Последната посета на Обединетите Арапски Емирати го донесе првиот конкретен резултат. На наше барање, тие ги укинуваат визите кои беа потребни за патување кон оваа земја, објави премиерот Христијан Мицкоски на Фејсбук.

Наскоро, како што најави Мицкоски, со конкретната примена на одлуката за без визното патување ќе се влијае на посилна економија, слободно патување, зајакнување на меѓусебното партнерство.

– Се бориме на секој можен начин да се помогне на нашите граѓани, и со секој ден да се носат промени за заедничката иднина, напиша премиерот Мицкоски.

Основниот кривичен суд Скопје определи мерки притвор, куќен притвор и мерки за претпазливост за 23 лица под истрагата за остварување туѓа нега и инвалидска пензија, соопштија денеска од Кривичен.

По вчерашното постапување на судии на претходна постапка по предлогот на јавниот обвинител, на девет лица им е определена мерка притвор во траење од 30 дена, за петмина куќен притвор, додека за други девет мерки на претпазливост.

Во текот на вчерашниот ден, судии на претходна постапка постапија по предлогот на јавниот обвинител за определување мерки за обезбедување присуство и мерки за претпазливост, по што на девет лица им е определена мерка притвор во траење од 30 дена, за петмина куќен притвор, додека за други девет мерки на претпазливост.

Во текот на утрешниот ден се очекува враќање на уште еден пациент од Белгија, кој ќе биде сместен под лекарска опсервација на Клиниката за пластична хирургија, информира Министерството за здравство.

Денеска во земјава се враќаат уште петмина од повредените во трагедијата во Кочани, кои досега беа на лекување во Србија. Согласно утврдениот протокол, тројца од нив ќе бидат згрижени на Клиниката за пластична хирургија, еден пациент ќе продолжи со лекување на Хируршката клиника „Св. Наум Охридски“, додека еден по сопствен избор ќе се лекува во приватната здравствена установа „Жан Митрев“.

Во моментов, во земјава активен болнички третман примаат тројца пациенти – еден во „Св. Наум Охридски“ и двајца во приватната болница „Систина“.

Од Министерството потенцираат дека внимателно ја следат здравствената состојба на сите повредени со цел обезбедување навремен, квалитетен третман и понатамошна рехабилитација.