Основното јавно обвинителство за гонење на организиран криминал и корупција го разгледа Решението со кое не се прифати предлогот на обвинителството за определување на мерка притвор и на осомничен му беше определена мерка куќен притвор и мерка на претпазливост – одземање на патна исправа и забрана за издавање на нова патна исправа.

Незадоволно од ваквата одлука Основното јавно обвинителство за гонење на организиран криминал и корупција во законски утврдениот рок до Кривичниот совет при Основниот кривичен суд – Скопје поднесе жалба поради суштествена повреда на одредбите од кривичната постапка и побара Кривичниот совет да ги преиспита фактите содржани во жалбата, како и решавачките факти врз основа на кои е донесено обжаленото Решение.

Во вторникот пратениците во македонското Собрание со мнозинство ѝ изгласаа интерпелација на Весна Дамева, член на Судскиот совет. 67 пратеници од владејачкото мнозинство минатиот месец поднесоа интерпелација за 5 члена на Судскиот совет кои се избрани од Собранието – Весна Дамева, Селим Адеми, Павлина Црвенковска, Тања Чачарова Илиевска и Миљазим Мустафа.

Иако Дамева од собраниската говорница се бранеше дека наводно била под политички притисок, според  објавa на социјалните мрежи, постоеле закани од нејзиниот сопруг токму кон политички личности спротисавени на партијата во чиешто владење беше избрана судијката.

Извор: Нетпрес

Во истражување на Центарот за граѓански комуникации за набавка на патничките возила на државните институции во 2023 и во 2024 година, покажа дека за само две години институциите набавиле нови возила за 8,5 милиони евра, дел купени, а дел земени на лизинг.

„Меѓу нив се и 45-те владини возила, секое по 50 илјади евра, земени на лизинг за сегашните функционери, но и за поранешните премиери и претседатели.

Најскапо набавено возило од 55 илјади евра е на Општина Шуто Оризари, додека Општина Прилеп набавила па го раскинала договорот за возило од 63 илјади евра.

Просечната вредност на сите набавени возила во последните две години е 31.760 евра.

Омилен бренд на функционерите им е Шкода, од која е набавено секое трето возило.

Најмногу возила, 82, набавиле Електрани на Северна Македонија.

На дури 70 % од тендерите за набавка на возилата имало само по една понуда.

Најголема вкупна вредност на склучени договори имаат фирмите Порше лизинг и Аутомотив груп, секоја по околу 2,8 милиони евра за две години.“, стои во истражувањето кое може да го погледнете на следниот ЛИНК.

Извор: ТВ21