Македонија

Нов скандал на ДУИ со кој сака да ги понижи Македонците

Published

1 month ago

October 12, 2024

Покрај тоа што веќе не ги користат државните симболи, продожуваат да преговараат за идентитетските прашања на Македонскиот народ.

Во седиштето на Демократската унија за интеграција, претседателот на ДУИ, Али Ахмети, го прими новиот амбасадор на Бугарија во Скопје, Жељазко Радуков.

Претседателот Ахмети му честитал на амбасадорот Радуков за враќањето во Северна Македонија и го увери дека блиската соработка во поглед на европската иднина и добрососедството ќе продолжи уште повеќе. Ахмети и Радуков разговарале за преговарачката рамка на Европската унија и интеграцијата на земјата во ЕУ, како и за актуелната политичка состојба во земјата и регионот инфромираат од ДУИ.

– Преговарачката рамка одобрена од Европската унија е јасна и мора да се спроведе за да го продолжиме нашето патување кон Брисел. Бугарската заедница во Северна Македонија е реалност и треба да биде вклучена во Уставот, а од ова никој ништо не губи, напротив, сите добиваат. Приоритет на ДУИ е токму продолжување на европскиот пат, затоа уставните измени мора веднаш да се случат бидејќи граѓаните очекуваат да станеме дел од Европската Унија.

Ахмети повтори дека Охридскиот договор, Договорот од Преспа и Договорот за добрососедство се одредби на ДУИ и ќе се ангажира за нивна поддршка и имплементација.

Ахмети и Рудаков разговараа и за политичката состојба во земјата, при што Ахмети зборуваше за тенденцијата на власта со моноетнички легитимитет и на надгласувачкиот Уставен суд целосно да го прекрши Охридскиот договор, неговиот дух и социјалната кохезија кај нас со наметнување етничка надмоќ.

Ова е неприфатливо. „Чесните“ и претпочитани Албанци избрани од ВМРО ДПМНЕ се откажаа од Европа, но и од еднаквоста, омаловажувајќи ги и понижувајќи ги Албанците за нивните лични корумпирани мотиви, се вели во известувањето од ДУИ за средбата.

Македонија

Ахмети од Швајцарија: Без Албанците, Северна Македонија нема иднина

Published

32 mins ago

November 24, 2024

Арлингтон

Претседателот на Демократската унија за интеграција (ДУИ), Али Ахмети, се обрати пред иселениците во Швајцарија, нагласувајќи ја загриженоста за состојбата со правата на Албанците во Северна Македонија. Во фокусот на неговиот говор беа прашањата за употребата на албанскиот јазик и легитимитетот на Владата во однос на албанскиот електорат.

„Мицкоски не може да формира влада без легитимитет од Албанците, затоа што ние освоивме над 60% од гласовите на албанскиот електорат,“ рече Ахмети, критикувајќи ја политиката на ВМРО-ДПМНЕ како националистичка и штетна за двете најголеми заедници во државата.

Ахмети потсети на преговорите во 2016 година, кога, според него, ВМРО-ДПМНЕ побарале поддршка за отстапување на Никола Груевски од премиерската функција.

„Им реков дека тие работи треба сами да ги решат. Три месеци водевме преговори,“ изјави тој.

Претседателот на ДУИ предупреди и за опасноста од руското влијание во земјата, подвлекувајќи дека единствена алтернатива за Северна Македонија е евроатлантскиот пат и силното партнерство со САД.

Ахмети ја критикуваше неконзистентноста на албанските политички опоненти, потсетувајќи дека постигнале договор за поддршка на уставните измени, кој подоцна бил негиран.

Македонија

До кога дел од Тетово ќе биде без вода?

Published

34 mins ago

November 24, 2024

Арлингтон

Јавното комунално претпријатие „Шар“ од Тетово информира дека дотокот на вода од новиот водоснабдителен систем е прекинат и ќе следуваат рестрикции во водоснабдувањето. Причина е заматеноста на водата што се презема од Лешничка Река.

– Поради неможноста да се пречисти водата во филтрите на филтрационата станица Лисец, поради високата заматеност како резултат на последните врнежи, принудени сме да го прекинеме снабдувањето со вода за пиење од линијата Лешница. Екипата на претпријатието од раните утрински часови е на терен и прави сè за да се надмине оваа ситуација -информираат од ЈКП „Шар“.

Рестрикциите на вода се започнати од 13:40 часот и ќе бидат на неопределено време.

Во Тетово водоснабдувањето се врши само со планинските извори и со градски бунари, чиј капацитет не е доволен за оптимално водоснабдување.

Македонија

Од Тетово си, имаш 36.500 евра, а САКАШ ДА ЌАРИШ ВО ДУБАИ

Published

36 mins ago

November 24, 2024

Арлингтон

На 22.11.2024 во 13:30 часот во СВР Тетово 51 – годишник од тетовско село пријавил дека бил измамен и оштетен за 36.500 евра од A.И. од Теарце, Л.Р. од Скопје , В.С. од Тетово, М.М.(58), П.Л.(56), и В.С.(30) тројцата од Р. Албанија, кои во текот на месец јануари 2024 година, му понудиле да инвестира во наводно многу профитабилен проект во Дубаи, но откако ги дал парите сфатил дека бил измамен.

Се преземаат мерки за расчистување на случајот.