Турција изминатава ноќ беше погодена од серија силни земјотреси.
Земјотрес со јачина од 5,2 степени според Рихтеровата скала синоќа го погоди централниот турски регион, објави ЕМСЦ, а пренесе Индекс.
Регистрирани се и неколку помали земјотреси со јачина од 4,8, 4,6 и 4,2 степени, објави Телеграф.
Во меѓувреме, повеќе од 5.700 последователни потреси беа регистрирани по првиот разорен земјотрес со јачина од 7,7 степени според Рихтеровата скала што ги погоди Турција и соседна Сирија на 6 февруари, изјави Јунус Сезер, директор на турската Агенција за управување со катастрофи и вонредни состојби (АФАД).