Во недела, за Велигден, времето ќе биде претежно тивко или со сосема слаб ветар од променлив правец.

За време на овој празничен викенд времето во нашата Република Македонија ќе биде стабилно, суво, сончево и топло со мала до умерена локална облачност. Денес (Велика сабота, 19 април) особено во Повардарието, повремено ќе засилува ветерот од северен и од северозападен правец. Утре (во недела), пак (Велигден 20 април), ќе биде претежно тивко, или со сосема слаб ветер од променлив правец.

Метеопрогнозерот Славчо Попоски предвидува стабилно, суво и топло време. Деталната прогноза можете да ја погледнете на следниот ЛИНК.

Велика Сабота го исполнува православниот свет со исчекување на Христовото Воскресение, споменувајќи го Неговото страдање на Голгота. На Светиот гроб во Ерусалим се празнува Светиот оган, кој чудесно се појавува и ги осветлува верните. Бдението пред Пасха, исполнето со молитви и благослови, го најавува триумфот на воскреснатиот Господ.

Велика Сабота: Ден на тишина и исчекување

Велика Сабота е ден на длабоко размислување за Христовото страдање и смрт на крстот. Според евангелијата, праведниците воскреснале во Ерусалим по Неговата смрт, а римски војници го чувале Неговиот гроб по барање на првосвештениците. Сепак, Христос, невино понижен, воскресналнадвладувајќи ја смртта и пеколот.

Чудото на Светиот оган

На Светиот гроб во Ерусалим, Светиот оган се појавува за време на пасхалното бдение, традиција востановена во времето на патријархот Наркисос. Овој чудесен оган, кој некогаш запалил кандило наполнето со вода, се пренесува низ Светата Земја. Верните го примаат како знак на воскреснатиот Господ и Неговата победа.

Велика Сабота кулминира со бдение длабоко во ноќта, кога епископите, во образот на Христос, ги благословуваат кандилата. Сите верници ја земаат светлината од нивната свеќа, симболизирајќи го ширењето на Христовата светлина. Оваа традиција, вкоренета во древните христијански сведоштва, го возвишува празникот.

Тропар на набожниот Јосиф

Богослужбите на Велика Сабота го вклучуваат тропарот за Јосиф, кој го симнал Христовото тело од крстот и го положил во гроб. Неговиот чин на почит, опишан со света едноставност, ги потсетува верните на жртвата на воскреснатиот Господ.

Пратеникот Милошоски најави дека премиерот Христијан Мицкоски, по враќањето од Обединетите Арапски Емирати, ќе има разговори со секој коалиционен партнер, вклучително тука и со партиите што се во коалицијата ВЛЕН, а исто и со министерот за здравство Арбен Таравари

Лидерот на дел од Алијанса за Албанците, Арбен Таравари, кој реши на локалните избори да оди со свои советнички листи, што беше причина да се разниша коалицијата ВЛЕН, потврди дека разговорал со лидерот на ДУИ, Али Ахмети.

Таравари, како што пренесува телевизија Алсат, во интервју за „Лајм“ изјавил дека немал средба со Ахмети, туку дека разговарале телефонски.

На новинарско прашање дали имал средба со Ахмети или, пак, очекува да имаат Таравари вели:

„Не, не, не. Имаше телефонски разговор и тоа е…“.

Претходно, по информациите дека тој е во комуникација со Демократската унија за интеграција, неговиот коалиционен колега од ВЛЕН, лидерот на Демократско движење, Изет Меџити го повика Таравари да пресече дали е дел од нив или е во преговори со ДУИ и Али Ахмети.

Околу превирањата во ВЛЕН и влијанието врз владината коалицијата, вчера во интервју за телевизија Алсат, пратеникот од ВМРО-ДПМНЕ, Антонијо Милошоски, рече дека не се задоволни што има вакви турбуленции кај нивниот коалиционен партнер. Тој додаде дека ова е партискиот став.

„Како претставник на ВМРО-ДПМНЕ може да го кажам ставот на партијата, а на Владата ќе го слушнеме од премиерот. Не сме задоволни што има вакви турбуленции во коалицијата ВЛЕН. Ние би биле многу посреќни ако тие успеат да ја задржат својата политичка компактност бидејќи таа беше еден силен адут за да ја добиеме заеднички довербата од гласачите“, рече Милошоски.

Целиот текст на 360stepeni.mk