Под влијание на плиток циклон кој се наоѓа над нашиот дел од Европскиот Континент, во нашата Република Македонија, до самиот крај од оваа недела ќе имаме променливо облачно време со честа појава на повремени врнежи од дожд со променлив интензитет.

Во попладневните и во вечерните часови на повеќе места ќе има развој на грмотевични облаци, или нестабилна конвективна облачност проследена со пороен дожд, грмежи и со засилен ветер во зоната на нестабилност. Локално Атмосферските процеси ќе бидат поинтензивни и во форма на невреме, проследено со обилен пороен дожд, силен ветер, електрични празнења и со услови за појава на град.

И во Скопскиот регион за време на овој период ќе има повремен дожд, кој во делови од котлината ќе биде пороен и проследен со грмежи и засилен ветер, а можна е и појава на поинтензивни Атмосферски процеси во форма на невреме.

До крајот на оваа недела локално ќе наврне позначително количество на воден талог (над 35 литри на метар квадратен дожд).

Апелирам во случај на појава на невреме и на електрични празнења, да се избегнува претстој на отворен простор и под осамени дрвја. Исто така, во случај на појава на силен ветер, граѓаните да внимаваат каде ги ставаат своите автомобили, односно истите да не ги ставаат во близина на дрвјата.

Што се однесува до температурите, тие и во текот на оваа работна недела ќе бидат без поголеми промени и речиси насекаде ќе надминуваат 20 степени, а на повеќе места тие ќе се искачуваат до близу или околу 25 степени, а во Повардарието тие ќе се искачуваат и до околу 30 степени. За време на викендот температурата ќе бележи тенденција на опаѓање.

МетеоАларм – Славчо Попоски

2252 сообраќајни прекршоци во празничниот викенд, 1018 за брзо возење

Во текот на празничните денови (18-21.04.2025) продолжувајќи со континуираните сообраќајни контроли на патиштата низ земјава, полициските службеници од сите сектори за внатрешни работи издале вкупно 2252 платни налози за сторени прекршоци од страна на учесниците во сообраќајот претежно по однос на Законот за безбедност на сообраќајот на патиштата.

Притоа, заради неправилно паркирање евидентирани биле 308 прекршоци, 1018 заради возење со брзина поголема од дозволената, а дури 254 учесници во сообраќајот управувале возило без возачка дозвола.

Исто така регистрирани се 105 учесници во сообраќајот кои што не користеле сигурносен појас, санкционрани се 25 возачи на мотоцикл за возење без заштитна кацига, потоа изречени се 46 мерки за користење на мобилен телефон при возење, додека пак 66 возачи се отстранети од сообраќај заради возење под дејство на алкохол, а изречена е 21 санкција за минување на црвен семафор.

По однос пак на Законот за возила од сообраќај се отстранети 60 возила од кои заради техничка неисправност 13 а заради неважечка сообраќајна дозвола 47 возила.

Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

На 21.04.2025 во 15.00 часот на регионален пат Тетово-с.Јажинце, на влез за с.Теарце, тетовско, полициски службеници од Полициската станица за безбедност на патниот сообраќај Тетово го лишиле од слобода Е.А.(28) од с.Порој, тетовско, кој управувал патничко возило „фолксваген голф“ со тетовски регистарски ознаки со брзина од 103 км на час на место каде максималната дозволена брзина е 50 км на час во населено место.

Додека, во 18.54 часот на автопатот Скопје-Тетово, кај место викано „Студена вода“, полициски службеници го лишиле од слобода С.Р.(35) од с.Ѓермо, тетовско, кој управувал патничко возило „бмв“ со германски национални ознаки со брзина од 173 км на час на место каде каде дозволената максимална брзина е 100км на час, надвор од населено место.

Тие биле задржани во полициска станица и по документирање на случаите, против нив ќе бидат поднесени пријави по член 297-а од Кривичниот законик – „безобѕирно управување со моторно возило“.