Амбасадорот во Норвешка , Дритон Кучи се огласи по информациите дека е еден од осомничените за трагедијата во Кочани и дека во текот на денот се приведени децетина поранешни министри и директори.

„Денес семејството ме информираше дека претставници на Министерството за внатрешни работи биле во мојот дом во Скопје, барајќи информативна средба.

Немам што да кријам и секогаш сум одлучувал да постапувам со чесност и смиреност, дури и кога околностите биле тешки.

Секогаш сум избирал да одам по прав пат, дури и кога тој бил најтежок. Зборував кога другите молчеа, и стоев исправен дури и кога се чувствував сам.

Верувам во правдата за општото добро. Со првиот лет ќе бидам во Скопје – не за да се оправдам, туку за да потврдам дека транспарентноста и довербата се единствениот пат напред.

Тука сум. Со мирна совест, чист пред себе, со непоколеблива волја – пред Бога и пред законите на државата!“, објави на ФБ поранешниот министер за економија.

Отпочна со работа заедничкиот граничен премин меѓу Македонија и Косово, Долно Блаце – Елез Хан, како дел од проектот „One Stop Shop“.

Премиерот Христијан Мицкоски, кој присуствуваше на настанот, истакна денес денеска суштински се поместува границата помеѓу проблемите и решенијата, застојот и движењето, бирократијата и ефикасноста.

Тој посака овој премин биде почеток на уште поголеми проекти, а за граѓаните значи повеќе време за семејството, за работата, за животот.

-Денес, овде, на најдобар начин покажуваме дека границата не мора да биде ѕид. Границата може и треба да биде наш заеднички мост. Мост кој поврзува луѓе, идеи, можности. Мост преку кој се зборува за доверба, соработка, економска размена, развој на културата и туризмот. Мост што ќе го преминат милиони граѓани, но и милиони надежи и планови. Оваа иницијатива е потврда дека кога постои искрена политичка волја, заедничка визија и позитивен пристап, нема предизвик што не може да се надмине. Оваа граница, која досега значеше пречка, од денес станува симбол на модерноста, интеграцијата и регионалната зрелост, истакна Мицкоски.

Премиерот посочи дека двете земји градат инфраструктурата на меѓусебната доверба, почит и партнерство.

-Нема веќе чекање со часови на границата. И работата и делата кои носат подобар живот се најдобриот начин за сите граѓани. Поврзувањето, работата и проектите како овој да, тоа носи подобар живот. И тоа е мојот личен и фокус на македонската Влада. Денешниот чекор е повеќе од билатерална политика – тој е дел од една поголема слика. Слика во која целиот Западен Балкан се движи во иста насока – кон Европската Унија. Оваа заедничка гранична точка не е само премин помеѓу две држави. Таа е премин кон европските вредности – на соработка, на интеграција и на слободно движење, нагласи македонскиот премиер.

Косовскиот премиер Албин Курти посочи дека по подолг период ангажманот и посветноста резултирале со проекет од голема важност за граѓаните на Северна Македонија и на Косово. – Основањето заеднички гранични премини се повеќе од гранична инфраструктура и тие претставуваат нови точки на соработка и сервис кои ги поврзуваат уште повеќе нашите народи и ги зајакнуваат нашите добрососедски односи, рече Курти, посочувајќи дека концептот на преминот е доказ за поголема довреба меѓу двете држави.

– Отсега па натаму граѓаните ќе бидат проверувани само при влез во земјата, а податоците ќе се разменуваат во реално време преку современиот технолошки систем. Само во 2024 година над пет милиони граѓани ги поминале трите гранични премини меѓу двете држави, што укажува на врската меѓу нашите граѓани, но и потребата за слободен и брз проток на луѓе и стока, наведе Курти.

Заедничкиот премин, организиран според принципот „One stop shop“, значи едно застанување наместо две, едно чекање наместо двојно губење време, еден увид наместо две одделни контроли.

Во денешниот историски момент за регионот, Изет Меџити, прв вицепремиер и министер за животна средина и просторно планирање, ја поздрави инаугурацијата на заедничкиот систем за гранично управување „One Stop Shop“. На настанот присуствуваа премиерите на Косово и Северна Македонија, Албин Курти и Христијан Мицкоски, кои го означија почетокот на нова етапа во меѓудржавната соработка.

Меџити истакна дека овој проект претставува важен чекор кон еден Балкан без граници, не само физички, туку и ментални. Тој изјави дека интеграцијата на земјите од регионот во Европската Унија не е само политички процес, туку заедничка визија за слободен и праведен регион. „Балканот е Европа. Не како товар, туку како додадена вредност“, додаде Меџити.

Со заедничкиот систем за гранично управување, Балканот го прави значителен исчекор во правец на економска и политичка интеграција, освојувајќи нови можности за соработка и намалување на предрасудите меѓу соседите.