Во пожарот кој избувна ноќта кон вторникот во хотел во ски-центар на планините Болу во Турција загунаа 66 лица, а гостите во паника биле принудени да скокаат од прозорците среде ноќ.

Околу 51 лице, исто така, е повредено, изјави министерот за внатрешни работи Али Јерликаја во ски-центарот Карталкаја во северозападна Турција.

Пожарот започнал околу 3:30 часот (0030 по Гринич) на катот на ресторанот на 12-катниот хотел „Grand Kartal“, соопштија властите.

Неколку противпожарни возила и амбулантни возила ја опколија јагленосаната зграда со дрвена фасада, со бели постелнини врзани едена на друга кои висеа од еден прозорец на горниот кат од каде луѓето се обидувале да побегнат.

Барис Салгур, гостин во хотел, изјави за телевизијата NTV дека луѓето скокале од прозорците за да избегаат, вклучително и две жени на горниот кат кои ги повикал оние што беа пред зградата да ги подготват перниците. „Кога пожарот се приближи, тие веднаш скокнаа“, рече тој.

Друг гостин изјави за локалната телевизија Ekol дека тој и неговото семејство се разбудиле од пожарот, но не слушнале аларми, потоа излегле во ходниците исполнети со чад и на крајот скокнале од прозорецот на долниот кат во снегот.

Јерликаја рече дека имало 238 гости во хотелот во близина на неколку скијачки патеки. Рано попладнето остатоците од хотелот сè уште тлееја, покажуваат снимките емитувани на турските телевизии.

„Би сакал да ја споделам оваа болка, која е невозможно да се опише… Пожарот сега е изгаснат. Напорите за целосно задушување (на пожарот) се во тек. Бидејќи задниот дел на хотелот е на падина, напорите за гаснење може да се вршат само од предната и од страничната фасада“, изјави министерто Јерликаја.

Додаде дека противпожарните екипи почнале да се борат со огнот околу 45 минути по првиот повик. Во тек е истрага за пожарот, кој се совпадна со училишните празници кога многу семејства од блиските Истанбул и Анкара се упатуваат кон планините Болу за да скијаат.

Откако Бугарија влезе во Шенген зоната од 1 јануари, српските туристи можно е летоска да ја избегнуваат Македонија, бидејќи времето ќе им биде „скратено“ за една граница.

Српските медиуми проверуваат како тоа ќе изгледа во пракса и дали повеќе патници ќе се упатат кон српско-бугарската граница Градина.

Земјите-членки на Европската унија одлучија да ја укинат контролата на луѓето на внатрешните копнени граници со и меѓу Бугарија и Романија од 1 јануари 2025 година, така што оваа одлука ќе влијае и на патувањето во Грција. Бугарија стана членка на Шенген зоната на која ѝ припаѓа Грција, што значи дека се укинуваат граничните контроли меѓу двете земји.

Затоа, ова лето секој што ќе реши да патува во Грција преку Бугарија би требало да има пократко, полесно патување со помалку гужви, особено во шпицот на сезоната.

Истражувањето на неколку српски портали покажа дека оваа опција вреди да се разгледа. Анкетите покажале дека 37 отсто од испитаниците изјавиле дека летово би патувале преку Бугарија, додека 18 отсто рекле дека тоа ќе зависи од метежот на границата. Оние кои не сакале да поминат низ оваа земја биле 34 отсто, додека 11 отсто одговориле дека воопшто нема да поминат низ Бугарија.

Туристичките автобуси нема да ги менуваат линиите и до Грција ќе патуваат по познатата рута преку Македонија, но таа опција  останува за оние кои до море патуваат со сопствен превоз.

Како причина, тур-операторите наведуваат дека патници од Ниш, Врање и од Лесковац, нема да ја менуваат рутата.

Српските туристи кои ќе ги изберат дестинациите како што се Тасос, Кавала и евентуално Неа Врасна, во пракса би било подобро да возат преку Бугарија, во однос на километрите, како и дека ќе има една граница помалку.

Проблемот во летните месеци е што граничниот премин Градина е доста фреквентен.

– Таа граница е позафатена од граничните премини Табановце и Богородица, има огромни гужви. Во пракса мислам дека нема да донесе ништо. Сè уште е побрзо да се оди преку Македонија. Ако одиме преку Бугарија, ќе трае исто толку бидејќи 120 километри на таа вкупна траса не се автопатишта, а горивото е поевтино во Македонија – велат тур-операторите.

– Иако рутата е нешто пократка и нема да има граница меѓу Грција и Бугарија, ние ќе ја користиме рутата преку Македонија бидејќи нашите искуства со бугарската граница не се големи во однос на брзината на минување. Ова го видовме благодарение на нашите летни одмори во Турција. Затоа веруваме дека доколку оваа граница дополнително се оптоварува со поголем број автобуси до Грција, нема да има заштеда на време – велат од друга српска туристичка агенција.

Проблемот со граничниот премин Градина за време на летото е што се создаваат огромни гужви од големиот број турски граѓани кои престојуваат во ЕУ кои преку оваа рута патуваат за Турција. Така, чекањето е често трае неколку часа.

„Патувањето ќе биде поедноставно и можеби побрзо ако летувате на Атос (трет крак на Халкидики) или на островот Тасос и регионот Стримоникос (Ставрос, Неа Врасна, Аспровалта, Неа Рода, Олимпијада, островот Амулијани). Додека големо прашање е дали е погодно за престој во Ситонија, а особено во Касандра, бидејќи километражата е многу поголема, а патиштате не се најдобри“, велат туристичките агенции.

– Значаен дел од нашите туристи во изминатиот период престојуваа една ноќ во Македонија на некои дестинации како Дојран, Охрид и слично. Во секој случај можно е оваа одлука да биде мотив за повеќе наши туристи кои ќе поминат нивните лета во Грција – додаваат туристичките оператори.

До морето водат две рути 

Ако одите со сопствен автомобил, постојат две главни рути по кои можете да одите до Грција (може да одите и преку Албанија, но исклучително ретко се користи) – преку Македонија и преку Бугарија.

При изборот, луѓето обично одлучуваат врз основа на нивната почетна точка, односно градот од кој го започнуваат своето патување, но и самата дестинација во Грција. Огромното мнозинство ја избира рутата преку Македонија, со исклучок на туристите од источна Србија или оние кои можеби летуваат на Тасос, Аспровалта или Ставрос. Сепак, можеби една граница помалку и гужвите на граничните премини ќе влијаат на изборот на рута во оваа година.

Ако одите од Белград до Солун, патот низ Македонија е пократок за нешто повеќе од 40 километри и може да се каже дека е поквалитетен затоа што сѐ е автопат, освен една мала делница во Грција, каде се вози по широки главни патишта.

Кога планирате патување, треба да знаете дека Србија, Македонија, Бугарија и Грција не се во иста временска зона. Во Србија и Македонија е исто време, но Бугарија и Грција се еден час понапред. Значи, кога е тука 12 часот, во Бугарија и Грција е 13 часот.

Останува само да се почека спроведувањето на оваа одлука и да се види по која рута ќе се движат туристите од Србија преку Грција.

Извор: plusinfo.mk

Необичен инцидент се случил денеска на аеродромот „Никола Тесла“ во Белград, кога чувар по грешка пуштил на пистата возило управувано од С.С., јавува Блиц.

Медиумите додаваат дека возачот на тој автомобил откако „дивеел“ на пистата побегнал од полицијата до границата со Босна и Херцеговина, но на крајот бил уапсен.

По тој повод контактиравме со аеродромот за да дознаеме повеќе детали за случајот.

Соопштение на аеродромот „Никола Тесла“

„Београдскиот аеродром сериозно ја сфаќа ситуацијата и веднаш се преземени превентивни мерки. Според проценката на надлежните, ќе се изврши дополнителна контрола на дел од аеродромот што може привремено да влијае на распоредот на летови.

Компанијата целосно соработува со властите за да се утврдат околностите и да се преземат дополнителни корективни активности за подобрување.

Додека истрагата е во тек, компанијата од белградскиот аеродром не може да даде повеќе детали.

Компанијата на аеродромот во Белград останува посветена на обезбедување соодветно ниво на безбедност и сигурност во воздушниот сообраќај заедно со сите релевантни чинители“, се вели во соопштението.