Балкан

Тренерот се мрдна: Вие сте пики, куп гона, треба да ве претепам! (ВИДЕО)

Хрватски „Индекс“ објави видео од ужасен однос на еден тренер на тинејџерска екипа, во тамошната прва лига за јуниори. Станува збор за Јосип Ловриќ, тренерот на Кроација Богдановац, кој побеснал на паузата меѓу двете полувремиња, фрлал, пцуел и се заканувал со тепање.

Повеќето од децата биле малолетни, а знаејќи го карактерот и темпераментот на својот тренер, откако имале лошо полувреме го снимиле очекувајќи некаква сцена. Тоа и се случило, а едно од децата го пратило видеото до „Индекс“.

Тренерот прво ја соблекува јакната, ги фрла во ѕидот хартиите кои ги држи и потоа кулминира со превртување на масата во соблекувалната. Оттука почнува монологот исполнет со навреди, пцости и закани.

„Кого вие го претставувате? Да ве чујам еден по еден. Јас лично ќе ви ја е*ам мајката на сите. Вие мене ќе ме срамите?! Што паметувате? Играјте. Гледате ли што ви прават…наместо да се фокусирате на играта. Срам да вие на сите заедно. Вие сте биле играчи…вие сте пи*ки. Вас не треба ни да ве тренирам. Се однесувате како еден куп го*на, не знаете да го искористите својот потенцијал. Ќе ви оставам спомен, кога ќе ви удрам шамар пред 30 луѓе“, вели Ловриќ, дополнително заканувајќи им се со ќотек.

Од раководството на клубот изјавиле дека го смениле истиот ден, штом дознале за случајот, а потоа им се извиниле на децата и на нивните родители, уверувајќи дека стојат зад нив. На тренерот Ловриќ, ова не му бил прв испад, во натпреварите од првата лига во Вуковарско-сремската жупанија.

„Тој околу година, година и пол собираше деца од тие возрасти, дури и постигна некој резултат, но и порано имаше една незгодна ситуација. Го напушти мечот на полувреме бидејќи беше незадоволен од судењето, поради што беше казнет шест месеци“, изјавил претседателот на клубот, Жељко Ерговиќ.

Балкан

(ВИДЕО) Автомобил „полета“ над кружен тек – дијабетска криза ја предизвикала несреќата

Тешка сообраќајна несреќа се случи во Романија кога возач на „мерцедес“ ја изгуби контролата врз автомобилот и буквално прелета над две возила на кружен тек.

Mercedes flies over 2 cars in Romania, a 55-year-old driver lost control due to a medical problem, but he survived the crash with moderate injuries, and refused hospitalization pic.twitter.com/YoGn1YZuOZ
— Global Eye News🌐 (@globaleeyenews) December 5, 2025

На видеото кое кружи на социјалните мрежи јасно се гледа дека автомобилот возел со голема брзина, ја пресекол кружницата и „полетал“ над другите возила пред да удри во столб на надзорна камера и да застане на зелена површина покрај блиска бензинска пумпа.

Возачот, 55-годишен маж, останал заробен во автомобилот, но спасувачите успеале да го извлечат. Тој претрпел само полесни повреди и е однесен во болница на контрола, без потреба од хоспитализација.

Тестовите покажале дека не консумирал алкохол или дрога, а причината за несреќата е дијабетска криза која го спречила да реагира додека возел.

Балкан

Аеродромот Сараево без раководство: Судски мерки и истечени мандати го парализираа управувањето

Меѓународниот Аеродром Сараево од утрово се соочува со целосен управувачки застој, откако Врховниот суд на Федерацијата БиХ му забрани на в.д. директорот Санин Рамезиќ да ја извршува функцијата, а на извршните директори им истекоа мандатите на полноќ, пренесува Истрага.

Ситуацијата дополнително се усложни бидејќи тројца од петте членови на Надзорниот одбор добија забрана за вршење должност, што значи дека ова тело нема кворум и не може да свика седница ниту да назначи ново в.д. раководство.

Вчера, по предлог на специјалниот истражен тим ПОСКОК, Судот изрече забрани за Рамезиќ и членовите на Надзорниот одбор Бенјамин Мешак, Аднан Махмутовиќ и Жан Матиќ. Истовремено, Владата на ФБиХ донесе одлука со која даде претходна согласност за продолжување на мандатите на Рамезиќ и извршните директори Амадео Мандиќ и Слободан Кадијевиќ.

Но, забраната за Рамезиќ веднаш ја блокираше можноста тој повторно да биде именуван, а без кворум, Надзорниот одбор не може ниту формално да донесе одлука за продолжување на мандатите.

Според истрагата на ПОСКОК, постои основано сомнение дека Рамезиќ и тројца членови на Надзорниот одбор ја злоупотребиле службената положба за да извршат измени во Статутот на претпријатието со цел да му овоможат на Рамезиќ да стане постојан директор.

Комбинацијата од судски мерки, административни забрани и истечени мандати го оставија Аеродромот Сараево без легитимно раководство, со неизвесност како и кога ќе биде надмината институционалната блокада.

Балкан

Полицијата запре „порше“ што се движело со 233 километри на час

За време на акцијата за засилена сообраќајна контрола, српската полиција пресретна 26-годишен возач М.В., кој управувал „порше“ со 233,2 километри на час на автопатот Белград – Нови Сад, во близина на Сурчин. На овој дел од патот максимално дозволената брзина изнесува 130 километри на час.

Министерството за внатрешни работи информира дека возачот е веднаш исклучен од сообраќај и против него е поднесена прекршочна пријава за насилно возење.

Од МВР додаваат дека во изминатите четири дена, откако започна акцијата, сообраќајната полиција контролирала околу 40.000 возила и открила повеќе од 22.500 прекршоци, од кои 33 се класифицирани како насилно возење. Акцијата ќе продолжи до недела, 7 декември.