Градоначалникот на Кисела Вода, Орце Ѓорѓиевски, денеска заедно со директорот на Јавното претпријатие за државни патишта, Коце Трајановски, и градоначалникот на Аеродром, Дејан Митески, изврши теренски увид на стартот од реконструкцијата на мостот „Киро Фетак“, како и санацијата на регионалниот пат Р-1106, клучна сообраќајна артерија која ги поврзува општините Кисела Вода, Аеродром, Зелениково и Студеничани со автопатот.

Станува збор за две поврзани интервенции – целосна реконструкција и проширување на мостот со тротоари и безбедносни елементи, како и санација на самата улица од страна на државното јавно претпријатие. За проектот, општина Кисела Вода изработи сопствена проектно-техничка документација, додека вредноста на зафатот е проценета на околу 6 милиони денари.

Ѓорѓиевски потсети дека токму овој мост со години претставува опасна точка, со чести сообраќајни незгоди и сериозни ризици за учесниците во сообраќајот. „Со оваа реконструкција обезбедуваме не само побезбедна сообраќајна врска, туку и поквалитетна инфраструктура за нашите граѓани“, изјави тој.

Проектот се оценува како стратешки важен за подобра поврзаност, мобилност и безбедност на целото подрачје, а локалната самоуправа, како што најави градоначалникот, останува посветена на унапредување на инфраструктурата и сервисите за граѓаните.

За тоа кој ќе биде кандидат и кој ќе ја има шансата да биде наредниот градоначалник на Град Скопје, бидејќи и јас и целата јавност сме убедени дека ВМРО-ДПМНЕ ќе победи на следните локални избори, не само во Скопје, во најголем дел од општините низ Македонија, изјави во своето излагање градоначалникот на Општина Кисела Вода и претседател на ЗЕЛС, Орце Ѓорѓиевски во гостување во „Утринско еспресо“ на Радио Лидер.

Ѓорѓиевски говореше за претстојните локални избори коишто треба да се одржат и истакна дека ВМРО-ДПМНЕ ќе има убедлива победа не само во Скопје, туку во најголем дел од општините. Тој додаде дека градот Скопје потребно е да се менува од повеќе аспекти и дека доколку ја добие поддршката од претседателот и партијата, со конкретни проекти ќе ги објасни проектите коишто ќе ги понуди пред граѓаните.

-Скопје треба да се менува од повеќе аспекти, првенствено треба да се обезбеди гасификација во градот. Доколку ја добијам поддршката од партијата и претседателот, со конкретни локации ќе објаснам од проектите коишто ќе ги понудам пред граѓаните, колкава ќе биде финансиската рамка за истото, рокот на реализација и се останато, вели Ѓорѓиески за Радио Лидер и додава:

-Јас имам доста сработено зад себе, изминативе повеќе од три години во мојата општина. Од една општина каде што немаше основни услови за функционирање, општина во која што во 21 век требаше да се бориме со воспоставување на фекална канализација, водоводна мрежа, општина која немаше ниту еден парк, имаше проблем во секое училиште, немаше спортски сали, имаше над 350 дечиња кои што чекаа да бидат запишани во градинки, што значи еден куп наталожени проблеми. Успеавме да дојдеме до ниво често пати во јавноста нашата општина во моментов да се споменува за пример, заклучува Ѓорѓиевски.

Во моментов, во центарот на Скопје, на раскрсницата кај Соборната црква, се случи сообраќаен хаос. Автобус на Јавното сообраќајно претпријатие (ЈСП) остана во дефект и ја блокираше целата раскрсница, создавајќи големи сообраќајни застои.

Патниците беа принудени да излезат од автобусот. Сеуште нема официјални информации од ЈСП во врска со причините за дефектот и времето потребно за решавање на состојбата.

Ова не е прв пат автобус на ЈСП да се расипе низ скопските улици и да предизвика хаос во сообраќајот.