Твит кој открива билборд поставен од ЕУ во кој се користи само албански јазик ги згрози и вознемири Македонците во Тетово затоа што со него се суспендира официјалниот македонски јазик страна на унијата.
На билбордот има три збора на македонски јазик ,,ЕУ за тебе” но текстот со пораката е само на албански и него не можат да го разберат Македонците, Ромите, Србите или Турците.
,,Зошто билбордов во Тетово финансиран од ЕУ во соработка со министердтво за труд и социјална политика е само на еден јазик односно само на Албански?”, пишува во твитот упатен до ЕУ амбасадорот во Македонија. @AmbassadorEU @EuHouseSkopje
Турскиот претседател Реџеп Таип Ердоган побара од жителите на покраината Адијаман „прошка“ за доцното пристигнување на спасувачките екипи поради тоа што таа област на југоистокот на земјите беше меѓу најпогодените во земјотресот од 6 февруари.
Фото: ЕПА
„Поради разорниот ефект на двата земјотреси и лошото време не можевме во првите денови на катастрофата во Адијаман да работиме како што сакавме. Поради тоа ве молам да ми простите“, кажа Ердоган при посетата на Адијаман.
Шефот на турската држава пристигна во тој град три недели по земјотресот кој во Турција и соседна Сирија однесе животи на над 50.000 луѓе. Турскиот претседател, на власт веќе 20 години и со амбиција да ја задржи функцијата по 14 мај, е жестоко критикуван за бавноста на државата во помошта на погодените.
„Толку многу згради и објекти се уништени што, за жал, не бевме толку брзи колку што се надевавме“, кажа Ердоган. Призна „пропусти“ во одговорот на земјотресите, додавајќи дека е „невозможно да се биде целосно подготвен за катастрофа од такви размери“.
Во Адијаман и покраината Хатај луѓето изразија големо незадоволство од одговорот на властите на природната катастрофа. Ердоган вчера вети изградба на околу 50.000 нови станови во Адијаман. Во 11-те покраини погодени од разорните земјотреси треба да се изградат околу 300.000 станбени единици
Активистката за заштита на животните Тина Мицковска објави тажна, но истовремено и шокантна вест и вознемирувачко фото!
Мирното куче Тоби е убиено од огнено оружје среде Карпош.
-Маалскиот миленик Тоби од Млечен, мирно куче кое сите таму го чуваа и хранеа, денеска за жал го пронајдоа УБИЕН И ПУКАН со ПУШКА спроти Сидро. Некој монструм се дрзнал насред Карпош да пука со пушка во најмирно куче НАСРЕД БЕЛ ДЕН, помеѓу 8:30 и 09:00 утрово. До кога ќе се дозволува вакви психопати да шетаат слободно? Пред некое време во близина беше пукано и во нашиот маалски миленик Џамбо и ништо чудно да се работи за истата будала што може утре да пука и во човек. Доколку некој има некакви информации, ве молам споделете да помогнеме на МВР побрзо да се пронајде, порача Мицковска.
Извини Тоби што живееше во суров свет, трчкај слободно сега горе, порача во својата објава Тина.
Тоа е пост со повеќе имиња – повеќеимен пост. Се нарекува:
Велигденски пост – затоа што завршува на Велигден и значи подготовка за Празникот. Воскресенски пост – заради празникот на Христовото воскресение. Пасхален пост – бидејќи е пост пред Пасха, како што се нарекува Велигден – Новата Пасха или Новозаветна Пасха. Велики пост – заради големото значење на постот и на празникот Велигден. Четириесетница – Велика или Света Четириесетница – затоа што трае четириесет дена (од Чист понеделник до Лазарова сабота). И Господ Исус Христос постел 40 дена (Матеј 4,2; Лука 4,2). Чесен пост – бидејќи го опфаќа времето на Христовото распнување на Чесниот крст. Најдолг пост – според должината на постењето. Тоа е најдолгиот пост. Најголем пост – според важноста, во однос на другите повеќедневни пости. Најстрог пост – меѓу останатите постења – најстрог според исхраната и воздржувањето, а и според богослужбите.
Историјат
Првпат Велигденски пост или пост за Велигден се спомнува на крајот од II век. Тој траел само три дена, вели свети Иринеј Лионски (+202г.) и сите го постеле. Така се постело во III век, во „спомен на Христовите страдања“, вели и Тертулијан (+220г.).
Кон крајот на III век, во Сирија се спомнува Велигденски пост којшто траел една седмица.
А во средината на IV век, веќе се спомнува Велигденски пост од 40 дена. За тоа пишува историчарот Евсевиј Кесариски (+340г.) и свети Атанасиј Велики (+373г.) во Велигденските посланија.
Дури во V век е оформен сегашниов Велигденски пост – Велика Четириесетница.
Времетраење на постот
Велигденскиот пост опфаќа 7 недели, односно 7 седмици. Трае 48 дена, од Прочка до Велигден. Тогаш, зошто се нарекува Четириесетница? Затоа што по 40 дена од постот, продолжува последната седмица пред Велигден, дополнителен строг пост, заради деновите на предавството, страдањата, распнувањето на крстот и погребението на Господа Исуса Христа. Таа се нарекува Страдална или Страстна седмица.
Севкупно Велигденскиот пост ги опфаќа Четириесетницата и Страстната седмица.
Велигденскиот пост нема свој постојан датум, туку зависи од определениот датум на Велигден. Тој е негова претходница и подготовка.
Првата недела на постот се вика Недела на Православието. Втората е Недела на свети Григориј Палама. Третата е Крстопоклона – Недела на Чесниот Крст, кога вернициите се поклонуваат и го целивааат изнесениот крст на богослужбата. Четвртата е на свети Јован Лествичник и во неа се преминува средината на постот. Петтата е на света Марија Египќанка. Шестата седмица е Цветна (Цветници), наречена така според цвеќето и зелените гранчиња што ги фрлале децата и луѓето пред Христа при Неговото влегување во Ерусалим. Седмата е последна седмица пред Велигден, наречена Страдална, Страстна или Велика недела.
Веќе се најавува блискоста на Велигден. Деновите во таа седмица се именуваат како Велики: Од Велики понеделник, до Велика сабота. Секој ден е поврзан со настаните од последните дни на Господа Исус Христос. Особено се значајни последните три дена:
Велики четврток, кога бил фатен по Тајната вечера.
Велики петок, кога бил суден, тепан, мачен, распнат, умрел и бил погребан. Единствено тогаш пред луѓето се изнесува Плаштеницата со која било обвиткано и погребано Христовото тело.
Велика сабота е последниот ден и последната подготовка за Празникот над празниците, а Христос е во гробот од каде ќе воскресне.
Причина и цел на постот
Велигденскиот пост започнал од две причини и со две цели:
1. Да се подготват оние што требало да бидат крстени на Велигден, а кои во текот на постот биле поучувани во верата и во христијанскиот живот и биле огласени за крштение.
2. Крстените, пак, да се подготват за Велигден – за Воскресението Христово, за Празникот што претставува основа на верата. Христијанската вера е вера во воскресението. Тоа му дава смисла и цел на христијанскиот живот.
А Велигден е празник на Воскресението и на Животот. Нова Пасха. Премин од привременото во вечното живеење. Тие што се со Христа овде, ќе бидат со Него и во вечноста.
Постот е време на соединување со Бога – Причестување, Заедничарење, Благодарење – Евхаристија.
Начин на постење и исхрана
Постот е како човекот: телесен и духовен. Со две природи: за телото и за душата. Постиме од гревовноста и од мрсноста.
Се пости на вода, освен во сабота и недела, кога се дозволува масло (зејтин) и вино. Масло и вино се допушта и на празниците: Упокоение на свети Кирил Солунски, Наоѓање на главата на свети Јован Крстител, свети Агатангел Битолски, Младенци Собор на свети архангел Гаврил, света Лидија Македонска, Упокение на свети Методиј Солунски и на храмов или домашен празник. Масло се допушта и на „преполовение“ на постот и на Велики Четврток заради Тајната вечера.
Риба се јаде само на Благовец и на Цветници. На Лазарева сабота се јаде икра.
Првите три дана – тримери (понеделник, вторник и среда) не јадат ништо, оние што доброволно одлучиле да не јадат, а не е обврска за сите. Таквите, во средата, по Литургијата, најпрво вкусуваат една лажичка светена вода на Водици (агјазма), а потоа Причест.
Велигденскиот пост е најстрогата форма на постење. А постот значи воздржување телесно и духовно: воздржување од мрсна храна и од гревовност. Во постот ние му даваме предност и поткрепа на духовното пред телесното. Тоа е време за повеќе молитва и за повеќе добри дела. Време за откажување од гревот и за покајание.
Во Велигденскиот пост не се прават свадби, ниту се дозволува венчавање.
Телесниот пост значи во сите дни воздржување од месо, млеко, јајца и производи со нив, односно од сè што содржи месо, млеко и јајца, а во одредените денови, воздржување и од масло и од вино. Храната доминантно е од растително потекло.
Иако, само во сабота и недела е дозволена храна со масло (зејтин), а во другите денови без масло, сепак, има и ублажување на постот, кога е тоа потребно. Ако е човекот болен, слаб и немоќен, може да добие благослов, да пости со зејтин, млеко и риба. Тоа се однесува и на малите деца до 7 години, но и на длабоката старост, како и за луѓето во посебни услови и состојби, како што се болестите, затворите, армијата, војните, бремените, леунките, доилките, патниците и сл.
Во таквите случаи постот може да се ублажи. Благословот за тоа се добива од православен свештенослужител. Од постот не се ослободува, туку тој се олеснува. Никако не се допушта месо.
Светите отци постот го нарекуваат мајка на здравјето, а и современиот начин на исхрана сè повеќе му придава значење на постот, односно на откажувањето од храната со животинско потекло.
Постот е потреба и за телесното и за духовното здравје. И најважно, постот не е само воздржување и одрекување од храна, туку е важен и духовниот пост – одрекувањето и воздржувањето од секое зло и грев. Во тие дни треба да се испитаме себеси, да се воздржиме од лошите мисли, зборови и дела, да се покаеме и да се исповедаме. Да се измириме и да се очистиме. Духовно да се зајакнеме и да се збогатиме. Да правиме добри дела и да покажеме љубов кон Бога и кон луѓето.
Од телесниот пост може да бидеме и ослободени, но од духовниот пост – никако и никој, од никого, па дури ни ангел од небото не може да нè ослободи.
Свети Јован Златоуст вели: „Кога ќе слушнете за постот не плашете се од него. Тој не е страшен за нас, туку за лошите духови.“
Затоа и Исус Христос рекол: „Овој род се истерува само со пост и со молитва“ (Матеј 17, 21).
Постот на Страстната седмица
Велигденскиот пост завршува пред Страстната седмица која се издвојува во посебна седмица на страданијата. Постот, според поставениот ред, ги завршува своите 40 дена во петокот пред Лазарева сабота (во VI седмица).
Тие последни денови пред Велигден се поминуваат во строго постење, според зборовите на Господ Исус Христос, којшто рекол: „Но, ќе дојдат дни, кога ќе се оддели од нив младоженецот и тогаш, во тие дни, ќе постат“ (Лука 5,35; Марко 2,19-20; Матеј 9,15).
Апостолските правила, Велигденскиот пост го нарекуваат Велика/Голема Четириесетница на која се надоврзува Страстната седмица, постејќи со страв и трепет.
„Четириесетница е до седумте дена пред Пасха. Потоа, шесте дни до Пасха целиот народ ги поминува во сувојадење“, вели свети Епифаниј Кипарски.
На Велики Четврток, се јаде еднаш дневно и тоа по завршувањето на Светата Литургија.
На Велики Петoк, по своја волја, некои верници не јадат ништо до зајдисонце.
Велика Сабота е единствената сабота во која се пости со пост на вода, а оние што можат, остануваат цел ден на суво јадење.
Богослужбениот живот во постот
Богослужението во Велигденскиот пост е различно од секојдневното, вон постот. Тие дни се денови на пост, покајание и проштевање. Богослужбите не се свечени, раскошни и славни. Свештениците се облечени во темни и црни одежди.
Се прават поклони со наведнување на главата до појасот – мали (допојасни) поклони, кога со десната рака ја допираш земјата или големи поклони кога се наведнува главата до земја (доземни поклони) на колена. На богослужбите има многу читање, а не само пеење, како обично.
Секојдневниот богослужен ред е подолг од вообичаеното. Сите служби во текот на денот се збогатени со дополнителни молитви за покајание и со повеќе метании – поклони до земја.
Секоја среда и петок се служи Литургија на предосветените дарови, напишана Литургија од свети Григориј Двоеслов, папа Римски. Таа се служи за да можат верниците почесто да се причестуваат во постот.
Секој петок попладне, во црква се чита Акатист на Пресвета Богородица, а оној што не може да појде в црква, може да го прочита Акатистот и дома, но подобро е в црква.
Во саботите и неделите не се прават поклони до земја и се служи Литургија на свети Василиј Велики.
Последната недела пред Страстната седмица, Неделата Цветна (на Цветници), се служи Златоустова литургија.
Секој ден од Страстната седмица се служи Литургија, освен на Велики Петок, кога Христос е распнат, умрел и бил погребан.
На Велики Понеделник, Велики Вторник и Велика Среда се служи Литургија на предосветените дарови.
А на Велики Четврток и на Велика Сабота – Василиева литургија. Овие два дена се причестуваат најмногу верници. Затоа што тие се последните две литургии во постот и затоа што на Велики Четврток е востановена Светата причест, на Тајната Вечера, а Велика Сабота е единствената сабота што се пости строг пост и затоа што сакаат верниците причестени да го пречекаат Христовото воскресение – Велигден.
Пост и диета. Се слабее ли со постење?
Постот не е диета. Неговата цел и задача е друга. Не се пости за да се слабее, туку за да се зајакне духот и за да се претпочита духовното над телесното. Но, се разбира, тоа воздржување во текот на постот може да придонесе и за зацврстување на волјата и за решеноста да се храниме поумерено и поздраво.
Добро е да се користи разновидна храна и за време на постот. Сите сме различни во односот кон храната и во односот на храната кон нас и кон нашиот организам. За некого храната се лепи веднаш, а за друг не. Важно е и воздржувањето од количината во исхраната. Таа навика ќе помогне. Сигурно е дека постењето е здраво и корисно.
Поуки и препораки за христијанскиот живот во текот на постот
Постењето не е само воздржување од мрсна храна или нејадење, оти и ѓаволот воопшто не јаде, ама јаде души човечки и е полн со злоба, па не може да се спаси.
Затоа, кога постиш, не завидувај, туку радувај се; не осудувај, туку проштевај; не прави неправда, туку помагај; не отфрлај, туку поткрепувај; не скарувај, туку смирувај; не навредувај, туку пофалувај итн. Зашто, каква е ползата што не јадеш месо, ако го јадеш брата си?
Постот е време на духовна будност, очистување, покајание, молитва, подвизи и добри дела. Тој е неразделно поврзан со молитва, со читање духовни книги, со дела на милост и љубов кон ближниот, духовни разговори, посета на богослужби, читање и проучување на Светото писмо, посета на часови по веронаука и верски поуки и правење добро.
Најдобро е така христијански да живееме постојано, но ако во тоа не успеваме, тогаш постот е најдобар период за вежбање во доброто и придржување кон тоа, за да ни постане доброто навика и да биде наш начин на живеење. Добро е во тој период да се воздржиме од вообичаените лоши навики, недостатоци и пороци.
Да ги контролираме страстите. Да не говориме неумесни зборови, пцости и шеги; да не гледаме премногу телевизија, особено, она што е непотребно, непристојно и соблазнително; да одбегнуваме кавги и расправии; да го отфрламе гневот и злобата; да го оставиме пушењето или да го смалиме; да се воздржиме од алкохолни пијалoци или да се ползуваат умерено; да се одбегнува секое зломислие, злочувство и злодело. Да мислиме повеќе на духовното, отколку на телесното – повеќе за душата, отколку за телото.
СВР Куманово поднесе кривична пријава против Љ.М.(66) и М.М.(61), двајцата од с. Љубодраг, кумановско, поради постоење основи на сомнение за сторено кривично дело „мачење животни”, соопшти МВР.
Како што информираат од МВР, пријавените, на 24.01.2023 во с.Љубодраг со тврди предмети го удирале кучето на нивниот сосед Д.Н., откако влегло во нивна штала и усмртило 15 нивни кокошки.
Пекарската индустрија се закани дека нема да произведува леб доколку Владата ја донесе мерката за замрзнување на неговата цена на 33 денари.
– Ако Владата ја донесе мерката за ограничување на цената на лебот, од следниот ден нема да има леб на пазарот, изјави денеска Горан Малишиќ, претседател на Групацијата за мелничко-пекарската индустрија по состанокот во Стопанската комора на Северна Македонија.
Производителите едногласно донесоа заклучок дека мерката има позитивен ефект. Триесет и двајца индустриски пекари од цела држава и мали здруженија на пекари на денешниот состанок констатирале дека во целост се почитувала мерката за субвенционирање на елекрична енергија и цените на лебот на пазарот се намалени повеќе од вредноста на субвенцијата што ја примаат пекарите.
-Со донесувањето на оваа мерка првично се стопира ограничувањето на цената не само во пекарската, туку и во другите индустрии и истата подоцна дозволи да се намали цената соодветно и да се создадат услови за нормално стопанисување на пазарот, да се создаде конкуренција. Со таа конкуренција изминативе два месеци почнуваа да се намалуваат цените, на пазарот имаме цени во разни варијации од различни видови на обичнен леб од различни грамажи. Веќе имаме постоечки цени од 33, 35 денари па лебот се движи во зависност од тоа дали е сечен или не до 50 денари. Цените почнаа нагло да се намалуваат последниве 30 дена, рече Малишиќ.
Мерката, како што нагласи, ќе им донесе на пекарите штета и ќе ги доведе до нивно затворање, а штетата би изнесувала од три до 15 илјади евра на ден.
-Постои модел како треба Владата да направи социјална цена на социјален леб, како што е направено во Србија. Јасно и гласно е кажано уште пред две години – за да направите социјална цена на леб, и да го задоволите населението, треба да се фатите за џев, народски кажано. Во Србија, државата субвенционира 30 проценти од цената на брашното на пекарниците за да има одредена цена која српската Владата ја покачи пред три дена. Постојат модели, да, тоа е трошок, но ако сакаме да имаме социјална цена со една цена на пазарот мора Владата да субвенционира, не можеме да бидеме ние општествено одговорни компании кои ќе бидат во загуба, посочи Малишиќ.
Сопственикот на пекарско-слаткарската фирма „Специјал“ Горан Ѓорѓиевски појасни дека во вкупната цена на лебот – 40 до 45 посто е материјален трошок, бидејќи, како што посочи, не е само жито, туку квасец, сол.., од 30 до 35 проценти работна рака, 10 проценти енергија и околу 15 проценти останати трошоци – кредити, пакувања, лизинзи итн.
-Не е само житото во цената туку голем дел работна рака. Во овој момент има масовен одлив на население што оди да работи во западните земји, тој недостаток креира висока цена на работната рака на пазарот, рече Ѓорѓиевски.
Во саботата министерот за економија Крешник Бектеши најави дека од 1 март ќе биде замрзната цената на лебот на 33 денари.
Мерката е на предлог на Министерството за економија поради тоа што анализите покажале дека голем дел од компаниите за прехранбени производи кои добиваа субвенционирана струја, не ги намалиле цените на производите и по три месеци.
Активистката за работнички права и гласноговорничка за голем број општествени проблеми Кристина Ампева со жестока реакција за злоупотребата на народните пари.
Таа постави неколку прашања, како што вели, на господата од Владата.
-Зошто се помага со месеци на компании за да ги намалат цените на производите и дури сега забележале дека државната помош е злоупотребена, пак, на грбот на граѓаните?
– Дали некој ќе одговара за оваа злоупотреба со народни пари, дали се почнати постапки ? А и да се дадат имињата на компаниите, имаме право да знаеме!
-Зошто уште нема абер од јавното обвинителство за претходните злоупотребени народни пари со 6 пакета на мерки во корона кризата бидејќи треба да одговараат и ги вратат назад во државната каса?
-Грозно е да се гледа оваа несериозност и распашаност, безобразлук од страна на одредени фирми, но и од страна на властите кои воопшто не им е гајле дали нашите народни пари кои ги даваат во приватниот сектор имаат ефект врз граѓаните, вели Ампева во својата фесјбук објава.
-Исто, ужасно е, неодговорно е и крајно фрустрирачки после 3 години јавното обвинителство да не даде одговор и ги остави сите оние кои ги злоупотребија народните пари во прогласена вонредна состојба без никаква казна, никаков одговор и одговорност кон граѓаните и народниот буџет. Ма ужасно е да се гледа распашаност со наши пари, наши даноци и никој да не одговара. Дно е! На крај, ние плаќаме за сите овие неработници, апаши, криминалци и политичари и државници што во ветер ги фрлаат нашите пари , даноците кои ги даваме за некои да пљачкаат! – децидна е Ампева, а со нејзиниот став се согласуваат голем број граѓани.
Новиот предлог-закон им дава на жените можност да се јават како болни во случај на онеспособување во време на менструален циклус.
Шпанскиот парламент месецов го одобри создавањето боледување за жените кои страдаат од периоди на неспособност, со што стана првата земја во Европа што го стори тоа.
Новиот предлог-закон создава можност жените да се јават на болни „во случај на онеспособување во менструацијата“, се вели во соопштението на шпанскиот Конгрес.
Беше усвоен со 185 гласа против 154 и три воздржани. Гласањето е победа за социјалистичката влада на Педро Санчез, надминувајќи ги внатрешните несогласувања во неговата партија (Кармен Калво, социјалистички пратеник, кој порано беше потпретседател на владата во претходниот кабинет на Санчез, се воздржа од гласањето). Нацрт-законот беше поддржан од широка левичарска коалиција, вклучително и Социјалистичката партија, екстремно левичарскиот Подемос и две прокаталонски партии за независност, додека конзервативната Народна партија и екстремната десница Вокс гласаа против мерката.
Предлог-законот е дел од поширок закон, кој особено има за цел да го олесни пристапот до абортус во јавните болници, но исто така вклучува и бесплатно обезбедување на менструални производи во училиштата и затворите.
Истиот ден, шпанскиот Конгрес одобри друг закон за зајакнување на заштитата на правата на ЛГБТК+ – што ја поттикна шпанската министерка за еднаквост, Ирене Монтеро, на Твитер да го прослави „историскиот ден за унапредување на феминистичките права“.
Во Бугарија по втор пат ќе се одржи државниот ученички конкурс за документарен расказ, интервју или есеј на тема „Моите прадедовски корени од Македонија и Одринска Тракија“.
Натпреварот е во орган изација на Бугарското здружение на македонски род во партнерство со Историскиот факултет на Универзитетот Св. Климент Охридски“ и Македонскиот научен институт, објави БГНЕС. .
Агенцијата пренесува дека учениците со роднини и пријатели од Македонија или Одринска Тракија се очекува да презентираат кратка студија за нивната семејна историја или судбината на поединечно лице/и поврзани со овие делови.
Се очекува тие презентираат разговори-интервјуа со своите роднини и роднини – родители, баби и дедовци, тетки и чичковци и подалечни постари роднини и роднини.
Тиеовие информации можат да ги дополнат со информации од книги, статии и други публикации; од истражувања во музеи, во приватни и јавни архиви.
На натпреварот можат да учествуваат и ученици кои не потекнуваат од Македонија и Одринска Тракија со истражување и презентирање на таквото потекло на нивни семејни пријатели, познаници и соученици.
Пишаниот текст се очекува да содржи кратки информации за релевантните населби во Македонија или Одринска Тракија; од каде потекнуваат корените на родот; информации за лицата од семејството, за животот и егзистенцијата; потипични инциденти и настани, вклучувајќи ги и оние поврзани со училишното образование или револуционерната работа; датум и причини за преселба во Бугарија, доколку ги има; место(и) на населување во Бугарија и економска и социјална адаптација; дали да одржува или не врски со првобитното место во Македонија или Одринска Тракија; дали има останати роднини во Македонија или Одринска Тракија.
Како додаток на пишаните текстови може да се вклучат цртеж на семејно стебло, фотографии од поединци, населби и семејни настани, сеќавања на роднини и други материјали, како и цртежи од ученици на споменатите теми, пренесува БГНЕС.
Деветмесечно бебе сомнително на туберкулоза хоспитализирано на Интензивна на Клиниката за детски болести е во многу тешка состојба, и поставено на механичко дишење, и засега состојбата му е стабилна, изјави за Телма, директорката проф.д-р Стојка Фуштиќ.
Доктор Фуштиќ вели дека деветмесечното бебе е донесено на детска клиника во многу тешка состојба во петокот вечерта од болницата во Козле. Директорката уверува дека нема потреба од паника за зараза, затоа што бебето е згрижено според сите протоколи.
Бебето и денеска е во многу тешка состојба затоа што има само три килограми, и иако докторите прават се што можат, можно е ваков случај да заврши фатално.
Бебето се заразило од неговата мајка, која боледувала од туберкулоза. Доктор Фуштиќ вели дека детето не било заведено во здравствениот систем, и нема податоци каде се лечело.
