Судијата од Основниот кривичен суд Тетово,Ељведин Ферати е во фокусот на јавноста и медиумите, откако за усмртувањето на пешачки премин на 22-годишната Теодора Ристовска на Менсур Пајазити му пресуди само две години затвор.

Пресудата предизвика лавина од негативни реакции во јавноста, а премиерот Христијан Мицкоскипобара Судскиот совет да ја преиспита неговата работа.

На Пајазити му се судеше за делото –  тешки дела против безбедноста на луѓето и имотот во сообраќајот, за кое максималната казна е пет години.

Кој е Ферати

На јавноста судијата и е познат од порано. За него Основното јавно обвинителство (ОЈО) Скопје водеше истрага откако Државниот просветен инспекторат констатирал дека тој си ги поправал оценките на Правниот факултет на Тетовскиот универзитет.

Истрагат на ОЈО за овој случај, како што објавија повеќе медиуми, била затворена пред еден месец, бидејќи како што велат од Обвинителството, се појавиле документи од Тетовскиот универзитет според кои тој уште во 2014 година преположил четири испити и така си го покачил просекот за да се запише на Академијата за судии.

Тој се пријавил со оценка 8,20, а во дипломата за завршени правни студии на Тетовскиот универзитет, имал просек 7,88.

За оваа случај отвори и Антикорупциската комисија. Во декември 2023 година од таму посочија дека немало барања и пријави од Ферати за преполагање на испити за така да му порасне просекот.

Во Судот се вработил во 2020 година и судел во граѓанска област, а сега суди кривични предмети.

Правосуден испит положил во 2012 година.

Извор: емагазин

Првиот заменик-претседател на Владата, Изет Меџити, отворено го критикуваше Арбен Таравари за неговите колебливи ставови кон коалицисијата ВЛЕН, истакнувајќи дека поголемиот дел од членовите на Алијансата за Албанците се против секоја блискост со ДУИ.

„Таравари некогаш се претставува како дел од ВЛЕН, некогаш како партнер на ВЛЕН, а некогаш покажува подготвеност за соработка со ДУИ. Ова мора да се разјасни пред јавноста, бидејќи соработката со ДУИ од страна на Таравари претставува најголем проблем за коалицијата. И во самата Алијанса, мнозинството не ја поддржува оваа насока, бидејќи Алијансата е изградена на основа на спротивставување на политиките на ДУИ повеќе од 20 години“, истакна Меџити во централниот дневник на Алсат М.

Според Меџити, како можните преговори со Али Ахмети така и можноста Таравари самостојно да настапи на локалните избори се чекори што директно му служат на ДУИ и го штетат политичкиот концепт на ВЛЕН.

Првиот вицепремиер, Изет Меџити, упати директни обвинувања кон коалицискиот партнер, Арбен Таравари, обвинувајќи го за отстапување од заедничката политичка цел на ВЛЕН. Во интервју со новинарката Арта Тахири на АЛСАТ, Меџити беше дециден: ВЛЕН треба да се соочи со ДУИ, а не да се претвори во „внатрешна трка“ за доминација меѓу партнерските партии.

Според Меџити, последните ставови на Таравари, јавно изнесени во медиумите, откриваат длабок концептуален проблем. Тој посочува дека Таравари артикулирал идеи за можна соработка со ДУИ во некои општини на локалните избори во 2025 година – став што е во спротивност со политичкиот дух на ВЛЕН.

„Имаше неколку концепти пласирани од г. Таравари… Ние излеговме со јасен став: нашата битка е со ДУИ, а не меѓусебно внатре во ВЛЕН. Таравари, напротив, предлага да одиме одвоено– тоа само ќе изгори советници и ќе ја зајакне ДУИ“, изјави остро Меџити.

Тој потенцираше дека изборниот систем со листи (Д’Онтов систем) ги фаворизира големите партии и дека секој обид за непотребно делење на опозициските гласови претставува индиректна услуга за ДУИ и нејзиниот лидер, Али Ахмети.

Оваа јавна пресметка внатре во ВЛЕН го доведува во прашање единството на опозициската коалиција и ги открива внатрешните тензии околу стратешката насока за претстојните локални избори.