Македонија

Јанаки за случајот на Викторија Крстевска: Наместо да преминат на царски рез, продолжиле со породувањето, прекршен е протоколот

Наместо царски рез, продолжиле со природно породување долго време, иако бебето не можело да излезе, во болницата апаратите не работеле комплетно зашто не ги регистрирале отчукувањата на срцето, што е стандардна процедура за контролата на бременостите, a вакуумот не може со сигурност да се каже дали е аплициран, зашто не е наведен етапно во документацијата туку е додаден во последните документи на крајот. Ова се пропустите кои Министерството за здравство ги констатирало во својот вонреден инспекциски надзор на битолската болница, за случајот на родилката Викторија Крстевска, чие бебе почина по породувањето и покрај тоа што имала уредна и контролирана бременост. Наспроти наведеното во крајните болнички документи, Крстевска категорично тврди дека вакуум воопшто не бил аплициран.

Јанаки Митровски, адвокат на родилката од Битола чие бебе почина при породувањето, за „Слободен печат“ тврди дека инспекцијата на Министерството за здравство констатирала низа прекршувања на протоколите при породувањето на Викторија Крстевска, неговата клиентка.

-Имавме увид во Јавното обвинителство на документите и на извештајот од инспекциската контрола која е извршена во болницата во Битола за овој случај. Во вонредниот инспекциски надзор констатирани се низа неправилности. Недостиг на опрема во самата болница, неисправни апарати кои не можат да ги регистрираат отчукувањата на срцето, туку само шум се слуша а не и колку отчукувања има, што е стандардна процедура за бремености. Во протоколите има неправилности во постапувањето. Најголемиот пропуст кој го наоѓаат за постапувањето на лекарите е дека кога пукнал водењакот и кога не можела веднаш да се породи, дека требало да преминат на царски рез. Тоа е нејголемиот пропуст што го наоѓаат како и фактот дека е сечена двапати накосо, наместо еднаш вертикално, вели Митровски за „Слободен печат“.

Дополнително, тој додава, дека од увидот во списите евидентно е дека двајцата лекари кои го вршеле породувањето, имале јасна намера да ја префрлат вината на гинекологот кој ја водел бременоста, а не зел учество во пораѓањето.

„Исто така, евидентен е нивниот обид да ја претстават родилката како агресивна и несоработлива, иако вистината е дека од страна на докторката е навредувана, на истата ѝ е викано и препорачано „да си оди во Плодност ако тука не ѝ чини“ и останати омаловажувања. Помеѓу сестрите кои биле присутни на породувањето, постои лесно воочлива координираност и мој сомнеж е дека се спремани за исказот во Јавното Обвинителство зашто исказот им е школски, односно ист од збор до збор. Единственото од кое сме задоволни е коректната вонредна инспекција на Министерството за здравство каде се детектирани серија недостатоци, грешки, неодстиг на опрема или неисправност на истата како и непочитување на протоколите и процедурите од старна на болницата и лекарите“, вели Митровски.

Резултатите од обдукцијата се чека да бидат достапни деновиве, а родилката Викторија Крстевска се сомнева дека Обвинителството ќе се повика на обдукцијата и ќе биде крај на приказната. Затоа таа се обратила во Обвинителството со свои докази за да не се дозволи надворешно мешање во предметот, за што постојат сознанија дека има обиди да се направи.
По смртта на новороденчето, тогашниот директор на болницата во Битола, доктор Александар Обедниковски си поднесе оставка од морални причини. Вонредниот инспекциски надзор на Државниот здравствен и санитарен инспекторат утврди недостатоци при третманот на Крстевска, ама од административна природа за што најавени беа парични прекршочни казни.

Извор: Слободен Печат Share on Facebook

Up Next

Тренчевска: Законот за родова еднаквост е за подобрување на семејните вредности и за заштита на децата

Don't Miss

Велес ќе ги враќа моштите на Панко Брашнаров, по иницијатива на Левица

Македонија

Отворен шалтер за корекција на неточни прекршочни известувања

Сообраќајниот прекршок го прави еден возач, а казната завршува во рацете на сосема друго лице. Ваква неправда во изминатиот период погодува дел од граѓаните, откако системот „Безбеден град“ започна да испраќа известувања со погрешни податоци. Наместо вистинските прекршители, санкциите ги добиваат луѓе кои немаат никаква врска со сторениот прекршок. Од Министерството за внатрешни работи појаснуваат дека проблемот произлегува од неправилности во евиденцијата при регистрацијата на возилата, што доведува до сериозни пропусти во автоматизираниот систем.

За надминување на ваквите ситуации, МВР отвори посебен шалтер на приземјето во Одделението за граѓански работи, во зградата на МРТ, каде граѓаните ќе можат директно да пријавуваат случаи во кои добиле казна што не им припаѓа.

„Од денес шалтерот за ‘Безбеден град’ е целосно во функција. Секој што добил известување со неточни податоци за сообраќаен прекршок може да поднесе барање за корекција на информациите“, соопштуваат од МВР.

Истата постапка, како што појаснуваат од Министерството, може да се заврши и преку станиците за технички преглед на возила, на локациите каде што е присутен службеник на МВР. Граѓаните ќе имаат можност да ги ажурираат контакт-податоците оставени при регистрацијата на возилото, доколку тие се променети или доколку добиле погрешно известување.

„Граѓаните можат да поднесат барање за промена на контакт-податоците што ги доставиле при регистрацијата на своите возила, во случај на промена или при добиено известување со неточни информации“, изјави портпаролот на МВР, Гоце Андреев.

Шалтерот ќе работи секој работен ден од 8:00 до 17:00 часот, а дополнително, граѓаните можат да пријавуваат нејаснотии, прашања или проблеми поврзани со системот „Безбеден град“ и по електронска пошта на адресата bezbedengrad@moi.gov.mk.

Македонија

Пресврт во случајот „Синџир“: „Ѓаволот“ се предаде, затворот заменет со домашен притвор поради загрозена безбедност

Првообвинетиот во мега-аферата за даночно затајување „Синџир“, Љупчо Пецов – познат како Ѓаволот, по долг период во бегство, од вчера е во рацете на правдата, но не зад решетки во Шутка, туку во својот дом.

Во ненадеен пресврт, Основното јавно обвинителство за гонење организиран криминал и корупција (ОЈО ГОКК) се откажа од барањето за затворски притвор. Наместо тоа, обвинителството предложи, а Кривичниот суд прифати на Пецов да му биде одреден куќен притвор под строг 24-часовен полициски надзор.

„Судијата немаше избор – законот не му дозволува да одреди построга мерка од онаа што ја предлага самиот обвинител,“ појаснуваат од Кривичниот суд.

Обвинителството го оправда ваквиот „попуст“ со неколку клучни причини:

Влошено здравје: Пецов доставил медицинска документација за претходно болничко лекување и препораки за понатамошна терапија.
Безбедносен ризик: Обвинителите процениле дека неговата лична безбедност во истражниот затвор не може да биде гарантирана.
Сериозни влијанија: Постојат индиции за притисоци врз постапката и врз самиот обвинет.
Доброволно предавање: Пецов сам се појавил пред органите на прогонот и веднаш ги предал своите два пасоша.

Овој случај доби филмски пропорции по неодамнешното апсење на неговиот адвокат, поранешниот државен правобранител Фехми Стафа. Стафа „падна“ во полициска заседа под сомнение дека примил поткуп од 50.000 евра (од првично побараните 100.000) за да изврши притисок врз судии во Апелација за укинување на притворот на Пецов. Додека Стафа сега е во затворски притвор, неговиот клиент успеа да издејствува престој дома.

Случајот „Синџир“ е една од најобемните истраги за финансиски криминал во државата. Пецов е првообвинет во група од 26 лица и 28 компании кои, преку шема со фиктивни фактури и лажен ДДВ, се сомничат дека „испумпале“ 8 милиони евра од државниот буџет.

Иако Апелација претходно ја одби неговата милионска гаранција за слобода, неговото доброволно предавање и „кревкото здравје“ ги отворија вратите на неговиот дом, каде под будното око на полицијата ќе го чека продолжението на судскиот процес.

Македонија

Само 15 од 3.690 автобуси во Македонија се електрични – јавниот транспорт останува далеку од еко-трансформација

Иако македонските патишта се преплавени со автобуси, квантитетот во овој случај не значи и квалитет. Најновите податоци на Евростат откриваат фасцинантен, но загрижувачки парадокс: додека Европа активно оди кон „зелена“ мобилност, македонскиот јавен превоз останува заглавен во облак од дизел чад.

Со 2 автобуси на секои 1.000 жители, Македонија со леснотија го престигнува просекот на Европската Унија (1,6). На хартија, нашата мрежа е погуста од онаа на многу европски метрополи. Сепак, од вкупно 3.690 регистрирани автобуси во 2024 година, дури 97,8% се движат на дизел.

Додека европските градови инвестираат во тивок и чист транспорт, во Македонија само симболични 15 возила (0,4%) се електрични – капка во морето на фосилните горива.

Интересен е податокот дека Македонија го обновува својот возен парк со двојно побрзо темпо од ЕУ. Минатата година биле регистрирани 379 нови автобуси, што претставува стапка на обнова од 10,2% (наспроти европските 5,1%).

Но, ние купуваме нови возила, но купуваме стари технологии. * Во ЕУ: Речиси секој петти нов автобус (17,8%) е со нулта емисија.

Речиси секој нов автобус е повторно – дизел.

Додека автобуската мрежа е натпросечно застапена, кај патничките автомобили сликата е обратна. Со 319 автомобили на 1.000 жители, Македонија сè уште е далеку под европскиот стандард од 578 возила. Ова сугерира дека граѓаните сепак се потпираат на јавниот превоз, што само ја зголемува итноста тој да биде модерен и еколошки.