Вчера среде бел ден околу 15.10 часот во СВР Скопје, било пријавено дека на автобуска станица во центарот на Скопје поради недоразбирање се тепале четири лица.

„Поради недоразбирање настанала физичка пресметка помеѓу Н.Ј.(20) од Струга и Н.И.(20) од Скопје од една страна и двајца малолетници од село Јаболци, скопско, од друга страна. По целосно документирање на случајот ќе следува соодветен поднесок“, се вели во полицискиот билтен. 

Денеска во 01.40 часот во Скопје, полициски службеници го лишиле од слобода И.Б.(49) од Скопје откако нападнал полицаец во скопски Аеродром.

Од полицијата велат дека по целосно документирање на случајот против И.Б. ќе следува соодветна пријава.

Пожар изби во угостителски објект во скопски Карпош. 

– На 23.01.2025 во 11.06 часот во СВР Скопје, било пријавено дека на подрачјето на Карпош во Скопје, настанал пожар во угостителски објект сопственост на Д.С.(44) од Скопје, при што бил опожарен дел од кујната. Повредени лица нема, а увид извршила екипа од СВР Скопје, информираа од полицијата. 

Се преземаат мерки за расчистување на случајот.