Околу 80 студенти од петта студиска година на Архитектонскиот факултет од Скопје, под раководство на проф. д-р Дивна Пенчиќ, ја посетија општина Битола во рамките на нивниот предмет Урбанистичко обликување 2, а градот Битола е предмет на работа за оваа година. Предметот има за цел да им обезбеди на студентите пристап до знаењата неопходни за обликување на типични урбани простори, во кои со примена на различни морфотиполошки решенија, се добиваат различни видови на архитектонски амбиенти.

Пред присутните се обрати секретарот на општина Битола Борче Димитровски, кој посочи неколку сегменти од општинското работење, кои се во фокусот на интерес. Пред се, тука е изработката на Генералниот урбанистички план (ГУП) за општина Битола, како и други стратешки значајни документи за општината, кои служат како основа за работа на општината и како подлога за аплицирање на различни проекти. Секретарот исто така, ја нагласи потребата од вработување на млади архитекти и други инженери, кои ќе имаат јасна визија за натамошниот изглед на градот, кој изобилува со културна традиција, многу важни културни и историски објекти и заштитено градско јадро.

Во дискусијата се вклучија и студентите со свои прашања, кои ги поставија до раководителите на одделенијата за урбанистичко планирање и заштита на животната средина и спроведување на урбанистички планови Валентина Андријашевиќ Кривашија и Љубица Мигуловска и до останатите вработени од општинската администрација од посочените одделенија и од Одделението за економски развој.

Соработката со Архитектонскиот факултет, кој образува идни архитекти и урбанисти, може да им овозможи на студентите вклучување на високо професионално ниво на работа, а на општината своевидна поддршка и поткрепа во планирањето на идниот развој на градот Битола со свежи и визионерски идеи.

Полициски службеници од Отсекот за недозволена трговија со дрога при СВР Велес вчера ги привеле  34 годишниот М.Ц. и еден малолетник, двајцата од Велес, затоа што биле затекнати при купопродажба на зелена растителна материја. Подоцна, со судска наредба бил извршен и претрес во домот на М.Ц., при што биле пронајдени и одземени зелена растителна материја и две дигитални ваги. Претреси и заплена на дрога биле извршени и во радовишко и валандовско.

Како што информираа од МВР, велешанецот М.Ц. бил задржан во полициска станица, известен бил јавен обвинител и по документирање на настанот против нив ќе бидат поднесени соодветни поднесоци.

Вчера напладне радовишката полиција го уапсила 25 годишниот М.Т. од село Покрачјево.

„При претрес на неговиот дом, извршен со судска наредба, биле пронајдени марихуана, семки од растението канабис и предмет со остатоци од растителна материја. Лицето било задржано во полициската станица Радовиш, а за настанот бил запознаен јавен обвинител од Основното јавно обвинителство Струмица. По целосно документирање на случајот, против него ќе биде поднесена соодветна пријава“, се наведува во билтенот на МВР.

А валандовската полиција пак, вчера го лишила од слобода В.М од село Раброво. При претрес во неговиот дом, извршен со судска наредба, биле пронајдени бела прашкаста материја, најверојатно амфетамин, марихуана и предмети со остатоци од прашкаста материја.

Како што соопшти МВР, лицето било задржано во полициската станица Струмица и за настанот бил запознаен јавен обвинител од Основното јавно обвинителство Струмица.

„По документирање на случајот, против В.М. ќе биде поднесена соодветна пријава“, велат од МВР.

„Како министер не сум судија, ниту обвинител. Како министер ангажирав комисија која даде детален извештај што се случило и сега тој е испратен до клиниките и чекаме да видиме како ќе постапат директорите. Понатаму ние може да постапиме врз директорите, меѓутоа не и врз вработените“, вели министерот

Министерот за здравство Арбен Таравари вели дека досега нема поднесено ниту една жалба за извештајот што е испратен до Клиниката за детски болести и Клиниката за белодробни заболувања кај децата „Козле“, а кој е изготвен по извршениот стручен надзор откако 14-месечно бебе.

„Извештајот, што не е направен од нас туку од професионалци што ние како министерство за здравство ги назначивме, е испратен и до болницата ’Козле’, до Универзитетската клиника за педијатрија и до Лекарската комора. Тие по членовите 297 и 333 можат да поднесат жалби, но до овој момент до нас нема пристигнато ниту една“, вели Таравари.

Тој очекува директорите на двете клиники да преземат соодветни мерки за докторите што направиле превид.

„Како министер не сум судија, ниту обвинител. Како министер ангажирав комисија која даде детален извештај што се случило и сега тој е испратен до клиниките и чекаме да видиме како ќе постапат директорите. Понатаму ние може да постапиме врз директорите, меѓутоа не и врз вработените. Треба да инсистира министерството и министерот за да директорите преземаат одредени мерки за тие доктори што направиле некаков вид на превид“, рече Таравари.