Вчера во 13.25 часот во СВР Скопје, било пријавено дека на крстосница од бул.„Борис Трајковски“ со ул.„Саса“ во нас.Пинтија настанал пожар во патничко возило во движење „рено“ со скопски регистарски ознаки, управувано од 52-годишниот Т.П. од Скопје.

„Од пожарот било зафатено и друго патничко возило во движење „бмв“ со скопски регистарски ознаки, управувано од Н.Н.(34) од Скопје. Од екипа на Бригадата за противпожарна заштита Скопје пожарот бил изгаснат, а повредени лица нема. Извршен бил увид и се преземаат мерки за расчистување на случајот“, посочуваат од МВР.

Општина Гази Баба објави јавен повик за субвенционирање на граѓаните за набавка на инвертер клима уреди.

Предмет на јавниот повик е надоместување до 50% од трошоците за купување на високоефикасни инвертер клима уреди, но не повеќе од 30.000,00 денари. Средствата се обезбедени согласно Програмата за заштита на животната средина и природата на Општина Гази Баба за 2025 година.

– Ќе бидат надоместувани дел од трошоците за купување на високоефикасни инвертер клима уреди за 2025 година од денот на објавување на овој јавен повик. Ги повикувам граѓаните да ја искористат можноста и да аплицираат, објави градоначалникот Бобан Стефковски. 

Повикот може да го најдете на следниов линк. 

Нов напад на возач на автобус на ЈСП Скопје. Немилиот настан се случил пред два дена на подрачјето на скопски Центар.

-Во 14:15 часот 47-годишниот Е.Х. од Скопје во полициска станива пријавил дека половина час претходно во 13.45 часот додека управувал со автобус на ЈСП на подрачјето на Центар по претходно недоразбирање бил физички нападнат од Б.Џ.(33) од Скопје, велат од МВР.

Од полицијата додаваат дека по целосно документирање на случајот, ќе следува соодветна пријава.

Во изминатиот период забележани се бројни напади врз возачи во јавниот градски превоз од страна на патници.