Македонија

Детектор анкета: ТРЕТИНА од граѓаните размислуваат да се ИСЕЛАТ ОД ДРЖАВАТА

Третина од граѓаните планираат да се иселат од државата, покажува последната анкета која за Детектор ја спроведе Институтот за политички истражувања Скопје.

Според неа, 30% од анкетираните размислуваат или некогаш размислувале да си заминат од Македонија. 64,8% изјавиле дека не размислуваат за иселување.

Загрижува податокот што кај младите до 30, па и кај оние граѓани до 40 годишна возраст, процентот на оние кои размислуваат за иселување се ближи до 50%.

Анкетата на ИПИС покажува дека 45,3% од младите до 29 годишна возраст размислуваат за иселување. Кај возрасната група од 30 до 39 години, 44,3% размислуваат или некогаш размислувале да си заминат од Македонија.
Како расте возраста на анкетираните граѓани овој процент се намалува. 33,2% од граѓаните меѓу 40 и 50 години размислуваат за иселување. Интересно е што 28,1% од оние кои се меѓу 50 и 59 години планираат да си заминат од Македонија. Кај граѓаните над 60 години интересот за иселување очекувано паѓа на 9,8%.

Близу две третини од граѓаните имаат некој близок кој веќе се преселил во странство. Според анкетата, 60% од анкетираните изјавиле дека имаат некој близок кој веќе се преселил во странство, додека 37,8% рекле дека немаат.

Најголем дел оние кои што имаат блиски кои се иселиле во странство живеат во севроисточниот регион. Таму 80% од анкетираните имаат некој близок кој се преселил од Македонија. На југоистокот 71,2% имаат блиски иселени во странство. Најмал процент на луѓе кои рекле дека имаат блиски кои се иселиле од Македонија живеат во Скопје.

Повеќе од половината од граѓаните сепак сметаат дека немаат шанси да си заминат од Македонија. 54,5% од граѓаните на скалата од 1 до 5 веројатноста да се иселат од Македонија ја оцениле со единица. Само 10,2% се убедени дека има многу големи шанси во следните 5 години да се исeлат од државата.
Очекувано, најголем дел од овие граѓани кои се убедени дека за 5 години ќе си заминат од Македонија се млади до 30 години. Дури 21,4% од нив се убедени дека за 5 години ќе си заминат од Македонија.

Над половина од граѓаните велат дека пред 5 години живееле подобро од денеска. Анкетата покажува дека ваков став делат точно 52,6% од анкетираните. 33,7% не чувствуваат промена додека само 6,6% велат дека денеска живеат подобро отколку пред 5 години.
По региони, во Пелагонија дури 66,2% од анкетираните рекле дека пред 5 години имале подобар живот. Најмал е процентот на граѓани кои подобро живееле пред 5 години во југоистокот.

Во споредба со анкетата која за Детектор, ИПИС ја спроведе во 2019 година, бројките многу се разликуваат. Пред 4 години 33,5% од граѓаните изјавиле дека живееле подобро пред 5 години што е значително помалку од денешните 52,6%.
Бројот на граѓани кои во 2019 изјавиле дека во моментот живеат подобро од она што го живееле пред 5 години бил 23,7% од анкетираните што е речи си 4 пати помалку од денешните 6,6%. Истражувањето на јавното мислење за потребите на емисијата Детектор го направи Институтот за политички истражувања – Скопје (ИПИС) на репрезентативен примерок од 1.119 испитаници преку телефонска анкета реализирана во периодот од 23 до 26 декември

Related Topics:анкета граѓани детектор иселување население третина

Up Next

Димитриевски на БНТ: Бугарите ќе влезат во Уставот кога мојата баба Бранка од Благоевград ќе може да каже дека е МАКЕДОНКА

Don't Miss

Бугарите даваа 200 евра за идентитетот на полицаецот кој ги апсеше – Николовски им го даде за без пари!

Македонија

Африм Гаши го проследи барањето за одземање на пратеничкиот имунитет на Јанчев до надлежната собраниска комисија

Претседателот на Собранието, Африм Гаши, го проследи барањето за одземање на пратеничкиот имунитет на пратеникот Јанчев до надлежната собраниска комисија, информираат од законодавниот дом.

Постапката е иницирана согласно Деловникот на Собранието, а Комисијата треба да го разгледа доставеното барање и да даде мислење, по што конечната одлука ќе ја донесат пратениците на пленарна седница.

Од Собранието појаснуваат дека ваквата процедура е редовен институционален процес кога надлежните органи бараат укинување на имунитет со цел да се овозможи водење на понатамошна постапка.

Засега нема дополнителни информации за роковите во кои Комисијата ќе постапува, ниту за деталите поврзани со предметот, но се очекува институциите да постапат во рамките на своите законски надлежности.

Македонија

25% од граѓаните не веруваат дека Македонија ќе влезе во ЕУ, 68% од младите планираат заминување од земјава, истражување на “Балкански барометар”

Речиси една четвртина од граѓаните во Северна Македонија сметаат дека земјата никогаш нема да стане членка на Европската унија, покажуваат резултатите од најновото истражување „Балкански барометар“, спроведено на регионално ниво.

Истражувањето открива дека евроскептицизмот расте, особено поради долгогодишниот и неизвесен процес на европска интеграција, политичките блокади и чувството на стагнација. Иако дел од испитаниците и понатаму ја поддржуваат европската перспектива, значаен процент изразуваат сомнеж дека членството ќе се оствари.

Особено загрижувачки се податоците за младата популација. Според анкетата, околу 68 отсто од младите во регионот сметаат дека нивната иднина е во странство, најчесто во земјите на Европската унија, каде гледаат подобри можности за вработување, повисок животен стандард и поголема сигурност.

Авторите на истражувањето наведуваат дека економските фактори, недовербата во институциите и ограничените перспективи за личен и професионален развој се меѓу главните причини за ваквите ставови. Воедно се истакнува дека продолжувањето на реформите и враќањето на довербата во европскиот процес се клучни за задржување на младите во земјите од регионот.

„Балканскиот барометар“ е редовно истражување што ги мери ставовите на граѓаните од Западен Балкан за клучни политички, економски и општествени прашања, а неговите резултати често се користат како индикатор за расположението во регионот.

Македонија

Приведен поранешниот државен правобранител Фехми Стафа во рамки на истрага за корупција

Поранешниот државен правобранител Фехми Стафа е приведен во рамки на истрага што ја водат надлежните институции, а која се однесува на сомневања за коруптивни дејствија, информираат извори блиски до истрагата.

Според досегашните информации, приведувањето е извршено по наредба на обвинителството, кое спроведува предистражна постапка за наводни злоупотреби поврзани со вршењето на јавната функција. Деталите за случајот засега не се целосно соопштени, со оглед на чувствителноста на истрагата.

Од надлежните институции потврдуваат дека се преземаат повеќе истражни дејствија, вклучително и прибирање документација и испитување на лица, со цел целосно расветлување на настаните. Стафа, како и сите лица опфатени со постапката, ужива претпоставка на невиност до правосилна судска одлука.

Се очекува обвинителството во наредните денови да излезе со официјални информации за предметот, откако ќе завршат првичните истражни активности.