Кочани се уште живее во сенка на трагедијата во дискотеката „Пулс“, а болката и неверувањето се присутни на секој чекор. Во оваа тешка ситуација, семејствата на жртвите и повредените се обидуваат да најдат утеха и правда.

Но, постои уште една група луѓе чија судбина е обвиена со тага и несигурност – семејствата на притворените членови на обезбедувањето.

Нена Димитријева, сопругата на Столе Боја, еден од притворените, јавно ја изнесе својата тешка приказна. Таа раскажува за нејзините малолетни деца кои не можат да разберат каде е нивниот татко.

„Од работа се уште не е дојден? – Тато изгорел, а ти мамо не ми кажуваш, ме лажеш!“, се зборовите кои ја раскинуваат нејзината душа. Како да им објасни дека нивниот татко не е меѓу починатите, туку е зад решетки, иако таа кобна ноќ спасил безброј детски животи?

Нена со болка констатира дека Кочани е поделен. Додека едни маршираат за починатите, други протестираат за слобода на обезбедувањето.

Но, таа нагласува дека од денот на погребот, секој ден излегуваат да им оддадат почит на жртвите и повредените, барајќи праведно обвинување и судење за да се пронајдат вистинските виновници.

Таа ја опишува и ужасната состојба во која нејзиниот сопруг се вратил дома по пожарот – исцрнет, со изгорена облека, исплукувајќи крв, откако цела вечер влегувал и излегувал од дискотеката за да ги спасува децата. На крајот и самиот завршил во болница на кислородна поддршка.

Сега, во притвор, Столе секојдневно се бори со траумите. „При секоја посета ми кажува дека со секое затварање на очите ги слуша пискањата на децата, сликата се враќа пред неговите очи. Се гуши“, раскажува Нена, прашувајќи дали неговиот случај е ист како и на другите осомничени кои таа ноќ спиеле дома.

Сопругата на притворениот член на обезбедувањето апелира до совеста на државата, прашувајќи дали некој може да ја замисли неговата состојба и состојбата на другите членови на обезбедувањето кои, како што вели таа, можеле да се тргнат настрана кога избувнал пожарот, но останале до последен момент да спасуваат човечки животи.

Таа бара тие да бидат со своите деца кои сега им се најпотребни за нивната психичка состојба.

Нена Димитријева завршува со порака дека доколку нејзиниот сопруг и другите членови на обезбедувањето имаат вина според законот, тие треба да сносат одговорност, но не на ваков „неморален начин“.

Каква е неговата психичка состојба? Послем таа ноќ,затворен во 4 ѕида,кога цело Кочани е со психолошка помош ! Во каква состојба ќе дојде дома?

Се уништувам од самата помисла дека би можело и он да биде меѓу починатите или тогаш ќе беше прогласен како херој ?

Јас како сопруга на еден од обезбедувањето, морам јавно да ја кажам состојбата на мојот сопруг.

Тоа кобно утро дома пристигна плачејки,целиот исцрнет,со црни раце ,изгорена облека и патики. Исплукувајќи крв и црнило.Покриен со нечие ќебе дадено од болницата.Плачејќи и викајќи кажуваше за страшната трагедија..Плачејќи ја опишуваше трагедијата и состојбата на неговите блиски пријатели..

Како цела вечер влегувал и излегувал да ги спасува децата На крајот е однесен во болница на кислородна поддршка

При секоја посета во приворот во кој се наоѓа,ми кажува дека со секое затварање на очите ги слуша пискањата на децата , сликата се враќа пред неговите очи.Се гуши

Дали е ист случај како и другите осомничени (потписници на документи) кои таа ноќ си спиеле дома ? Дали има некој совесен во оваа држава ?

Дали некој може да ја замисли неговата состојба,состојбата и на другите членови од обезбедувањето ?
Кога избувнал пожарот,можеле да се тргнат настрана,но тие до последен момент влегувале и спасувале човечки животи

Дозволете им да бидат дома со нивните дечиња,тие им се потребни сега за нивната психичка состојба !
Ако имаат било каква вина по закон, нека сносат одговорност,тоа немора да биде на ваков неморален начин !!!

Од Управата за хидрометеролошки работи (УХРМ) за денеска најавија претежно облачно време со врнежи од дожд, на повисоките места од дожд и снег, а на планините од снег

По вчерашниот пролетен и претежно сончев ден, денеска делови од земјата се зафатени од снежни врнежи и студено време.

Снег од утрово вее на планискиот премин Стража, за што сведочат и видеата што дел од порталите ги објавија на социјалните мрежи, а кои велат ги добиле од граѓани кои патуваат преку овој патен правец.

На видеото што го објави Порта.мк на преминот Стража се гледаат пообилни врнежи од снег, проследени со засилен ветер.

Од Управата за хидрометеролошки работи (УХРМ) за денеска најавија претежно облачно време со врнежи од дожд, на повисоките места од дожд и снег, а на планините од снег.

Денеска се очекува да биде и ветровито, а наместа ветрот ќе дува и со брзина и над 70 километри на час.

Според Управата за хидрометеоролошки работи облачното, студено и ветровито време ќе се задржи и утре на територијата на земјава, каде наместа ќе провејува слаб снег.

Јован Костадинов, кој во пожарот во Кочани, спаси дваесеттина повредени вели дека таа вечер херои биле сите оние што помогнале во спасувањето на повредените.

– На почетокот бев збунет, не знаев што се случува. Мислев дека е тепачка, но потоа кога почна да излегува густ црн чад, сфатив дека е пожар. Нe бев сам, имаше и други херои кои помагаа таму, раскажува Јован.

Вели дека таа вечер нема да ја заборави до крајот на животот и дека во тој момент не мислел на сопствениот живот, туку на тоа да спаси што повеќе луѓе.

– Беше полошо од хорор филм. Нема да ја заборавам таа вечер до крајот на мојот живот. Во тој момент не мислиш на ништо друго, не размислуваш на тоа дека можеш да го изгубиш сопствениот живот, само гледаш да помогнеш, тогаш не ја гледаш опасноста. Во тие моменти има голем адреналин кај сите и не размислуваш за сопствениот живот, вели младиот Јован, кој е матурант во училиштето „Ванчо Прке“ во Виница.

Меѓу повредените беше и Јелена Арменска од Берово која успева да се спаси со негова помош. Таа неодамна се врати од лекувањето во Шпанија и раскажа за кобната вечер, за херојството на нејзиниот другар Јован кој ја спасил, како и за помошта од полицајците и обезбедувањето на клубот.

– Се спасив благодарение на Јован. За среќа имало Господ, јас и моите две другарки се вративме живи и здрави. Хероите беа таму, пожарникарите и обезбедувањето цело време се трудеа, се сеќава Арменска на кобната ноќ.

Таа била првично однесена во комплексот клиники „Мајка Тереза“ во Скопје, а оттаму нејзиното лекување продолжува во болницата „Ла Паз“ во Шпанија каде останува една недела.

– Првите 10 минути бев свесна, потоа се онесвестив. Бев однесена на Токсикологија, па потоа на КАРИЛ, а од таму заминав во болницата „Ла Паз“ во Шпанија каде бев една недела. Таму беше страшно, имаше повредени на кои има беше направена пластична операција, раскажува Арменска.

Таа изрази благодарност до сите кои помогнале нејзината „голгота” да помине во најдобар ред, потенцирајќи ја и помошта од сопственикот на компанијата „Зегин“ Благоја Механџиски, кој по потекло е од Малешевијата. Од оваа компанија најавуваат дека целосно ќе ја покријат станарината за младиот Јован кој најверојатно факултетот ќе го продолжи во Скопје.