Македонија

Бројот на банки во Србија ќе се преполови

Во Србија работат 20 банки, но структурата на банкарскиот пазар укажува дека консолидацијата ќе продолжи и бројот може да се преполови, објави Форбс Србија. Сега доминантни банки се Интеза, ОТП, Рајфајзен, Уникредит, НЛБ, Поштенска штидилница, АИК, Ерсте и Еуробанка. Директорот на Дирекцијата за преземања и интеграции во ОТП банка, Габор Колиќ, за Форбс Србија изјави дека пазарот треба да се консолидира, пренесува Каматица.

„Србија од една страна има многу среќа бидејќи има многу банки со пристоен пазарен удел. Од академска гледна точка, таа би можела да се оцени како пазар со многу висока конкуренција бидејќи има од осум до 10 главни играчи, што не е случај со другите пазари каде што има помалку доминантни учесници, а некои држат дури половина од пазарот“, изјави Колиќ за Форбс.

Тој изјави дека ниту најголемите банки во Србија немаат пазарен удел од 20 отсто, ниту ОТП банка и дека „ќе преживеат осум до 10 банки“. Колиќ рече дека другите 10 банки „можеби ќе треба да бараат шанса на некој тесен, специјализиран пазар и или ќе бидат купени или ќе престанат да постојат“.

„Тие банки или ќе одржуваат ниска профитабилност или ќе бидат во загуби. Тоа е моето чувство за српскиот пазар. Така е и на некои други пазари во Централна и Источна Европа“, истакна Колиќ.

Македонија

Божиновска присуствуваше на шведската прослава на светлината

Вечерва Сања Божиновска присуствуваше на традиционалниот концерт во чест на Санта Луција, кој го организираше Шведската амбасада. Празникот е симбол на светлина, топлина и надеж во најтемните нордиски ноќи.

„Секогаш е убаво кога една традиција носи порака која допира подалеку од границите – дека светлината ја создаваме самите, и дека најмногу ни е потребна токму во студените, тивки моменти од годината“, изјави Божиновска.

Таа изрази благодарност до амбасадата за прекрасната атмосфера и можноста да ја почувствува оваа уникатна шведска традиција, која најавува доаѓањето на Божиќ со радост, музика и светлина.

Македонија

Сообраќајот на Евзони повторно во прекин од 17 часот

АМСМ информира дека од 17 часот повторно е блокиран сообраќајот на Граничниот премин Евзони (ГП Богородица).

Според последните информации, сообраќајот на државните патишта се одвива непречено, по суви коловози и со умерен интензитет надвор од градските средини. На македонските гранични премини нема подолги задржувања за влез или излез од државата.

АМСМ апелира до возачите да возат со прилагодена брзина, да ја почитуваат поставената сигнализација и да бидат особено внимателни на патиштата низ котлинските и клисурните делови, каде што постои ризик од одрони. Најкритични се делниците Катланово – Велес, Маврово – Дебар – Струга, Виница – Берово и Кочани – Делчево.

Македонија

Студентите имаат уште десет дена за апликација за ваучери

Министерството за дигитална трансформација потсетува дека студентите имаат рок до 20 декември 2025 година да аплицираат за ваучери за електронски уреди.

Досега се доделени 42.606 ваучери, од кои 27.426 веќе се искористени. Во рамките на владината програма, предвидени се вкупно 55.000 ваучери за студенти на додипломски студии запишани во учебната 2025/26 година.

Ваучерите можат да се искористат најдоцна до 31 декември 2025 година.