Connect with us

Македонија

Пендаровски си го доби на ФБ- Зошто молчеше кога Џамбаски викаше дека Македонија е бугарска?! Бруко една !

Published

on

Навреди, гнев, огромен револт, омраза – сево ова е содржано во стотиците жестоки реакции, кои ги предизвика објавата на претседателот на „нашата земја“ Стево Пендаровски, кој вчера попладнето, на 20 јануари на својот официјален фејсбук-профил се огласи во својство на претседател на држава во врска со тепачката, во која граѓанинот Христијан Пендиков здобил физички повреди. Пендаровски напиша: „Го осудувам нападот врз секретарот на клубот на бугарската заедница во Охрид Христијан Пендиков. Ги повикувам надлежните институции да спроведат брза и темелна истрага, со соодветна одговорност и санкции за сторителите.“

На Пендаровски нема да му бидат потребни никакви сондажи, за да си го согледа својот рејтинг како шеф на државата меѓу народот македонски, во чие име претседателствува. Доволно ќе биде самиот да прочита што напишале за него Македонците на оваа општествена мрежа, а потоа ќе биде добро и да претпостави, што мислат и сите оние припадници на македонската нација, кои се уште не се огласиле во јавноста со „пофалби“ кон неговата „личност и дело“. Еве покарактеристичен дел од реакциите кон Пендаровски:

– „Зошто давате изјава за една обична тепачка во Охрид каде Бугарите од конец направија јаже?“; –„Претседателе, дали е натепан затоа што е секретар на Бугарски клуб во Македонија, или поради нешто сосема друго, што нема никаква врска со неговиот ангажман во клубот!? Немојте да долевате ,бензин’ кај македонскиот народ! Власта и вие директно стимулирате бес и нетрпение, не преземајќи соодветни мерки кога разни идиоти од туѓи држави во средиштето на ,’нашата држава’ го провоцираат сиот македонски народ.“; – „За кафеанска тепачка објавува на фејсбук, а молчи кога бугарскиот дебил Џамбаски во центарот на Скопје не омаловажува сите. Свесни ли сте колку го разочаравте македонскиот народ?. Толку да немате срам од сопствениот народ?!“

– „А молчеше председателов за навредите на цел македонски народ од Џамбаски и компанија во центарот на Скопје?! Затоа и сега да молчи.“; –„Немавте никаква осуда како прв човек на Македонија кон бугарските фашистички здруженија и нивните навредливи скандирања кон македонскиот народ и држава. Чиј претседател сте вие?“; –„Пендаровски, бидејќи важите за човек близок со Бугарите и пристрасно работите за нив по налог на туѓи странски интереси, ние, Македонците бараме да поднесете веднаш неотповиклива оставка од функцијата претседател на Македонија.“; –„Румен Радев ли го копираш? Момчето е криминалец и некоја си кафанска тепачка не заслужува политичко и медиумско внимание!“

–„Главен конкурент за прва награда ‘Фикус на годината’ си ја обезбеди уште во првиот месец од 2023 година. Криминалец со кривична за дрога, за да избегне одговорност, тврди дека го тепале зашто бил Бугарин и Стево доаѓа и фрла бензин на огнот, наместо да го гаси. Брукоо!“; –„Се разбуди, бе, Стево? Ги преспа Бугарите кога пред некој ден викаа среде Скопје дека Македонија е бугарска и сега ти текна да се огласиш! Човек да не те стави за претседател на куќен совет, не па ли на држава!“; –„По кој основ пишуваш статуси за некој наркоман, кој го претепале за дрога? Аман бе, еднаш да осудиш што не газат како народ и не не признаваат. Претседател ли си, што ли си? Ја срамиш нацијата, а и сам себе.“

–„А те немаше да гукнеш за Џамбаски кога среде Скопје ги искажа територијалните претензии кон Македонија и негираше се што е македонско!“–„Стево, треба да те осудат тебе на 1000 години тешка робија за сите предавства.“; –„Претседателе, во ред е да се реагира на она што е недолично, но зошто не реагиравте кога ни дојдоа среде главниот град и не нарекуваа дека сме Бугари? Зошто го дозволивте тоа? Да ни дадете одговор и објаснување, на сите македонски државјани.“; –„Пак те, насанкале, претседателе! Без да знаеш, штитиш дилери во кримипресметки.“;

– „Не оправдувам насилство од чија било страна, но кај беше, претседателе, да се јавиш кога Џамбаски среде Скопје го навредуваше македонскиот народ? Или тоа не го слушна и не го виде?“; –„А бре, претседателе, ако имаш малку доблест и ако прочиташ 2-3 коментари од постот, не мора повеќе, ќе ја видиш целата омраза и разочараност од целиот македонски народ, а не е ништо партиско, па ќе станеш и ќе си заминеш од државата, не од функцијата.“; –„А ги осудуваш ли Џамбаски и компанија што ни се испосраа на македонштината среде Скопје?!“; –„Вие сте се, само претседател на Република Македонија не!“; –„Стево, седи мирен,не додавај масло на оган, не брани ги бугарските интереси…. И така државата е отидена во неповрат.“; –„Стево, чии интереси ги застапуваш? На Македонците сигурно не! Не се знае официјално зошто е натепан, поради кои причини, а ти си даваш за право да заземаш страна? Стево, повеќе не надевај се дека ќе бидеш претседател. Ниту со албански гласови како минатиот пат.“.

Македонија

НАШЕТО ЗНАЕЊЕ ГО НАСОЧУВАМЕ КОН ПРОЕКТИ ЗА ПОУБАВА БИТОЛА – ОБРАЌАЊЕ НА ГРАДОНАЧАЛНИКОТ КОЊАНОВСКИ ПО ПОВОД 80 ГОДИНИ ОД ОСЛОБОДУВАЊЕТО НА ГРАДОТ

Published

on

По повод „4 Ноември“ – Денот на ослободувањето на Битола, во Центарот за култура се одржа Свечена академија на која беа доделени четвртоноемвриските награди. На свеченоста на која присуствуваа голем број делегации и гости, свое обраќање имаше градоначалникот Тони Коњановски, кој направи кратка ретроспектива на значењето на денешниот ден за градот и реализираните проекти од локалната самоуправа во изминатата една година:

„Вечерва се потсетуваме на борбата и храброста на нашите предци, на направените жртви, но и на издржливоста на нашиот народ, во очекувањето на светлината на новата зора, исполнета со надеж и можности.
Оние кои некогаш сонуваа за посветла иднина, презедоа акција за да го направат сонот – реалност. Наследството живее во нашата посветеност да ги поддржуваме вредностите на слободата, правдата и мирот. Наша должност е да се погрижиме нивните жртви никогаш да не се заборават, а лекциите од историјата да не водат во нашата потрага по подобро утре.
Токму затоа, денес продолжуваме да се бориме со нашите интелектуални капацитети за понатамошен раст на Битола, нејзин развој и напредок во сите области, пред се преку активна вклученост на младите во сите области на делување.
Изминатите денови, почнувајќи од 26 октомври направивме едно поврзување на спортот, културата, уметноста, односно се она што е гордост на Битола и за што нашиот град, можам да речам дека е расадник на голем број таленти, покажани и докажани на нашите простори, но и во светски рамки.
Синоќа, добивме и една посебно значајна честитка од нашиот фудбалски клуб „Пелистер“ со победата над екипата на „Вардар“, на првиот ноќен натпревар на Стадионот Петар Милошевски по поставувањето на рефлекторите.
Поддршката на спортот и културата е само дел од она што ни овозможува напредок, додека инфраструктурната изградба е главниот услов за економски просперитет во убав, уреден и град кој нуди многу можности.


Како локална самоуправа, продолжувајќи ја визијата за Битола и изминатата година, се насочивме кон реализација на проекти кои значајно ја подобруваат инфраструктурата, овозможуваат подобри услови за живот на сите граѓани, ја збогатуваат културно – туристичката понуда и придонесуваат за економско заживување на градот и нови инвестиции, што се потврдува со новонајавените инвеститори во Индустриската зона Жабени, новоотворениот трговски центар БЛИС, најавениот ЛИДЛ.
Битола повторно станува привлечно место за инвестиции, како резултат на повеќе капитални проекти со кои веќе се случуваат видливи промени.
Традиционално, на 4 Ноември, правиме краток осврт на она што сме го направиле изминатата година во интерес на Битола.
Во тој контекст изминатата една година:

Покрај доделувањето на наградите, Програмата беше збогатена и со културно – уметнички перформанс на кој преку настап на културно – уметнички друштва, хорови, актери, новинари, пејачи и изведувачи беа прикажани значајни настани, фестивали и други карактеристични обележја на Битола, кои постоеле во минатото, а многу од нив и денес се значајни промотори на Битола.

Continue Reading

Македонија

Трајановски за договорот „Бехтел и Енка“: Нормално е да прифатиме нешто што е веќе договорено и има донесено специјален закон

Published

on

Директорот на Јавното претпријатие за државни патишта Коце Трајановски за прифаќањето на договорот со „Бехтел и Енка“, од страна на актуелната власт која како опозиција го критикуваше, вели дека е нормално да прифатат нешто што веќе е договорено и за што е донесен специјален закон во Парламентот.

– Сосема е нормално нешто што е договорено, ние да го прифатиме со оглед на тоа што беше донесен специјален закон во Парламентот на Република Македонија.,Ддадени се големи пари за „Бехтел и Енка“, некаде 227 милиони евра за аванс, подготовка, пред да дојдам за директор. Сепак, влеговме во една финансиска обврска и сметаме дека е подобро да се преиспитаме дали може проектот да го ставиме на брза лента, да не плаќаме пенали, да се ангажира „Бехтел и Енка“ со целокупната нивна машинерија за да се заврши овој проект и видливи се резултатите во последните три месеци, вели Трајановски во интервју за „360 степени“ на МРТ.

Во однос на критиките што ВМРО-ДПМНЕ ги упатуваше како опозиција за овој проект, Трајановски вели тие биле по неколку основи – од фактот дека зад договорот не стои ниту една банка, до плаќањето пенали кон „Бехтел и Енка“ оти од претходната влада не бил испочитуван шестмесечниот рок за реализирање на обврските што ги презела државата, како што се експропријација и деминирање.

Вели дека се откочени одредени процеси и дека во наредните четири години ќе бидат завршени автопатите од коридорите 8 и 10-д.

– Откако успеавме одредени процеси да ги откочиме, одредени неопходни работи да почнат да работат, веќе сме во предност. Прилеп – Битола некаде би требало да биде две до две и пол години, да речеме за три максимум да биде завршен. Слична е ситуацијата со Тетово – Гостивар, а Гостивар – Букојчани можеби една година плус. Така што, тоа ќе бидат роковите, вели Трајановски, додавајќи дека претходната власт бавно ја работела експропријацијата.

Според Трајановски, се разгледуваат начини за ревидирање на договорот за надзор над изградбата на автопатите од „Бехтел и Енка“, кој го доби конзорциум предводен од италијанската компанија „ИРД инженеринг“. Смета дека една од опциите е во надзорот да се вклучи уште една компанија која ќе биде со светско реноме.

– Неколку пати разговарав со „ИРД“. Ако мене лично ме прашувате, јас не сум задоволен од тоа колку пари им се плаќаат врз основа на тоа што го сработуваат. Меѓутоа, тоа е договор што е потпишан и ние сега гледаме начини дали би можеле тоа да го ревидираме. Го викнав одговорниот на „ИРД“ и му реков за конкретна секција, бидејќи ништо не се работи, а во предлогот имаат предложено и ние плаќаме 12 луѓе. Таму 12 луѓе немаат работа, имаат четири до пет луѓе. Во дргата делница слично, во третата делница слично, наведува Трајановски.

На новинарско прашање дали има репреговарање на договорот, Трајановски вели дека тоа прашање треба да биде адресирано лично до премиерот, но според информациите со кои располага, дека се преговара на високо ниво.

Во однос на трајноста на договорот потпишан со „Бехтел и Енка“ што исто така тогашна опозиција го критикуваше, Трајановски вели дека иако тоа е обврска на Владата, тој мисли дека во моментов се разговара за тоа кои делови од документот да бидат јавно достапни и оти има одредено померување.

Continue Reading

Македонија

Безбеносната состојба во земјата стабилна и нема индиции за загрозеност, констатирано на конститутивна седница на Советот за безбедност

Published

on

Во Кабинетот на Претседателот на државата во понеделникот се одржа конститутивната седница на новито состав на Советот за безбедност.
На седницата со која претседаваше претседателката Гордана Сиљановска Давкова, присуствуваа членовите на Советот за безбедност по функција: Африм Гаши, претседател на Собранието, Христијан Мицкоски, претседател на Владата, Панче Тошковски, министер за внатрешни работи, Владо Мисајловски, министер за одбрана и тројцата членови именувани од претседателката: Џевдет Хајредини, Малинка Ристевска Јорданова и Владо Спиридонов.

На покана на претседателката Сиљановска Давкова, во работата на Советот за безбедност учествуваа и реферираа: началникот на Генералштабот на Армијата, генерал-мајор Сашко Лафчиски, директорката на Агенцијата за разузнавање, Габриела Јаковлева и директорот на Агенцијата за национална безбедност, Бојан Христовски.

Советот за безбедност на седницата констатираше дека состојбата во земјата е стабилна и нема индиции за загрозеност на границите, интегритетот и суверенитетот на државата.

Присутните констатираа дека надлежните институции редовно ги следат состојбите во земјата и опкружувањето и дека системот за национална безбедност е функционален и обезбедува рано предупредување за евентуални закани и ризици.

Учеството на Армијата во НАТО-мисиите, ЕУ-мисиите и во мисии во ОН е успешно и продолжува, а бројот на учесниците во мисиите се одредува во зависност од потребите и одлуките на надлежните институции.

Советот за безбедност ќе се состанува на секои тра месеца а по потреба и почесто, известуваат од Кабинетот на шефот на државта.

Continue Reading
Advertisement
Advertisement

Трендинг

Copyright © 2024 Булевар.мк