Русија му понуди нуклеарна централа на Елон Маск за неговата мисија на Марс, пренесува Ројтерс.

Според агенцијата, специјалниот претставник на рускиот претседател, Кирил Дмитриев, изјавил дека Москва е подготвена да размисли за испорака на компактна нуклеарна инсталација за програмата на Илон Маск за истражување на Марс.

Дмитриев додал дека можноста за соработка може да се разгледа преку видео-конференција со основачот на компанијата „Спејс Икс“.

Според компанијата за дистрибуција на електрична енергија во Канада, Hydro One, се очекува да бидат потребни неколку дена за да се врати електричната енергија за сите корисници, јавува CBC News.

Како што информираа, сите екипи се на терен со цел што побрзо да ги отстранат последиците од невремето и да обезбедат снабдување со струја во погодените области.

Во некои делови од централниот и источниот дел на Онтарио паднале меѓу 25 и 30 милиметри дожд.

Метеорологот Кристина Кречман изјави дека ледената бура предизвикала сериозни штети на инфраструктурата и домовите, како и дека многу дрвја и далноводи биле урнати.

Вонредна состојба е прогласена во некои градови во Онтарио, како Питерборо и Оро-Медонте.

Надлежните упатија предупредување до возачите да бидат исклучително внимателни поради опасните услови што ги создава замрзнатиот дожд на патиштата.

Илон Маск, милијардерот и основач на „Тесла“, ја критикуваше одлуката на францускиот суд против Марин Ле Пен, опишувајќи ја како „злоупотреба на судскиот систем“.

На својот профил на социјалната мрежа Икс, Маск изрази загриженост дека радикалната левица, кога не може да победи преку демократски избори, го користи судскиот систем како средство за политичка борба, ставајќи ги своите противници зад решетки.

„Ова е нивниот модус операнди (метод на делување) низ целиот свет“, напиша Маск, додавајќи дека по ваквите „судски напади“ ќе има соодветна реакција, како што се случи и со правните постапки против американскиот претседател Доналд Трамп.

Маск предупреди дека ќе се случи контрареакција на ваквите правни дејствија, повлекувајќи паралели со случаите против Трамп во САД.