Митинзите на Рама беа под слоганот „Заедно за Албанија 2030 во ЕУ“.

На островот Крит во саботата и вчера во Атина, албанскиот премиер Еди Рама одржа митинзи и средби со Албанците, кои живеат во Грција во пресрет на парламентарните избори во Албанија на 11 мај, јави дописничката на МИА од Атина.

Со развиорени албански знамиња и овации, албанскиот премиер беше пречекан на собирот во Атина се одржа вчера попладне во сала во културен центар што беше целосно исполнета.

Митинзите на Рама беа под слоганот „Заедно за Албанија 2030 во ЕУ“.

Во саботата албанскиот премиер беше во градот Ханија на островот Крит, каде што во спортска сала одржа митинг за Албанците, кои живеат и работат на островот, а според грчките медиуми, најавил дека Албанија сака да отвори Конзулат на островот за да им го олесни конзуларниот дел на албанските државјани од Крит и да не треба да патуваат во Атина.

Првата средба на Рама со Албанците кои живеат во Грција беше лани во мај кога во Атина одржа митинг во рамките на неговата турнеја во неколку европски земји.

Лидерот на партијата Македонска алијанса за европска интеграција (МАЕИ), Васил Стерјовски, кој е кандидат за пратеник на отворената листа на Социјалистичката партија (СП) за Корчанскиот округ во Албанија, за Топ ченел зборуваше околу договорот меѓу двете партии за изборите на 11 мај.

„Изразуваме благодарност до Социјалистичката партија што ни даде можност, направивме договор меѓу двете партии и добивме место на отворената листа за Корчанскиот округ – рече Стерјовски.

Тој додаде дека според договорот, Социјалистичка партија гарантира дека ќе ги унапреди правата на македонската заедница во Албанија и дека ќе се зголемат инвестициите во регионите каде што живее македонското население.

„Нашите барања ќе бидат исполнети за изучување на македонскиот јазик таму каде што постојат услови низ целата територија на Република Албанија“, посочи тој.

Телевизијата наведува дека „за пратеникот кој достојно го претставуваше македонското малцинство во Собранието во претходниот состав”, Изборниот законик останува проблематичен во однос на можностите за малите партии, особено за малцинствата, кои според него, треба да имаат свое место во парламентот.

Стерјовски е единствен кандидат Македонец во цела Албанија зашто ниедна партија или коалиција нема кандидирано Македонец на своите листи.

Словенија ќе стане втора европска земја која ќе забрани фрлање храна во трговските ланци.

Новиот закон предвидува дека храната која е пред истекување или уште е во добра состојба, наместо да се фрли, ќе биде донирана на хуманитарни организации.

Како што пренесува Агроњуз, Франција во 2019 година го донесе законот кој наметнува забрана за супермаркетите, големите дистрибутери на храна и производителите да фрлаат храна која се уште е добра за консумирање, а Словенија наскоро ќе го следи тој пример.

Според извештајот на Обединетите нации, во 2022 година во светот биле фрлени околу 19% од глобално произведената храна, што изнесува околу 1,05 милијарди метрички тони.