Виктор Осимен би можел ова лето да стане ново засилување на Реал Мадрид, а оваа опција станува реална доколку Винисиус Жуниор се пресели во Саудиска Арабија.

Според информациите на порталот Fichajes, Реал го гледа нигерискиот напаѓач како потенцијална замена за бразилскиот фудбалер, кој оваа сезона постигна 20 голови и имаше 14 асистенции во 42 натпревари.

Винисиус се најде пред искушение поради огромната понуда од Саудиска Арабија, која, како што се наведува, му понудила петгодишен договор вреден милијарда евра! Понудата вклучува и рекорден трансфер на Винисиус, што би значело дека Реал би инкасирал 300 милиони евра од неговата продажба.

Токму поради оваа ситуација, интересот за Осимен не е за отфрлање. Ако Нигериецот се пресели во Мадрид, најверојатно ќе ја заземе позицијата „деветка“, додека Килијан Мбапе би се преместил на левото крило.

Осимен има договор со Наполи до летото 2026 година, но е очигледно дека претседателот на клубот, Аурелио Де Лаурентис, сака да го продаде ова лето. Откупната клаузула за него изнесува 75 милиони евра.

Рудигер се извини за инцидентот на крајот од финалето – „Нема оправдување за моето однесување“

Антонио Рудигер јавно се извини за инцидентот што се случи во самиот финиш на драматичното финале од Купот на Кралот меѓу Реал Мадрид и Барселона. Германскиот дефанзивец ја изгуби контролата веднаш по судиската одлука да досуди фаул на Килијан Мбапе врз Ерик Гарсија – момент што предизвика голема тензија на теренот.

Рудигер фрли предмет од техничката зона во правец на судијата Рикардо де Бургос и се однесуваше агресивно, што резултираше со директен црвен картон. Ситуацијата можеше да излезе уште полоша, ако не беа неговите соиграчи и членовите на стручниот штаб кои буквално мораа да го задржат.

Еден ден по натпреварот, Рудигер се огласи преку социјалната мрежа X (поранешен Твитер), каде што упати јавно извинување до судијата, соиграчите и навивачите.

„Апсолутно нема никакво оправдување за моето однесување синоќа. Навистина ми е жал за тоа,“ напиша Рудигер.
„Одигравме одлично второ полувреме и продолженија, но после 111 минута веќе не можев да му помогнам на мојот тим. Пред последниот свиреж, направив голема грешка. Уште еднаш му се извинувам на судијата и на сите што ги разочарав.“

Инцидентот, се разбира, беше запишан и во официјалниот судиски извештај, каде што се наведува дека Рудигер фрлил предмет и реагирал агресивно по исклучувањето.

Несомнено е дека оваа постапка ќе има свои последици, но искреното извинување е првиот чекор кон надминување на ситуацијата.

Барселона триумфираше во Купот на Шпанија – Кунде херојот, Рудигер исклучен по инцидент

Барселона е новиот освојувач на трофејот во Купот на Шпанија, откако по 120 минути драматична игра славеше над вечниот ривал Реал Мадрид со 3:2. Одлучувачкиот момент се случи во 116. минута, кога Жил Кунде постигна гол и ѝ донесе победа на Барса.

Финалето не мина без тензии – во самиот финиш, Антонио Рудигер, кој беше на клупата, доби директен црвен картон поради фрлање мраз кон главниот судија Де Бургос. Инцидентот предизвика дополнителен хаос, при што неколку членови од клупата на Реал мораа да го задржат Рудигер за да спречат физичка пресметка со арбитарот.

Погледнете го видеото:

RUDIGER tiene LA RABIA pic.twitter.com/liRbOcWIp4

— ERIC (@eriicgfc) April 26, 2025