„Изет Меџити, вицепремиерот и лидер на Демократското движење, во рамки на коалицијата Вреди, најави дека од следната седмица ќе започнат активностите за создавање нов заеднички политички субјект, во кој ќе прерасне коалицијата Вреди. Според него, овој субјект ќе има заеднички штаб, еден информативен центар, заеднички кандидати за локалните избори, заедничка програма, заеднички кандидатски листи за советници во општините, во кои ќе се настапи на локалните избори.“ – пренесе весникот на албански јазик „Лајм“.

Весникот натаму пренесува: Меџити додаде дека иако се уште не е дефинирана позицијата во врска со локалните избори и градоначалниците, тоа не претставува проблем, бидејќи главната цел е обединување и подобра организација пред локалните избори.

„Јавно можам да кажам дека ги читам гласачите, кои бараат спојување на Вреди во еден субјект… Ниту сум тврдел, ниту тврдам дека сум лидер на Вреди. Мене ме интересира концептот.“, рече тој и нагласи дека успехот на проектот е поважен од поединечните позиции.

Директорката на Педијатриската клиника на Универзитетската болница во Парма, Италија, каде што се лекувал штипјанецот Симон Крстев, кој беше еден од 193-те повредени во трагедијата во Кочани, денеска дошла во Штип да го посети Симон, на покана на неговите родители, објави на својот профил Сашо Клековски, директор на Фондот за здравство (ФЗО).

Симон, во соработка со Цивилната заштита на Италија, на 18 март, 2 дена по трагичниот настан во кој во пожар во дискотеката „Пулс“ животот го загубија 62 лица, бил пренесен во Италија.

„Младиот Симон Крстев од Штип е еден од повредените во трагедијата во Кочани. На 18 април, во соработка со Цивилната заштита на Италија, пренесен е во Италија, во Педијатриската клиника на Универзитетската болница на Падова. Примен е со „хемиска пневмонија“ и со изгореници од втор степен. Симон добива сеопфатен третман и веќе на 1 април се враќа дома. Испратен е од персоналот на целиот оддел и тогаш родителите на Симон ја покануваат проф. Сузана Езпосито (Susanna Esposito), директорка на клиниката, да ги посети во Штип. Денеска проф. Сузана Езпосито го посети Симон во Штип. Симон не само што е лекуван во Парма, туку ја добил сета емотивна поддршка во тие тешки моменти. Поддршка толку силна да ја донесе проф. Сузана Езпосито во Штип. Ѝ се заблогодарив на проф. д-р Сузана Езпосито за сѐ што е направено за Симон и порачав дека секогаш е добредојдена во Македонија!“, посочи Клековски во својата објава на социјалната мрежа Фејсбук.

https://www.facebook.com/plugins/post.php?href=https%3A%2F%2Fwww.facebook.com%2FSasoKlekovski%2Fposts%2Fpfbid0V4ZTpt382mordPY5AMABKccQN8mgDd3JH1WhorPkDExabW85uuPBY83P7AjUDhgKl&show_text=true&width=500

Денеска на ден Велигден почина музичкиот великанот од нашата генерација, Тоше Поп Симонов.  Остави музика и човештина за на век. Не задолжи сите кој соработувавме со него! Секогаш спремен да помогне, да се најде за се нешто, токму во правиот момент, кога мислиш дека цел свет ти пропаднал! Тоше беше тука и невозможното го правеше возможно! Ти благодарам друже за сe!, напиша Петар Георгиевски Камиказа, фронтменот на „Меморија“ на својот Фејсбук профил.

„Последно се чувме пред некој ден и долго зборувавме за неговото здравје, пишува тој. Беше борец и познавач на невозможното кога беше медицината во прашање, поготово последниве неколку години, но….. Но срцето јуначко и големо како планина престана да чука денес напладне. Немам сили да пишувам повеќе бидејки секој збор што ќе го напишам е премал за се она што го направи за сите нас.

Почивај во мир мајсторе над мајсторите и горе меѓу звездите една беседа и песна и да им направиш, за да можат и тие горе да те слават, како ние тука на земјата!!!

Погребот ќе биде во вторник од 11 и 30 до 12 и 30 во капела на градските гробишта во Скопје. До семејството искрено сочуство за огромната загуба!

Не можам повеќе, прости ми мајсторе, а имам цели фермани да пишам, едноставно