Цените на нафтата се приближија до 75 долари на меѓународните пазари во вторникот, бидејќи тензиите на Блискиот исток ги натежнаа над поделените проценки за кинеската побарувачка.
На лондонскиот пазар во попладневното тргување цената на барелот за испорака во декември беше за 43 центи повисока отколку на затворањето на тргувањето вчера и изнесуваше 74,72 долари. Вчера го затвори тргувањето со добивка од 1,53 долари.
На американскиот пазар со барелот со датум на испорака во ноември денеска се тргуваше по цена повисока за 49 центи , по 71,05 долари. Вчера го затвори тргувањето во плус од 1,34 долари. Со барелите за испорака во декември, пак, денеска се тргуваше поактивно, исто така по 49 центи повисока цена од 70,53 долари.
Организацијата на земјите извознички на нафта (OPEC) засебно објави дека во понеделникот цената на барелот од референната нафтена кошничка на нејзините членки паднала за 19 центи, на 73,02 долари.
Трговците на почетокот од седмицата беа загрижени од честите израелски напади во окупираниот палестински Појас Газа. Израелските вооружени сили ги опколија болниците и засолништата за бегалци во северниот дел на Газа, објавија здравствените работници, а исто така нападнаа локации во Либан, тврдејќи дека припаѓаат на финансиската мрежа на шиитското движење Хезболах.
Истовремено, пазарите стравуваат од најавениот израелски напад врз Иран, по сигналите дека цел може да бидат нафтени постројки. Американскиот државен секретар Антони Блинкен во вторник пристигна во Израел и има намера да посети и други земји на Блискиот исток. Целта е да се обноват разговорите за ставање крај на војната во Газа и да се ограничи конфликтот во Либан, наведува Reuters.
„Цените на суровата нафта варираат како одговор на измешаните вести од Блискиот исток и наизменичното ескалирање и ублажување на интензитетот на конфликтот“, рече Сатору Јошида од „Rakuten Securities“.
Трговците ги проучуваат и најновите мерки на кинеските власти кои треба да ја поттикнат домашната потрошувачка.
Кинеската централна банка во понеделникот ги намали клучните каматни стапки за четвртина процентен поен, а одлуката следува по податоците кои покажаа постојан раст на економската активност во третиот квартал, што е за 4,6 отсто повеќе од истиот период минатата година. Пекинг за оваа година одреди стапка на раст од пет проценти.
Побарувачката на нафта во Кина веројатно ќе порасне слабо и следната година поради електрификацијата и забавувањето на економската активност, изјави во понеделникот шефот на Меѓународната агенција за енергија (IEA). Шефот на саудискиот нафтен гигант „Aramco“ нагласи дека е „прилично оптимист“ во проценките на кинеската побарувачка, особено со оглед на стимулациите и зголемената набавка на горива за авиони и на хемикалии.
Претседателката Гордана Силјановска-Давкова потпишала намалување на казната на ексградоначалникот на Битола Владимир Талески, осуден на 7 години за вршење организиран криминал со превозот на ученици од Битола. Информацијата ја објави ТВ21 и за оваа одлука на Силјановска-Давкова нема официјално соопштение.
Затоа, не се знае ни кога излегува од затвор, дали веднаш, веќе е дома, или треба уште малку да одлежи.
Членови на комисијата за помилување кај претседателката Силјановска-Давкова се: д-р Методија Каневчев (претседател), проф. д-р Гордан Калајџиев, проф. д-р Арлинда Кадри- Шахиновиќ, д-р Зора Митиќ, м-р Ана Ѓорѓиева-Ивановска и Ајтен Шаќири.
Општина Кисела Вода направи нов значителен чекор кон подобрување на хигиената и животната средина со обезбедување на нови 1212 канти за отпадоци и 59 контејнери.
Оваа донација од Министерството за животна средина е дел од заедничките напори за унапредување на условите за живот на жителите на овој дел од градот. Имено, сите домаќинства кои поседуваат стара оштетена канта ќе добијат нова, училиштата и градинките ќе добијат нови контејнери, а старите дотраени канти ќе бидат предадени на фирма специјализирана за рециклирање на отпад.
-Подобрувањето на хигиената е од суштинско значење за животната средина и за здравјето на граѓаните. Со замената на старите и оштетени канти, воспоставуваме поефикасен и поеколошки начин за справување со отпадот. Сите домаќинства кои имаат оштетени канти ќе можат да ги заменат со нови, преку пријавување во канцелариите на месните заедници низ општината. Старите канти, откако ќе бидат собрани, ќе бидат предадени на специјализирана фирма за рециклирање, со што дополнително ќе придонесеме за заштита на животната средина. Сакам да изразам голема благодарност до Министерството за животна средина за оваа значајна донација, но и да апелирам до сите граѓани да го одлагаат отпадот соодветно и да ги користат новите канти и контејнери наменски. Со тоа, не само што ќе придонесеме за чиста животна средина, туку и ќе го подобриме квалитетот на живот за сите нас-изјави градоначалникот Орце Ѓорѓиевски.
Според министерот за здравство, ниските температури се причина поради која ДУИ се одлучила на средби со граѓани наместо на протести, кои членови на ДУИ претходно ги најавуваа поради несогласување со владините политики
Ми се чини дека поради ниските температури се одлучија да имаат средби со граѓани, наместо да излезат на протести, коментира министерот за здравство Арбен Таравари во врска со вчерашната одлука на Демократската унија за интеграција (ДУИ) од неделава да почне средби со граѓани во сите партиски ограноци.
„Нека се сретнат, убаво е. Ние континуирано се среќаваме со граѓаните и тоа е, да речам, задолжение на сите партии да се среќаваат и да зборуваат со граѓаните. Дури сметам дека не требаше да направат толку долга апстиненција од четири месеци воопшто да не се видат со граѓаните“,
изјави Таравари одговарајќи на новинарско прашање.
Министерот од редовите на владејачката „Вреди“ ѝ порача на ДУИ да започне реформи во партијата поради голем број некредибилни лица во членството, како и да се адаптира во опозиција.
Изјавата на Таравари се однесува на вчерашната седница на Централното претседателство на ДУИ, на која беше одлучено од оваа недела највисокото партиско раководство и партиските ограноци да почнат средби со граѓани. За евентуални протести, кои членови на ДУИ претходно ги најавуваа поради несогласување со владините политики не било дискутирано. Иако ова прашање останува на агендата, како што рекоа од ДУИ, сè уште не е на дневен ред.
Македонија2 days ago
Македонија1 day ago
Македонија4 days ago
Македонија1 day ago
Македонија1 day ago
Македонија7 days ago
Македонија5 days ago
Македонија5 days ago