Македонија

Сите за правично судење: Загрижувачки е изборот на директор на Академијата за судии

Постапката за изборот на Ирина Трајкоска Стрезоски за директор на Академијата за судии и јавни обвинители е загрижувачки, смета коалицијата за правично судење. Гласањето на членовите на Управниот одбор не било јавно ниту пак образложено..

„Статутот на академијата налага одлуките, УО да ги носи со јавно гласање. Поентата е дека во судскиот систем образложенијата на одлуките се она што е клучно за целиот систем и она што е практично главниот фактор кој влијае и ја креира довербата на граѓаните во судскиот систем“, изјави Дарко Костадиновски, Директор на Коалиција „Сите за правично судење“.

На лист со имињата на седуммината кандидати и тајно заокружување во текот на вчерашниот ден беше спроведен изборот за прв човек на институцијата која продуцира судии и обвинители.. По сумирање на резултатите, обвинителката Трајкоска Стрезоски беше избрана со шест гласови од вкупно деветмина членови на Управниот одбор на Академијата.. Не образложија зошто го добила нивниот глас.. Од коалицијата велат дека таквото постапување создава недоверба во правосудниот систем, особено што доаѓа од институција што одлучува кој во иднина ќе стане судија или обвинител..

Во меѓувреме, од невладината алармираат дека се намалува бројот на судии и јавни обвинители во последните пет години.. Нивното истражување покажало и кусок на судски и јавнообнителски службеници.. Заклучуваат дека недостигот од кадар, влијае врз ефикасноста на правосудниот систем..

„Несомнено влијае врз ефикасното постапување на судовите и јавните обвинителства, како што кажавме и претходно, или, ќе има задоцнета правда, или ќе има неквалитетна правда, што и едното и другото се неправда“, изјави Лејла Тутиќ, Коалиција „Сите за правично судење“.

Според анализата, судовите и обвинителствата од гостиварското подрачје имаат најмал проблем со кадар.. Недостигот е најизразен во Битола.

Македонија

Германски воен авион наместо во Приштина – принудно слета во Скопје

Германски воен авион денеска не успеал да слета на аеродромот „Адем Јашари“ во Приштина поради недостиг на сертифициран персонал за слетување во услови на намалена видливост.

Од Агенцијата за воздушна навигација информираа дека другите летови функционираат нормално, а проблемот се однесувал конкретно на воениот лет.

Податоците од платформата Flightradar24 покажуваат дека авионот полетал од Берлин во 8:40 часот наутро и бил пренасочен кон Скопје, каде безбедно слетал.

Инцидентот повторно го отвори прашањето за техничката подготвеност на аеродромот во Приштина за слетувања во комплексни метеоролошки услови.

Македонија

Инспекциите откриваат неправилности кај матичните гинеколози

09.12.2025 – Засилени контроли од страна на Управата за јавни приходи (УЈП) и Фондот за здравствено осигурување (ФЗОМ) открија дека дел од матичните гинеколози не издаваат фискални сметки за услугите кои ги наплаќаат.

Според неофицијални информации на „Слободен печат“, мерките следат по мониторингот на невладините организации од октомври 2024 година, кој покажал дека жените често плаќале за услуги кои би требало да бидат бесплатни, а без да добијат фискална сметка.

ФЗОМ истовремено ја проширил контролата и на други сектори, вклучувајќи ја службата за итна помош, како и проверка на реалноста на боледувањата и начинот на исплата на платите. Резултатите од сите инспекции се очекуваат да бидат објавени следната недела.

Директорот на ФЗОМ, Сашо Клековски, на прес-конференцијата се осврна и на проблемот со Клиниката за онкологија при Клиничкиот центар „Мајка Тереза“, каде не се изработуваат анализи за тумор маркери.

Македонија

Мицкоски: Додека јас сум премиер, нема да никне ниту еден шатор со илегални мигранти

Премиерот Христијан Мицкоски денеска јасно го потенцираше ставот на Владата дека Македонија нема да прифати илегални мигранти и нема да дозволи поставување шатори за нив на територијата на земјата.

Повод за изјавата беа објавите на британските медиуми дека Велика Британија разгледува можност за депортирање на одбиени баратели на азил во Северна Македонија, при што секој депортиран мигрант би бил платен од британската страна. Мицкоски изјави дека со британските власти оваа тема не е разговарана и дека, доколку биде, Владата ќе ја одбие таквата опција.

„Во објавите се наведува ‘неуспешни апликанти за азил да ги праќаат во трети земји’. Да потенцирам пред македонската јавност – таква тема не е предмет на разговор, а и да биде, ќе биде одбиена од наша страна. Нашата цел е заеднички да се бориме против илегалната миграција и да ја браниме Европа“, рече Мицкоски.

Премиерот додаде дека опозицијата се обидува да го користи прашањето за мигрантите за политичка кампања, но нагласи дека борбата против илегалната миграција е фундаментална политика на ВМРО-ДПМНЕ.

Тој најави и нов проект „Безбедна држава“, инспириран од концептот „Безбеден град“, кој ќе овозможи мониторинг на македонските граници и ќе го спречи илегалниот влез, шверцот и трговијата со луѓе.