За загадувањето на воздухот на цела територија на Македонија, јас сум зборувал многупати во минатото. Како инженер можам да дадам одговор, единствен начин како може да ја намалиме емисијата на штетни честички е, во периодот од ноември до март, да го смениме системот на затоплување на домовите, односно, помалку фосилно гориво, повеќе еколошки горива, меѓу кои и централното затоплување, изјави премиерот Христијан Мицкоски.

Премиерот Христијан Мицкоски денеска изјави дека единствен начин како може да се намали емисијата на штетни честички е од ноември до март да се смени системот на затоплување домови.

Тој рече дека се работи на тоа, но, дека е потребно време.

– За загадувањето на воздухот на цела територија на Македонија, јас сум зборувал многупати во минатото. Како инженер можам да дадам одговор, единствен начин како може да ја намалиме емисијата на штетни честички е, во периодот од ноември до март, да го смениме системот на затоплување на домовите, односно, помалку фосилно гориво, повеќе еколошки горива, меѓу кои и централното затоплување – одговори премиерот на новинарско прашање.

За да се случи тоа, според премиерот, потребна е изградба на гасни централи.

– Ние работиме за да се изградат гасни централи. Еден од петнаесетте инвеститори е таков, заинтересиран да изгради такви гасни централи. Но, за тоа ќе треба време, најмалку две до три години за сето тоа да профункционира. За да се изградат топловоди можеби повеќе, можеби пет и шест години – рече Мицкоски.

Премиерот изрази жалење што досега ништо не е сторено на тој план.

– Жалам што никој не водеше сметка за тоа. Сега гледам политички глодари кои се обидуваат на само нивен начин, глодарски, да собираат поени. Но, нема да успеат. Ние ќе работиме во оваа насока, мора да го промениме начинот на затоплување на нашите домови и да го направиме истовремено, достапен до сите граѓани. Да имаат начин да изберат како ќе ги затоплуваат домовите. Затоа, помеѓу ноември и март, кога трае грејната сезона, емисијата на ПМ2,5 И ПМ10 честички е 10, 20, 30 пати над нормалата – подвлече Мицкоски.

Изминатите денови главниот град е меѓу најзагадените градови во Европа и светот. 

Премиерот Христијан Мицкоски најави дека ќе следи одговорност за заменик-директорот на „Македонија пат“ Сашо Дранго, ако се утврди дека тој ја застрелал мечката со која се фотографираше во декември.

Премиерот Христијан Мицкоски најави дека ќе следи одговорност за заменик-директорот на „Македонија пат“ Сашо Дранго, ако се утврди дека тој ја застрелал мечката со која се фотографираше во декември.

– Доколку се потврдат овие тврдења, ќе барам одговорност и ќе биде под итно разрешен. Таквите девијантни однесувања доколку се потврдат, јас ниту ги оправдувам, ниту имам намера да ги амнестирам – рече Мицкоски на новинарско прашање по присуството на божиќната литургија во Соборниот храм во Скопје.

Невладината организација за заштита на животните „Анима Мунди“ минатата недела објави дека заменик-директорот на „Македонија пат“ и претседател на Унијата на ветерани на ВМРО-ДПМНЕ во Демир Хисар, Сашо Дранго, се фотографирал со мечка и носи пушка со снајперски нишан, поради што тврдат дека ја застрелал во декември 2024 година.

Од „Анима Мунди“ посочија дека мечката е класифицирана како дивеч под заштита и нејзиното ловење, прогонување или вознемирување е строго забрането за што е предвидена и затворска казна. Од невладината организација најавија дека ќе поднесат кривична пријава против Дранго и очекуваат негово разрешување од функцијата.

По објавта на „Анима Мунди“, заменик директорот на Македонија пат во изјава за една национална телевизија кажа дека тој не ја застрелал мечката, туку дека таа била жртва на сообраќајна несреќа. Дранго и вработените во „Македонија пат“ само ја тргнале од коловозот на патот Битола-Ресен, по што тој се сликал со неа. Тој уверува и дека за инцидентот има записник и во полициската станица во Битола, но од таму негираа дека има пријава.

Од Основното јавно обвинителство од Битола изјавија дека ќе отворат предмет за случајот со мечката.

-Децата се нашата сегашност и нашата иднина. Тие се основата на семејството. Без нив нема ништо. Не може да постои општеството, ниту Црквата, рече владиката Петар.

Околу 400 деца од повеќе делови на земјава по 19-ти пат денеска традиционално седнаа на заеднички Божиќен ручек во Прилеп. Организатор е Детската амбасада за сите деца во светот со седиште во Прилеп.

-На Божиќниот ручек се деца од Прилеп, Битола, Крушево, Кавадарци, Скопје, Струмица, Штип…. Ги има од повеќе целни групи: деца без родители, деца од згрижувачки семејства, деца со попречености, но сите се едно. Божиќниот ручек ја носи пораката за чување на вредностите за еднаквост, љубов и мир и дека детската среќа е над сѐ. Се надевам дека оваа традиција ќе ја одржуваат идните поколенија, изјави Александра Северкоска Стојаноски, извршен директор на невладината организација.

Божикќиот ручек традиционално го благослови владиката Петар.

-Децата се нашата сегашност и нашата иднина. Тие се основата на семејството. Без нив нема ништо. Не може да постои општеството, ниту Црквата, рече владиката Петар.

Прилепските градски власти на сите, околу 400 деца на Божикниот ручек, им даруваа пакетчиња и им го честитаа големиотпразник – Божиќ.

-Да има мир, спокој, детска насмевка. Децата да бидат безгрижни во семејството, рече прилепскиот градоначалник Борче Јовчески.

На традиционалниот Божиќен ручек, што се одржа во прилепскиот хотел „Салида“, членовите од студиото „Зодијак“ од Прилеп изведоа програма за децата. Беа поделени признанија за општествено одговорните фирми и поединци.

Традиционалниот Божиќен ручек се одржа под мотото „Едно небо за сите деца“. (МИА)