Во пресрет на најголемиот христијански празник – Воскресение Христово, градоначалникот на Кисела Вода, Орце Ѓорѓиевски, спроведе хуманитарна акција во општината, заедно со свештеникот Отец Оливер, пратеничката Бети Стаменкоска Трајкоска, претседателката на Советот Светлана Колариќ, Иван Митровски и својот тим.

Тие посетија семејства од социјален ризик и им поделија пакети со основни прехранбени продукти, со цел да им го разубават празникот и да им покажат дека не се сами.

„Сите заслужуваат топол дом и празнична трпеза. Мојата рака секогаш ќе биде нивна поддршка – и во убавите, но и во тешките времиња“, порача Ѓорѓиевски.

Тој изрази голема благодарност до Хуманитарната организација „Свети Спас“ од Драчево и до волонтерите кои, како што рече, од самиот почеток се партнери во сите заеднички хумани мисии.

„Најважно е радоста од Христовото Воскресение да ја споделиме со другите, да си помагаме кога е најтешко и да бидеме заедно – во добро и во зло. Да се стремиме да бидеме подобри луѓе, со добрина и љубов кон секого. Тоа е највозвишената човечка особина. На тоа нè учи Христос“, изјави градоначалникот.

Хуманитарната акција на Ѓорѓиевски е дел од континуираните напори на Општина Кисела Вода да биде со своите граѓани и да им помага, особено на оние на кои им е најпотребно.

Градоначалникот на Општина Чаир и претставник на коалицијата ВЛЕН, Висар Ганиу, во интервју за вестите на Алсат М изјави дека веќе нема официјална комуникација со Арбен Таравари и неговата група во рамките на Алијансата за Албанците, оценувајќи го нивното враќање кај ДУИ како неразумен и разочарувачки потег.

„Немаме официјална комуникација со г. Таравари. Понекогаш се јавуваат, бидејќи имаме наши луѓе и таму, и според информациите што ги добиваме од структурите – од луѓе кои се калени и ја имаат основано Алијансата за Албанците или изградиле идеологија спротивна на ДУИ – тие се многу разочарани,“ изјави Ганиу.

Тој додаде дека е невозможно рационално да се објасни што се случува со Таравари и неговите политички соработници: „Ние не можеме ниту да замислиме, ниту рационално да објасниме што се случува со Таравари и неговата група во Алијансата за Албанците, бидејќи нема ни една година откако се повлекоа од коалицијата со ДУИ, знаете со каков наратив – дека се корумпирани – а по една година се редат или прават коалиција со партија чии функционери талкаат по судови и затвори поради екстремен корупциски криминал, и партија која е негратирана од меѓународната заедница.“

Ганиу оцени дека овој потег не е во согласност со принципите што претходно ги следеше Алијансата за Албанците и претставува сигнал за силен пресврт кој ја разочара и самата база на партијата.

Бројни полициски екипи со тешки возила, се позиционирале денес на стратешки места во Арачиново, пишува 4news. Засега нема официјални информации за акцијата.

Регионoт на Арачиново често е во центарот на операциите против криминални групи.