Уапсен е Дрин Ахмети, внукот на Али Ахмети, дознава „Скопје1“. Тој е во полициската станица „Беко“. Според првичните неофицијални информации, Ахмети бил фатен со поголема количина на пиротехнички средства.
Скопје1“ го улови возилото пред полициската станица во Центар. Таму имаше и проверки, а Ахмети беше вратен во станица. Тој вози џип „ленд ровер“, со албански регистарски ознаки.
Го запреле полициската екипа „Тигри“. Побарале и направиле претрес во неговиот автомобил. Во него имало пиротехнички средства. Непознато е како Ахмети се однесувал со полициските службеници.
Трговијата со пиротехника е забранета. Поради ова се очекува кривична постапка против Дрин Ахмети.
„Скопје1“ побара детали од МВР, од каде до овој момент немаме никакви информации. Прашања упативме и до Дрин Ахмети, за тоа дали е уапсен поради пиротехника, како и колкава количина поседувал. Од него, нема одговор.
Во минатогодишното писмо минатата година, Гејтс напиша за тоа како можноста да стане дедо го натерала да размислува за светот во кој ќе се роди неговата внука, а сега кога всушност е дедо, вели тој, повеќе размислува за светот што ќе го наследи неговата внука.
„Можам да почнам да замислувам: алатките што ќе ги користи, начините на кои ќе остане во контакт со своите најблиски, проблемите што ќе ги решат овие иновации. Сега имаме подобро чувство за тоа какви работи АИ ќе може да извршува сама и за кои ќе служи како копилот. И појасно е од кога било како вештачката интелигенција може да се користи за да се подобри пристапот до образованието, менталното здравје и многу повеќе. Ме мотивира да се уверам дека оваа технологија помага да се намалат ужасните нееднаквости што ги гледаме ширум светот. Отсекогаш цврсто верував во моќта на иновативноста да му понуди на секое дете еднаква шанса да преживее и да напредува. Вештачката интелигенција не е исклучок“, стои на почетокот на текстот на Гејтс објавен на неговиот блог.
Тој потсети дека раните години на новиот век биле такви што ретко кој имал и знаел да користи компјутер, додека сега речиси сите имаат. Кога станува збор за вештачката интелигенција, ситуацијата сега е слична, смета Гејтс, додавајќи дека човештвото е на крстопат.
„Се разбира, вештачката интелигенција е далеку од единственото нешто што ја дефинира 2023 година. Милиони и понатаму доживуваат неподнослива тага како резултат на руската војна против Украина и последиците од војната во Етиопија. Моето срце е скршено од континуираното страдање на Израелците и Палестинците, како и на народот на Судан. Во исто време, се повеќе луѓе се принудени да страдаат како резултат на почестите екстремни временски настани предизвикани од климатските промени. И семејствата ширум светот и понатаму се тешко погодени од зголемената инфлација и бавниот економски раст“, истакнува Бил Гејтс.
Тој понатаму оценува дека претстојат предизвикувачки времиња, но Гејтс вели дека останува оптимист за иднината.
„Брзината на иновациите никогаш не била поголема. Ние правиме голем напредок во решавањето на тешките проблеми – како што се Алцхајмеровата болест, дебелината и српестата анемија – кои ќе го подобрат животот на милиони луѓе“, продолжи тој.
Тој потоа ги објасни причините за неговиот оптимистички поглед на 2024 година:
Како што изјави, „иновативноста е клучот за напредокот“, поради што, додава Гејтс, го основал Мајкрософт.
Потсети дека иновациите се причината зошто нашите животи толку многу се подобрија во текот на изминатиот век. Од електрична енергија и автомобили до лекови и авиони, иновациите го направија светот подобро место.
„Денес сме далеку попродуктивни поради ИТ револуцијата“, додаде тој. Тој, исто така, потсети како научниците дошле до нови начини да направат вакцини кои се побрзи и поевтини, но исто толку безбедни. Потоа развија нови механизми за испорака кои работеа на најоддалечените места во светот.
Развојот на вакцините ја намали смртноста на децата, а неговата фондација продолжува да ги финансира сите релевантни истражувања. Сега на сцена стапува вештачката интелигенција, чиј напредок и мешање во медицинските откритија допрва треба да се очекува.
„Иновациите се причината поради која нашите животи толку многу се подобрија во текот на минатиот век. Од струја и автомобили до лекови и авиони, иновациите го направија светот подобро место“, напиша Гејтс на својот интернет блог.
Пожар денеска избувна во Лушња, Албанија, а се сомневаат дека околу 40 лица се заробени во становите во 12-катница, јавува Балканвеб.
Градските пожарникари со поддршка на противпожарната служба во Тирана работат на гаснење на пламенот и евакуација на станарите од зградата.
Се сомнева дека пожарот најпрвин избувнал на третиот кат, кој служи како трговски центар, во објект во кој се продаваат чевли, а потоа се проширил на целиот центар.
Античката византиска црква која се наоѓа во турското приморско градче Демре, иако на луѓето им звучи како чудна локација, е едно од најголемите христијански светилишта. Зборуваме за црквата во Анталија, за која турските археолози тврдат дека е местото на кое е погpeбан Свети Никола.
Весникот “Хуриет” пред две години пренесе дека археолозите откриле недопрен храм и гpoбница под црквата Свети Никола во Анталија.
– Постигнавме навистина добри резултати, но вистинските работи допрва ќе се откриваат. Можеби ќе го пронајдеме и недопреното тело на Свети Никола – изјавил директорот на Агенцијата за истражување и споменици во Анталија, Ќамил Карабајрам.
Се верува дека моштите на Свети Никола се пpokpиумчарени од морепловци од областа Демре во Анталија во италијанскиот град Бари.
Според до сега пронајдените документи, турските археолози веруваат дека телото на светецот сеуште би можело да се пронајде во комплексот на храмот пронајден во Анталија.
– Постои гpoб кој е поразличен од сите останати во црквата. Гробовите на другите свештеници се на самите краеви од храмот, додека овој е на средина. Ѕидовите на гробот се и понатаму неоштетени, па веруваме дека тој е недопрен. Ова е мистерија, бидејќи, иако имало разорен земјотрес, овие ѕидови се сеуште на своето место, изјавил за Дејли Меил Карабајрам.
Кривичниот суд Скопје утрово ги ослободи од обвинение доктор Никола Васев, екс директор на Клиниката за онкологија, доктор Игор Стојковски онколог од истата клиника, како и докторката Марија Симоновска, пренесе Слободен Печат.
Како што се додава тие се ослободени од обвинение во врска со случајот на пациентот Томо Ристовски односно не се виновни за несовесно работење во службата и за несовесно лекување болни.
Обвинителството тврдеше дека пациентот Томо Ристовски не добивал терапија во периодот од неколку месеци во 2018 година на Онкологија по што починал.
Судот пресуди дека лекарите не се виновни за кривични дела.
Овој славен светител, когошто и денес го слават по сиот свет, им беше единец син на своите богати и угледни родители, Теофан и Нона, жители на градот Патара во Ликија. Бидејќи им беше син единец даруван од Бога, тие Му го посветија на Бога, принесувајќи Му така дар. Знаењето за духовниот живот Николај го стекна преку својот чичко Николај, епископот Патарски, и се замонаши во манастирот „Новиот Сион“, основан од тој негов чичко. По смртта на родителите Николај им го раздаде наследениот имот на сиромасите и ништо не задржа за себе. Додека беше свештеник во Патара тој многу се прочу со делата на својата милостина, иако ги криеше грижливо, за да го исполни зборот Господов: „Да не знае твојата лева рака што прави твојата десна рака“ (Матеј 6, 3).
Кога се предаде на самотност и на безмолвие, мислејќи така да проживее до смртта, му дојде глас одозгора: „Појди на подвиг меѓу народот, ако сакаш да бидеш од Мене овенчан.“ Веднаш потоа според чудесната Божја Промисла беше избран за епископ на градот Мир во Ликија. Милостив, мудар, бестрашен, Николај му беше вистински добар пастир на своето стадо. За време на гонењето на христијаните под Диоклецијан и Максимијан го фрлија во затвор, а тој и во затворот ги поучуваше луѓето на законот Божји.
Присуствуваше на Првиот Вселенски Собор во Никеја и од голема ревност за вистината го удри еретикот Ариј. За ова дело го отстранија од Соборот и од архијерејската служба, сè додека на неколкумина од првите архиереи на Соборот не им се јавија Самиот Господ Христос и Пресвета Богородица и не го објавија своето благоволение кон Николај. Чувар на Божествената вистина, овој чудесен Божји светител беше и одважен заштитник на правдата меѓу луѓето. На двапати спаси по тројца луѓе од незаслужена смртна казна. Милостив, вистинољубив и праведен, одеше меѓу луѓето небаре Ангел Божји.
Уште за време на животот луѓето го сметаа за светител и го повикуваа на помош во маки и неволји и им се јавуваше во сон и на јаве на тие што го повикуваа, еднакво лесно дали се блиску или далеку, и им помагаше. Од неговото лице блескаше светлина како од лицето Мојсеево, па и со самата своја појава им носеше на луѓето утеха, мир и добра волја. На старост, кратко боледуваше и се упокои во Господа, многустрадален и многуплоден, за вечно да се весели во Небесното Царство продолжувајќи да чудотвори на земјата, помагајќи им на верните и прославувајќи Го својот Бог. Се упокои на 6 декември 343 година.
Елката во Скопје иако крива, но и недокитена – стана популарната во Македонија. Ги засени сите декорации направени во другите делови од Македонија, но и другите општини во Скопје. Никој не знае зошто не е целосно украсена, а ниту која е фирмата која ја поставува за што ќе треба да платат скопјани. За нејзината популарност зборуваат бројните коментари и фотографии со неа.
„Каков народ, таква елка на плоштад: сиромашен, ужасен, грд за гледање“, стои во коментар на „Х“.
Да видиме што велат граѓаните:
Голем број на туристи од цел свет почнаа да пристигаат во Скопје за да се сликаат со кривата елка. Во хотелите се бара кревет повеќе pic.twitter.com/YrkiKvRoYQ
и да сакаш да си оптимист и да си позитивен и да ти е убаво, глејте бе скопје какво е? Родители мкнат деца по молови за да видат накитена елка. pic.twitter.com/ufScVwk3c7
Свети Никола е слава на непроменлив датум – 6 декември според стариот, или 19 декември според новиот календар, на денот кога светителот починал во 343 година.
Свети Никола се празнува и на 22 мај, во спомен на денот во 1096 година кога неговите мошти биле пренесени од Миро во Ликија во тогашниот православен Бари, Италија, и положени во црквата Свети Јован Претеча, која набрзо станала зборно место за аџии. Три години подоцна, граѓаните на Бари изградија прекрасна црква во чест на Свети Никола.
Свети Никола, архиепископот Мирликиски, се празнува низ целиот христијански свет. Во земјите од Западна Европа се слави како детски празник, бидејќи тогаш децата, доколку биле послушни, добиваат подароци. Тој е покровител на градот Амстердам.
Свети Никола е роден во градот Патара во областа Ликија во Мала Азија, од родителите Теофан и Нона, во времето на римскиот император Валеријан.
Уште како дете Никола покажувал необични ментални дарови. Кога пораснал и отишол на училиште, сакал да влезе во свештенството, па неговиот вујко, архиепископот, го „произвел“ за свештеник на градот Мир.
Поделен имот на сиромашните Својот духовен живот го започнал во манастирот Нови Сион, каде што се замонашил. По смртта на неговите родители, целиот наследен имот го подели на сиромашните.
Според традицијата, предводен од чудесен глас, отишол кај народот да шири вера, правда и милосрдие и веќе со својата појава донесе утеха, мир и добра волја. Свети Никола паѓа за време на големиот божиќен пост, па верниците подготвуваат само риба и друга посна храна.
Луѓето веруваат дека Свети Никола ноќта пред празникот ги посетува добрите деца и им дели подароци. И денес многу деца ги чистат чевлите и ги ставаат во прозорците, очекувајќи подарок од светецот.
Во некои краишта е задржан обичајот за подарување на децата на денешниот празник бидејќи Свети Никола е и нивен покровител.
Според традицијата, на овој ден никогаш не треба да перете алишта, да ја чистите куќата или да работите било какви домашни работи.
Како правилно да се означи Освен на божествената богослужба, пред да се исече празничниот колач, се пее тропар посветен на светителот и се чита молитва посветена на него. Затоа, не заборавајте да го пеете овој тропар во вашите домови, собрани околу трпезата и да му заблагодарите на Свети Никола што се удостои да го слави неговото име во здравје и заедништво. Еве како да го направите тоа:
„Правилото на верата и лицето на кроткоста, воздржаноста на учителот, објави му го на своето стадо, колку е посилна вистината: затоа стана поскромна, повисок од сиромашните, побогат од сиромашните, Свети Никола, моли се на Христа Бога, спаси ги нашите души. Амин.”
„Како правило на верата и пример за кротост, покажете му ја на вашето стадо вистинитоста на работата. Затоа со смирението си стекнал висина, а преку сиромаштијата богатство, оче архиепископи Николае, моли Го Христа Бога да се спасат нашите души. Амин.”
Дали знаевте? – Свети Никола е таканаречениот чадор, монашка слава на Српската патријаршија.
– Свети Никола веќе се сметаше за светец за време на неговиот живот. Според верувањата, тој може да излечи секаква болест.
– Според преданието, се верува дека Свети Никола го вратил видот на Стефан Дечански, а со тоа овој српски крал и ја подарил иконата на овој светител на црквата во Бари, на која денешното претставување на овој светец, прифатено низ целиот светот, се заснова. Според преданието, на таа икона верно бил пренесен ликот на светителот нацртан на соборот во Никеја, а оваа српска икона се сметала за чудотворна. И денес стои над големиот преподобен трапез што го покрива гробот на Свети Никола, а е изработен од сребро подарено од кралот Милутин.
– Принцот Милош Обреновиќ го прослави Свети Никола по сите народни обичаи, а додека започнуваше празнувањето пукаа топови и ѕвонеа црковните ѕвона.
– Никола е најпопуларното машко име за момчиња во Србија, па многу мажи во Србија го слават својот именден на Денот на Свети Никола. Како и многу Николина.
Пченицата треба да се засади на Свети Никола, за да порасне до Божиќ.
Министерот за внатрешни работи во денешното „Само интервју“ на Канал 5 во делот на прашања за случајот со малолетната Вања, беше запрашан што ќе се случи доколку сега приведените соизвршители кои го признаа делото потоа се предомислат да тврдат дека признанието им е изнудено. Спасовски уште еднаш посочи дека сериозни истраги не се водат по медиуми и социјални мрежи и дека исказите коишто полицијата и јавното обвинителство ги имаат се дадени од страна на осомничените во полиција и пред јавен обвинител, соочени со доказите и врз основа на сѐ што е утврдено во истрагата.
Во однос на шпекулациите околу возилото искажани од страна на некои пратеници од опозициската партија според кои МВР знаело дека возилото е исчезнато уште од 22 ноември, Спасовски со контрааргумент – не може МВР да знае два дена пред воопшто да биде доставена пријава во СВР Велес. А таква пријава била доставена вечерта на 24.11.2023. Министерот потенцираше дека сите тврдења во јавноста од страна на луѓе коишто заради политички поени ќе газат и по мртви души се најмалку потребни во овој момент.
Значи, пријавувањето е на 24-ти, вечерта, и оттука почнуваат потрагите во Велес, а во Скопје започнуваат во моментот кога е пријавен таков настан во Скопје. Не би сакал да навлегуваме во политиканство. Тие теории на заговор се исклучиво за политиканство и за ништо повеќе“, рече министерот Спасовски.
Кривичен го прифати барањето на обвинителството за 30-дневен притвор на струмичанецот, кој од Белград преку Бугарија го траспортирал првоосомничениот Палевски до Турција, каде беше уапсен.
Палевски, кој е осомничен за грабнувањето и убиство на 14 годишната Вања Ѓорчевска и 74 годишниот Панче Жежовски беше фатен во турскиот град Баликесир.
Првоосомничениот за злосторството најпрвин во Белград го однел неговиот адвокат, Васко Стојков кој мислел дека осомничениот имал закажан лекарски преглед. Потоа Димковски, кој сега е во притвор го пренел во Бугарија и оттаму во Турција. Димковски беше фатен на граничниот премин кај Дојран.
Димковски, според пишувањата во некои медиуми, додека го превезувал Палевски не знаел дека е осомничен за убиствата и бил искористен од него. Тој на Фејсбук споделил и фотографија од Турција, објавена утрото на 3 декември.
