Денеска за првпат се одржуваат пратенички прашања според новиот деловник усвоен од претходниот состав на Собранието.

Според новите правила не се знаат прашањата но однапред се знае на кого се однесуваат пратеничките прашањата.

Тие од сега натаму ќе се поставуваат до членовите на владата кои пратениците однапред ги повикале да одговораат.

На првата ваква седница за пратенички прашања најинтересна за опозицијата е министерката за енергетика, рударство и минерални суровини Сања Божиновска.

Божиновска која допрва го етаблира новото министерство кое го раководи денеска ќе треба да одговори на три прашања, две поставени од СДСМ и едно од Левица.

Божиновска претходно наместо да биде прашувана за проектите во енергетиката во дел од јавноста беше ,,расчеречена” за бугарскиот пасош иако таа одамна побарала отпуст од бугарско државјанство.

Иако е јавна тајна дека таа де факто веќе не е бугарски државјанин затоа што бугарската потпретседателка Јотова не сака да го потпише актот за отпуст од државјанство наводниот бугарски пасош се уште е интересна тема за дел од јавноста.

Бугарската потпретседателка Јотова не сака да го потпише актот со кој Божиновска формално нема да биде бугарски државјанин за да може да води ефтина пропаганда дека наводно во македонската влада има бугарски граѓани.

На седницата за пратенички прашања денеска три прашања има и за министерот за здравство Арбен Таравари, две има за премиерот Христијан Мицкоски и за министерот за внатрешни работи Панче Тошковски ….

На седницата, велат нашите извори, ќе се расправа за позајмување на гориво од нафтените државни резерви кои ќе се доделат на Градот Скопје се до надминување на проблемот со набавката на нафта за градот и ЈСП

Владата се вклучува во решавање на проблемот со јавниот превоз, дознава „360 степени“ од владини извори. Според нашите информации, денеска во 14 часот ќе се одржии итна владина седница за надминување на состојбата во Градот Скопје со недостиг на гориво за Јавното сообраќајно претпријатие (ЈСП). 

На седницата, велат нашите извори, ќе се расправа за позајмување на гориво од нафтените државни резерви кои ќе се доделат на Градот Скопје се до надминување на проблемот со набавката на нафта за градот и ЈСП.

Скопјани од утрово мора да се снаоѓаат за да стасаат до своите работни места поради вчерашните најави на синдикатите при ЈСП „Скопје“ дека јавниот градски превоз во главниот град ќе се одвива со драстично редуциран број на автобуси, поради недостиг на гориво.

Уште од вчеравечер граѓаните на социјалните мрежи се организираат како да стигнат на работа. Така, во многу групи на социјалните мрежи се нудат слободни места во автомобилите и се посочува релацијата на која ќе се движат.

Училиштата ќе имаат редовна настава без оглед на ситуацијата со редуцираниот автобуски превоз, а учениците треба да дојдат на часови. 

Од синдикатите на Јавното сообраќајно претпријатие „Скопје“, во изјави за медиумите вчера информираа дека во Скопје сообраќаат само 25 автобуси, а останатите се паркирани во автобазите на Јавното сообраќајно претпријатие „Скопје“ во Автокоманда и во Ѓорче Петров поради недостиг на гориво.   

Денеска во 18 часот Советот на Град Скопје ќе одржи итна вонредна седница поради состојбата со јавниот градски превоз. Седницата ја свика претседателот на Советот, Трајко Славески.

– Оваа листа е многу динамична. Секогаш се разгледуваат и се дискутира за нови имиња. Немам рок кога ќе бидат објавени, бидејќи тоа е одлука на Вашингтон, но можам да ве убедам дека додека зборуваме овде, одреден број на имиња се разгледуваат.Ние во секое време работиме на нови имиња и правовремено ќе ги дознаете, рече денеска Агелер.

Во изјава за медиуми денеска амбасадорката на САД, Анџела Агелер, вели дека „во Вашингон постојано се разгледуваат имиња од Македонија кои можат да се најдат на црната листа поради корупција“.

Во изјава за медиуми по отворањето на првата Конференција за борба против корупцијата во Западен Балкан организирана од Амбасадата на САД во Скопје, во соработка со Бирото за меѓународни наркотици и спроведување на законот (INL), амбасадорката посочи дека листата е отворена за дополнувања.

Во однос на прашањето за препораките на Државната комисија за спречување на корупција за назначувањето на членовите на Управниот одбор на Академијата за судии и јавни обвинители, таа порача да се почитуваат.

„Немам конкретни детали, но ќе нагласам дека е важно овие коментари и препораки да бидат внимателно разгледани на начин на којшто јавноста ќе добие одговори на прашањата“, посочи Агелер.