Женската репрезентација на Македонија до 19 години во периодот од 1 до 7 април ќе учествува на квалификацискиот турнир од Б лигата (рунда 2) за пласман во А лигата на квалификации за Европско првенство.

Домаќин на квалификацискиот турнир ќе биде селекцијата на Хрватска. Во групата Б5, покрај Македонија и домаќинот Хрватска, се наоѓаат и репрезентациите на Ерменија и Литванија.

Во првото коло, кое на програмата е на 1. април, нашите млади фудбалерки ќе се соочат со селекцијата на Литванија. Натпреварот ќе се одигра на стадионот Лучко, со почеток во 16:30 часот.

На 4. април, во рамките на второто коло од турнирот, Македонија ќе игра против Ерменија, со почеток во 16:30, на стадионот Лучко.

Во последното коло, нашата селекција ќе игра против домаќинот Хрватска. Овој натпревар ќе се одигра на 7. април со почеток во 12:30 часот, на стадионот Карловац.

Селекторот на женската репрезентација на Македонија до 19 години, Астрит Мерко за претстојниот квалификациски циклус се одлучи да ги повика следните фудбалерки:

ГОЛМАНИ:

Ведрана Комненова – Скопје

Дијана Алуши – Ас Јунајтед

ОДБРАНА:

Катерина Петкова – Истатов

Михаела Додевска – Скопје

Слаѓана Ѓоргиева – Тиверија Брера

Ива Јовановска – Љуботен

Стефанија Веселинова – Каменица Саса

Васка Василева – Каменица Саса

Ана Боризоска – Скопје

СРЕДЕН РЕД:

Ева Конева – Малта

Ива Јосифова – Тиверија Брера

Јехона Велиу – Швајцарија

Сара Дика – Ас Јунајтед

Едина Мехмети – Швајцарија

Кристина Крстева – Скопје

НАПАД:

Сара Димитриоски – Атлетико

Емили Митковска – Речица

Анастасија Илиевска – Топ Гол

Мелиса Димитриоски – Атлетико

Елена Симјонова – Љуботен

Собирот на женската репрезентација на Македонија до 19 години на програмата е на 28. март, во хотел Парк, со почеток во 12. часот.

Македонскиот тенисер Калин Ивановски во изедначен и маратонски меч успеа да го совлада шестиот носител Вјачеслав Биелински од Украина во второто коло на ИТФ фјучрсот во Опатија што се игра за награден фонд од 15.000 долари. Ивановски победи со 2-1 во сетови (76(3) 57 76(4)) за 3 часа и пет минути игра.

Во првиот сет се водеше голема борба за секој поен, а тенисерите го освојуваа гемот на сопствен сервис. Во 13-тиот гем во тај брејкот под 1:0 на поени за Биелински, Ивановски направи серија од четири поени за предност од 4:1 и гемот го заврши со 7:3 на поени за водство од 1-0 во сетови. Во вториот сет изедначео беше до 5:5 во гемови кога противникот на Калин успеа да направи брејк и сетот потоа го доби со 7:5 во гемови за 1-1 во сетови.

Во решавачкиот сет повторно неизвесност до 3:3 во гемови. Но, по направениот брејк украинскиот тенисер дојде до предност од 5:3 во гемови. Ивановски најави пресврт го доби деветиот гем во сетот за да намали на 5:4 во гемови. Во 10-тиот гем Биелински беше на две топки до победа на свој сервис, но македонскиот тенисер не го дозволи тоа и успеа од единствената брејк шанса да напарви брејк и да изедначи на 5:5 во гемови. По 6:6 во гемови следуваше уште еден тај брејк. Калин повторно почна одлично и поведе со 4:0 на поени и предноста ја зачува до крајот добивајќи го сетот со 7:4 на поени.

Ова е петта победа за Ивановски на овој турнир (три во квалификациите) и утре во четвртфиналето Калин ќе игра против вториот носител на турнирот Зденек Колар од Чешка (28 години, 399 место АТП).

Кошаркарите на Денвер на домашен терен го совладаа Милвоки (127:117), а по пет пропуштени натпревари на теренот беше и Никола Јокиќ. Лос Анџелес Лејкерс на звукот на сирената ја совлада Индијана Пејсерс (120:119).

Јокиќ натпреварот го заврши со трипл-дабл учинок, 39 поени, 10 скока, 10 асистенции и три загубени топки.

Погоди 16/25 од поле, 3/6 од три, и 4/7 од линијата за слободни фрлања.

Мајкл Портер Џуниор додаде 23 поени, 10 скока и четири асистенции, Кристијан Браун 19 поени, 10 скока и шест асистенции, а Џамал Мареј 17 поени, шест асистенции и четири скока. 

Бакс беа ослабени со отсуството на Јанис Адетокумбо (повреда на стапалото) и Демијан Лилард (ја заврши сезоната поради тромбоза), а најефикасен беше Брук Лопез со 26 поени, седум скока и три асистенции.

Леброн Џејмс, погоди со звукот на сирената, а Лејкерис славеа победа над Индијана 120:119. Џејмс од „одбојка“ го поправи промашувањето на Лука Дончиќ и така во последната секунда му донесе победа на својот тим.

Лука Дончиќ беше најефикасен на теренот со 34 поени, седум скока и исто толку асистенции. Остин Ривс уфрли 24 поени. 

Матурин беше најефикасен кај Индијана со 23 поени и пет скока. Тајрис Халибартон додаде 16 поени и 18 асистенции, а идентичен поентерски учинок имаа и Ендрју Небхарт и Мајлс Тарнер.

Резултати:

Филаделфија – Вашингтон 114:119
Бруклин – Торонто 86:116
Њујорк – ЛА Клиперс 113:126
Феникс – Бостон 102:132