Принцот Вилијам, наследник на британскиот престол, ја искористи својата посета на Естонија како директна политичка порака, нагласувајќи ја решеноста на Велика Британија да спречи било каква руска агресија.

Неговата посета беше дел од поддршката за британските војници кои учествуваат во најголемото странско распоредување на британската армија во регионот, кои се наоѓаат на источното крило на НАТО и ги штитат земјите од Балтичкиот регион од потенцијалната закана од Русија.

Во петокот, принцот Вилијам го посетил воениот полигон, каде што набљудувал воени маневри и опрема на терен. Тој бил облечен во маскирна униформа и со воено возило, тенкот Челинџер 2, ја демонстрирал својата поддршка за британските војници.

Принцот исто така ја обиколил групата од 900 британски војници кои учествуваат во операцијата Кабрит, дел од контрибуцијата на Британија за безбедноста и одбраната на НАТО.

Тој разговарал со војниците и прашал за нивното искуство, посебно за безбедносната ситуација на терен и дали близината на Русија прави нивната мисија да изгледа поважно и пореално отколку претходните вежби.

Посетата вклучила и фокус на менталното здравје на војниците, каде принцот го прашал персоналот за напредокот на разговорите за оваа тема во војската, која сѐ повеќе добива поддршка.

Речиси 600 луѓе загинале откако Израел ги обнови борбите во Газа во вторникот, според министерството за здравство, водено од Хамас.

Хамас ги испука првите ракети кон Тел Авив откако по двомесечното примирје повторно почнаа борбите во Газа и цивилите пак мораат да бегаат. Израел кажа дека една ракета била пресретната, а останатите 2 паднале во ненаселено подрачје, објави Би-Би-Си.

Речиси 600 луѓе загинале откако Израел ги обнови борбите во Газа во вторникот, според министерството за здравство, водено од Хамас.

Израелските одбранбени сили (ИДФ) синоќа кажаа дека почнале копнена операција на палестинската територија.

„Нашите војници почнаа да спроведуваат копнени активности во Рафа, како и во централниот и во северниот дел на Газа. Целта е да се растури терористичката инфраструктура“, соопшти ИДФ.

Израелската војска претходно кажа дека спроведува ограничена копнена операција за да се создаде делумна тампон зона меѓу северот и југот на Газа.

Портпаролот на израелската влада, Давид Менцер, го обвини Хамас за продолжувањето на насилствата и дека ја изнудил оваа ескалација поради одбивањето на сите договори за ослободување на заложниците. Според Израел, Хамас држи уште 59 заложници, од кои 24 се живи.

Во исто време, премиерот Бенјамин Нетанјаху го смени шефот на националната безбедносна служба Шин Бет, Ронен Бар, бидејќи не успеал да го предвиди нападот на Хамас на 7 октомври 2023 година. Тој кажа дека помеѓу нив веќе нема доверба. Ова е првпат во историјата на Израел владата да го смени шефот на Шин Бет.

Доналд Трамп потпиша извршна наредба со која започнува укинување на американското Министерство за образование.

Трамп рече дека „ова е вистинскиот чекор“ и дека одделот ќе биде затворен „што е можно побрзо“.

Министерството за образование на САД администрира федерални студентски заеми за студенти од колеџ и универзитет, обезбедува помош за студенти со ниски приходи и ги финансира училиштата за да обезбедат одредени програми за студенти со попреченост.

Во Америка, училиштата најчесто се финансираат и управуваат на ниво на сојузни држави, а тоа особено се однесува на основните и средните училишта, додека само околу 13% од финансирањето на овие училишта доаѓа од државниот буџет.

Белата куќа тврди дека елиминирањето на одделот ќе ги подобри резултатите од тестовите на студентите и ќе заштеди пари, додека демократите и другите критичари велат дека овој потег ќе ги остави најранливите студенти без помошта што им е потребна.

Наредбата на Трамп доаѓа како дел од пошироката стратегија на администрацијата во последните недели за намалување на големината на федералната влада.