Трагедијата во Кочани, каде што во пожарот во дискотеката „Пулс“ загинаа 59 лица, го потресе целиот регион.

Девојка која ја преживеала кобната ноќ во клубот проговори за  тоа што се случувало во тие критични моменти.

Во емисијата „Претрес“ на новинарот Кристијан Ландов, девојката раскажа дека членот на бендот ДНК, Владимир Блажев – Панчо, прв ја забележал огнената закана и повикал на евакуација, но присутните не го сфатиле сериозно.

„Бендот ДНК започна со настап во 2 часот, а околу 2.35 почнаа да користат прскалки, какви што се користат секогаш кога настапува некој голем музичар. Сите беа расположени, никој не знаеше дека ќе се случи ваква трагедија.

Панчо прв ја забележа ситуацијата и извикуваше: „Гори кровот, излезете!“. Останатите не го забележаа тоа, иако снимаа. Мислеа дека е шега, не веруваа дека пожарот ќе се прошири и не го сфатија сериозно предупредувањето.

Пред вратата на клубот се создаде голема гужва, ни самата не знам како успеав да се извлечам. Некои останаа до крај, мислејќи дека ништо страшно нема да се случи.

На влезот имаше полиција која вршеше рација бидејќи во клубот имаше малолетници. Вратата првично беше блокирани, но кога настана метеж, веднаш беше отворена.

И претходно во клубот имало малолетници – само плаќаш и влегуваш“ – открива девојката.

Во клубот во тој момент била и полиција поради малолетници присутни на забавата.

Потсетуваме, најмладата жртва во оваа трагедија имаше само 16 години. Овој трагедија од огромни размери покрена бројни прашања за безбедносните пропусти и контролата во ноќните клубови.

Младата Марија Тасева, која го преживеа пожарот во дискотеката „Пулс“ во Кочани, каде што загинаа 59 лица, се прости од својата сестра Лепа, која таму го загуби животот.

Марија се збогуваше со својата постара сестра преку емотивна објава, полна со болка и тага.

– Не требаше вака, сестричке, сега започнуваа твоите најубави години. Се вратив во дискотеката за да те најдам, но не ме пуштија внатре, не можев да те спасам. Да ми дозволеа, можеби ќе успеев да те спасам или ќе изгоревме заедно, но важно е што ќе бевме заедно – напиша Марија.

– Жал ми е што не можев да влезам, толку ми е жал. Ми рече дека никогаш нема да ме оставиш, дека ќе ме заштитиш, дека ќе бидеш покрај мене. Но, неочекувано нè напушти. Да знаев дека последен пат ќе те видам во дискотеката, ќе те прегрнев и ќе изгоревме заедно. Оваа болка е неподнослива. Ја погребавме мама, а сега и тебе те погребувам, која судбина ја имам на овие 19 години? Засекогаш ќе бидеш во моето срце, сестричке, непребол…држете се со мама горе, најмногу ве сакам, никогаш нема да те преболам… Остани горе со мама, те сакам најмногу – напиша Марија на социјалните мрежи.

Ова е уште една трагедија што ја снајде семејството, откако пред две години нивната мајка го загубила животот.

По пожарот во дискотеката „Пулс“, Марија беше повредена при евакуацијата, поради турканицата што настанала.

СВР Скопје ги известува граѓаните дека денеска (24.03.2025) со почеток од 19.00 часот поради одржување на протестен марш, Единицата за безбедност на патниот сообраќај ќе преземе мерки за посебен режим на сообраќајот во централното градско подрачје на град Скопје.

Протестниот марш ќе започне на Плоштад „Македонија“, а во 19.30 часот ќе се продолжи со движење кон Собрание на РСМ на ул.„11-ти Октомври“, потоа по ул.„Филип Втори Македонски“, лево по бул.„Гоце Делчев“ до пред Влада на РСМ на бул.„Илинден“.

СВР Скопје апелира до сите граѓани учесници во сообраќајот да се почитуваат наредбите кои ќе ги даваат полициските службеници.