Извештај на Пентагон откри нов систем што американската војска го користи за поефикасно да ги разбере неидентификуваните воздушни феномени познати како НЛО. По зголемените јавни барања за транспарентност околу нив, американската Канцеларија за решавање на аномалии на сите домени (AARO) на американската влада објави извештај во кој се истакнуваат иновативните пристапи за следење и анализа на овие мистериозни воздушни инциденти.

Само во 2024 година биле документирани 757 нови средби со НЛО, првенствено помеѓу мај и јуни. Тие вклучуваат 272 претходно непријавени случаи, со сведоци кои се движат од комерцијални и воени пилоти до набљудувачи на теренот. Сепак особено се забележува за еден непријатен настан, при што комерцијален лет од Њујорк пријавил инцидент и избегната несреќа со „цилиндричен предмет“, кој се уште е под истрага. Во други извештаи се опишани светла, сферични форми и уникатни формации како што се „медуза со повеќебојни трепкачки светла“, се вели во документот, пишува „Дејли мејл“.

Меѓу пријавените случаи, 49 се случиле на надморска височина од 100 километри или повеќе, проширувајќи се во вселената.

-Неидентификуваните светла и објектите во тркалезна/сферична/облик се одговорни за поголемиот дел од случаите кога извештаите давале различни визуелни карактеристики, се вели во извештајот на ААРО, истакнувајќи дека овие трендови се во согласност со историските обрасци на морфологијата на НЛО.

Администрацијата на претседателот на Соединетите Американски Држави во заминување Џо Бајден ги укина ограничувањата кои ја блокираа Украина да го користи оружјето кои го добива од Вашингтон за напади длабоко во Руска територија, кажале три извори запознаени со ова прашање, а пренесува Ројтерс.

Британската агенција наведува дека тоа е значајна промена на американската политика во конфликтот на Украина и Русија.

Украина планира да ги изврши првите напади со оружје со долг дострел во следните денови, кажале изворите, не откривајќи детали поради оперативно безбедносна загриженост.

Белата куќа одбила да коментира.

Овој потег на Бајден доаѓа нешто повеќе од два месеци пред новоизбраниот претседател Доналд Трамп да стапи на должноста на 20 јануари, а следи по повеќемесечните молби на украинскиот претседател Володимир Зеленски да ѝ се дозволи на украинската војска да користи американско оружје за гаѓање руски воени цели далеку од својата граница.

Првите напади веројатно ќе бидат извршени со ракети АТАКМС, кои имаат дострел до 306 километри, наведуваат изворите на Ројтерс.

Агенцијата наведува дека додека некои американски функционери изразиле скептицизам дека дозволувањето напади длабоко во руска територија ќе го сменат текот на војната, оваа одлука би можела да му помогне на Киев во момент кога руските сили напредуваат, и Киев евентуално да има подобра преговарачка позиција ако дојде до преговори за прекин на огнот.

Не е јасно дали Трамп ќе ја поништи одлуката на Бајден кога ќе ја преземе должноста.

Русија повеќе пати предупреди дека потегот за ублажување на ограничувањата за употреба на американското оружје ќе го гледа како голема ескалација.

Во необична, но симболична средба која веднаш го привлече вниманието на јавноста, поранешниот претседател Доналд Трамп, технолошкиот визионер Илон Маск и независниот кандидат за претседател Роберт Кенеди Јуниор се собраа на ручек во приватен авион. И додека луксузната локација можеби очекуваше гурмански специјалитети, тројцата одлучија да јадат – Мекдоналдс.