2025

By

Претседателот на Демократското движење Изет Меџити вечерва објави дека речиси го преземал општинскиот органок Сарај на ДУИ од Блерим Беџети во Демократското движење.

-Вистинскиот начин е обединување на чесните сили!

Секој ден, нашето патување станува се посилно, бидејќи се повеќе наши бестрашни врсници и поранешни партнери се приклучуваат на нашата праведна визија.

Денес, со задоволство можам да објавам дека значајни личности и основачи на ДУИ се приклучуваат на Демократското движење, огранок во Сарај:

• Зеко Абази – основач на Собранието на ДУИ-Сарај и член на Надзорниот совет.

• Мухамет Хоџа – поранешен портпарол на Владата на РМ и член на огранокот на ДУИ-Сарај.

• Јонуз Метуши – Претседател на Младински форум ДУИ-Сарај.

• Хатиф Шабани – Претседател на Локалниот совет на ДУИ-Чајлане.

• Бујамин Шабани – Припадник на огранокот Свиларе.

• Дрита Фета – Координаторка на Форум на жени ДУИ-Сарај.

Овие поединци се силни столбови кои дадоа неверојатен придонес низ годините и сега избраа да бидат дел од нашето патување.

Ги повикувам сите активисти на ДУИ и чесни структури да ни се придружат во овој искрен и праведен напор за подобра иднина.

Добредојдовте на патот на правдата и промените!

Заедно сме посилни, заедно ја градиме иднината!, објави Изет Меџити од коалицијата Вреди.

Continue Reading
Advertisement
Advertisement

Трендинг

Copyright © 2024 Булевар.мк