СВР Струмица-ОВР Радовиш, до Основното јавно обвинителство Струмица поднесе кривична пријава против А.Е.(38) од Радовиш поради постоење на сомнение дека сторил кривично дело „неовластено производство и пуштање во промет на наркотични дроги, психотропни супстанции и прекурсори“ по член 215 од Кривичниот закон.

На 17.04.2025 врз основа на судска наредба, полициски службеници од СВР Струмица-ОВР Радовиш извршиле претрес во стан и помошни простории во кои живее и ги користи А.Е. во Радовиш, при што во гаражата биле пронајдени 36 пакувања со марихуана со вкупна тежина од околу 300 грама, а во станот биле пронајдени 498 кутии цигари со грчки бандероли.

Лицето било лишено од слобода и задржано во Полициската станица Радовиш и во службен разговор признал дека продавал марихуана на лица од Радовиш.
За настанот бил запознаен јавен обвинител од Основното јавно обвинителство Струмица, по чии насоки биле преземени мерки за документирање на случајот, по што А.Е. бил изведен пред судија од Основен суд Струмица, кој му определил мерка притвор во траење од 30 дена.

Претрес во Куманово, пронајдено оружје, приведено едно лице

На 17.04.2025 во 06.15 часот, полициски службеници од СВР Куманово го лишиле од слобода М.В.(21) од Куманово. При претрес во неговиот дом, извршен со судска наредба, биле пронајдени воздушна пушка калибар 5.5, воздушна пушка калибар 4.5, куршум од 9 мм, една кутија дијаболи, пиштол „екол“ калибар 4.5 и пиротехнички средства. Тој бил приведен во полициска станица и по целосно документирање на случајот против него ќе следува соодветна пријава.

Во топла пријателска атмосфера, заедно со претседателот на Алтернатива, мојот пријател Зеќирија Ибрахими, се сретнавме со структурите на Алтернативата во Газибаба и Харачина. Разговаравме за политичките случувања, проектите и плановите кои ќе донесат вистински промени во земјата. Инспиративната енергија на активистите е извор на енергија за нашиот политички ангажман. Оваа средба беше уште еден силен мотив дека нашиот труд вреди.