Јавноста е шокирана од настојувањето на Кривичниот суд да ја оправда својата одлука со која лице, кај кое биле пронајдени над 80 пакувања амфетамин, било третирано со воспитна мерка наместо со построга санкција. Наместо да ја преземе одговорноста за очигледниот пропуст, судот продолжува да го брани својот став, дури и по тоа што истиот сторител, на слобода, предизвика трагедија со одземање на невин живот, изјави Миле Лефков, пратеникот од ВМРО-ДПМНЕ.

Според него ова однесување повторно ја оправдува катастрофалната оценка што граѓаните му ја даваат на судството – „двојка минус“, односно наместо да биде чувар на правдата, македонското судство повеќе се грижи за формални оправдувања отколку за вистинска правда.

– Судијката која ја донесе скандалозната одлука за ослободување на сторителот не е непозната за јавноста. Во изминатите седум години беше главен извршител на политичките монтирани процеси на СДС против ВМРО-ДПМНЕ, носејќи драконски казни за политички неистомисленици, додека криминалци и нарко-дилери блиски до поранешната власт добиваа поблаги санкции или беа ослободувани, истакна Лефков. 

Лефков додава дека овој случај е дополнително скандалозен затоа што сторителот бил третиран како „млад возрасен“, категорија што судството ја користи за да доделува поблаги санкции, иако се работи за полнолетно лице кое веќе извршило сериозно кривично дело.

– Наместо да се земе предвид количината на запленетата дрога и ризикот што го претставува, судот решил да примени воспитна мерка, со што овој случај заврши со фатални последици.  Ова не е прв пат судот, под влијание на СДС, да носи одлуки што завршуваат со човечки трагедии. Потсетуваме дека истото се случи кога нивниот човек, Зоран Милески – Кичеец, беше пуштен од затвор пред време, а потоа направи страшна сообраќајна несреќа кај Стража во која загина човек. 

Останува прашањето – колку други вакви случаи има за кои јавноста не знае? Колку други блиски луѓе до СДС биле пуштени на слобода, наместо да одговараат пред законот? Дали судството стана инструмент за заштита на одредени интереси наместо да биде гарант на правдата? – прашува тој.

ВМРО-ДПМНЕ бара итна ревизија на сите вакви пресуди и судските органи да покажат зголемена одговорност во одлучувањето. Безбедноста на граѓаните мора да биде приоритет, а не заштитата на поединци блиски до СДС. Судството мора да престане со практиката на селективна правда и конечно да работи во служба на граѓаните, а не на одредени политички и криминални структури, изјави Лефков.

Во текот на вчерашниот ден додека траеше протестот за трагичното загинување на младтата Фросина Кулакова, на булеварот „Кузман Јосифоски-Питу“ патничко возило „Цитроен“ удрило во машко лице, по што возачот визбегал. Повредениот пешак веднаш бил пренесен во во Килиниките „Мајка Тереза“.

Но, како што извести Телма, откако му била укажана медицинска помош, и самиот пешак си заминал од болницата без дозвола и без да го информира медицинскиот персонал, информира Телма.

Овој случај уште се истражува.

Попладнево порталот „Буревесник“ објави фотографии одВасил Јованов со мобилен телефон во рацете, а во моментов е во притвор во „Шутка“. 

Од семејството на трагично загинатата Фросина бараат секторот за внатрешна контрола во МВР да го пронајде одговорниот што го снабдил со мобилен телефон Јованов.

https://www.facebook.com/plugins/post.php?href=https%3A%2F%2Fwww.facebook.com%2FKulakova.Rosica%2Fposts%2Fpfbid02H1Tke4yYGWAwdihfrLXEARxsQPJwBQsWdD4nv9SdUakaHZDurtzPxsuqXPavehiml&show_text=true&width=500

Јавноста по овие фотографии е уште пореволтирана и бесот го изразуваат низ низа коментари.

https://www.facebook.com/plugins/post.php?href=https%3A%2F%2Fwww.facebook.com%2FDr.Nenad%2Fposts%2Fpfbid037GWwvSqENvXTcF5kAmPNhQ1U8g8kNA1XGVAPpqTuHJkpvp7wK6oeXqmjp4mCKR4El&show_text=true&width=500

Директорот на Управата за извршување санкции Александар Пандов за „Слободен печат“ вели дека мобилниот телефон веднаш му е одземен, извршен е претрес во сите ќелии и осомничениот Јованов е преместен во самица. Ќе следува и истрага и санкции за корумпираните службеници кои што му го дале мобилниот телефон.

фото: Буревесник/Социјални мрежи

Извор: faktor.mk