Воздухопловните сили на Украина соопштија дека Русија лансирала 103 беспилотни летала во ноќните напади низ Украина, предизвикувајќи штета во пет региони, пишува Ројтерс

Три лица, меѓу кои и едно дете, се убиени, а уште осум се ранети во руски напад врз украинскиот град Павлоград, вели регионалниот гувернер.

„Агресорот повторно изврши масовен напад врз регионот со беспилотни летала“,напиша Сергеј Лисак, гувернер на централниот Дњепропетровски регион, на Телеграм, додавајќи дека 11 беспилотни летала биле уништени над регионот.

Лисак, објавувајќи фотографии од станбена зграда како гори, вели дека во градот избувнале неколку пожари.

Тој додава дека шестмина од повредените се хоспитализирани, додека на две други лица, меѓу кои и 15-годишно девојче, им била укажана помош на самото место.

„За жал, веќе има тројца мртви во Павлоград. Меѓу нив е и едно дете“,пишува тој во подоцнежно ажурирање.

Лисак додава дека во градот во тек се операциите за пребарување и спасување.

Како резултат на нападот, додава Лисак, пожари избувнале и на локациите на претпријатијата во областите Синелниковски и Самаривски.

Воздухопловните сили на Украина соопштија дека Русија лансирала 103 беспилотни летала во ноќните напади низ Украина, предизвикувајќи штета во пет региони, пишува Ројтерс.

Североисточниот град Харков во Украина, исто така, бил нападнат со беспилотни летала, изјави градоначалникот Ихор Терехов, додавајќи дека според прелиминарните информации, оштетени се неколку приватни згради.

Вчера украинските власти соопштија дека руските сили во текот на ноќта истрелале најмалку 70 проектили и 145 беспилотни летала кон Украина, што е еден од најмасовните напади врз земјата изминатите месеци.

Главна цел, како што се наведува, бил главниот град Киев, каде што загинаа најмалку девет лица, а повеќе од 70 се повредени.

Украинскиот претседател Володимир Зеленски повика на „вистински притисок“ врз Русија да ги запре нападите врз Украина.

Зеленски рече дека прелиминарните информации укажуваат дека балистичка ракета произведена во Северна Кореја била употребена во рускиот воздушен напад врз Киев.

На социјалните мрежи упатен е апел за потрага по Симона Стојкова.

Се работи за 35-годишна жена со кафеава коса и кафеави очи, која е висока околу 1.75 см и криви со едната нога која и е пократка 7см.

Исто така, носи наочари.

Според апелот, таа исчезнала вчера 23.04.2025 а се јавила кај блиските со врискање од бројот 076 851 228 и била достапна.

Доколку ја забележите, веднаш пријавете во полиција.

Според информациите на Министерството за внатрешни работи, на 15 март 2024 година, првопријавениот Д.И., кој бил вработен во правен субјект од Скопје, заедно со К.К., управител на истиот правен субјект, ги злоупотребиле личните податоци на лице од Тетово кое претходно ја изгубило личната карта.

Жител на Тетово останал без правото на социјална сигурност за стари лица откако бил злоупотребен неговиот идентитет. Без да знае, некој ги употребил неговите лични податоци од изгубената лична карта и исплатил добивка од речиси 5.000 денари во правен субјект во Скопје. Поради тоа социјалната служба му го укина правото на помош, сметајќи дека остварил приход.

Полицијата открила дека зад овој срамен потег стојат 22-годишниот Д.И. од Тетово и 38-годишниот К.К. од Скопје, кои добија кривични пријави за злоупотреба на лични податоци и несовесно работење во службата. Д.И. бил вработен во правниот субјект кој ја извршил исплатата, а К.К. е негов управител.

Според информациите на Министерството за внатрешни работи, на 15 март 2024 година, првопријавениот Д.И., кој бил вработен во правен субјект од Скопје, заедно со К.К., управител на истиот правен субјект, ги злоупотребиле личните податоци на лице од Тетово кое претходно ја изгубило личната карта.

„Со податоците од изгубената лична карта тие извршиле исплата на добивка од 4.800 денари во правниот субјект“, информира МВР.

Но, вистинската жртва од случајот претрпела далекусежни последици. Во август истото лице добило решение од Јавната установа Меѓуопштински центар за социјална работа Тетово за престанок на правото на социјална сигурност за стари лица – најверојатно поради наводна исплата на приход што не ги остварил.