Американскиот претседател Доналд Трамп изјави дека очекува целосен прекин на огнот во Украина да биде договорен „многу наскоро“. Зборувајќи пред новинарите во Овалната канцеларија, Трамп нагласи дека по постигнувањето на примирјето, ќе следува договор за поделба на украинската територија меѓу Москва и Киев.

„Во моментот се водат преговори за договор, особено за поделбата на териториите. Тие преговори се водат токму сега, додека зборуваме“, изјави Трамп, кој минатата недела имаше разговори со рускиот претседател Владимир Путин и украинскиот претседател Володимир Зеленски.

Одговарајќи на новинарско прашање за тоа дали САД ќе воведат санкции кон Русија поради продолжените напади на Украина, Трамп одговори: „Па тие се борат меѓусебно“.

Преговорите за примирје, кои ги води администрацијата на Трамп, се интензивираа во последните недели, со напори да се дефинираат јасни територијални граници кои ќе ги задоволат двете страни. Меѓутоа, овие преговори предизвикаа контроверзии, бидејќи претставуваат одстапување од досегашната американска политика на целосна поддршка за територијалниот интегритет на Украина.

Администрацијата на Трамп се соочува со голем притисок од западните земји поради можноста за територијални компромиси со Русија. Киев бара целосно враќање на териториите анектирани од Русија, додека Кремљ смета дека досегашните предлози не се доволни.

Европската Унија, иако ги поддржува напорите за прекин на конфликтот, изразува загриженост поради можниот преседан кој би можела да го создаде евентуалната поделба на Украина, истакнувајќи ја важноста за зачувување на територијалниот интегритет на Украина.

Американскиот претседател Доналд Трамп изрази уверување дека наскоро ќе биде постигнат целосен прекин на огнот, што ќе стави крај на војната помеѓу Русија и Украина.

„Наскоро ќе имаме целосен прекин на огнот во конфликтот меѓу Русија и Украина“, изјави Трамп пред новинарите во Овалната соба, пренесува Си-Ен-Ен.

„Договорот се преговара во моментов. Тој се однесува на поделбата на земјата и други аспекти, и се преговара додека зборуваме“, додаде Трамп. Тој истакна дека ќе остане упорен во настојувањето да се заврши војната, со цел да се запре насилството и да се заштедат средствата што САД ги вложиле во воената помош за Украина.

На прашањето дали САД ќе воведат санкции против Русија поради нејзините континуирани напади врз Украина, Трамп одговори: „Па, тие се борат меѓу себе“, пишува Си-Ен-Ен.

Американскиот претседател Доналд Трамп денеска најави дека САД наскоро ќе започнат со производство на нов борбен авион од шеста генерација, наречен Ф-47.

„Военото воздухопловство на Соединетите Држави напредува со развојот на првиот светски борбен авион од шеста генерација. Ништо на светот не му е ни близу, а ќе биде познат како Ф-47“, изјави Трамп на заедничка прес-конференција со министерот за одбрана, Пит Хегсет.

Трамп додаде дека експерименталната верзија на Ф-47 лета веќе речиси пет години, а за неговото производство ќе биде задолжена компанијата Боинг, пренесува Си-Ен-Ен.

По ригорозен натпревар помеѓу некои од најголемите американски воздухопловни компании, Воздухопловните сили на САД ќе му доделат на Боинг договор за производство на новата генерација на платформи за воздушна доминација, објави Трамп.

Кон крајот на минатата година, американските воздухопловни сили ја одложија одлуката за започнување на производството, нагласувајќи дека конечната одлука ќе биде донесена од администрацијата на Трамп.