Милка Шатева ќерката на Павел Шатев упати остра порака до бугарската, меѓутоа и до дел од македонската јавност. Шатева нагласи дека нејзиниот татко е Македонец и се што е негово ѝ припаѓа на Македонија.
Минатиот пат ви ги дадов микрофилмовите, а сега Ќе ви дадам сѐ што имам тука. Вие немате претстава, ниту можете да замислите какво е чувството по цели 60 години татко ми да биде конечно рехабилитиран. Ве молам, сакам сѐ да биде во Македонија, речиси низ солзи изустува г-ѓата Милка Шатева.
Оригиналните ракописи и сѐ што имам од татко ми сакам да биде во Македонија.
Со оваа помисла сум обземена, не можам навечер да спијам и верувајте ми, тоа ми е поголем товар од годините што ги носам.
Вака зборуваше Милка Шатева, ќерка на гемиџијата и истакнат македонски револуционер, првиот министер за правосудство во повоена Македонија, Павел Шатев.