Адресата на сајтот е vasata-bezbednost-halkbank и истата е измамничка и на никој начин не е поврзана со банката. Ве молиме да не кликате на линкот кој ќе го добиете во SMS, и да не ги давате Вашите податоци на посочената адреса“, се нагласува во објавата на банката на Фејсбук и на нивната веб страна.

Халк Банка АД Скопје ги информира своите клиенти во текот на денешниот (сабота, 28 декември 2024 година) се одвива злонамерна кампања која има за цел да ги прибере нивните броеви на картички, како и нивните лични податоци, а со цел злоупотреба на нивните финансиски средства преку дигитализација на платежни картички.

„Нападот се одвива преку добивање на SMS порака која се претставува дека е од банката и бара од Вас на измамнички сајт да ги внесете Вашите податоци. Адресата на сајтот е vasata-bezbednost-halkbank и истата е измамничка и на никој начин не е поврзана со банката. Ве молиме да не кликате на линкот кој ќе го добиете во SMS, и да не ги давате Вашите податоци на посочената адреса“, се нагласува во објавата на банката на Фејсбук и на нивната веб страна.

Исто така Халк Банка АД Скопје посочуваат дека во иднина можно е да се смени адресата на измамничкиот сајт.

„Халк Банка АД Скопје никогаш нема од Вас да ги побара Вашите лични и податоците за платежните картички на овој начин. Целокупната комуникација помеѓу банката и клиентите се одвива преку официјални канали кои се и потврдени од страна на банката“, наведуваат од банката.

Доколку некој од клинетите веќе ги внел своите податоци на измамничкиот сајт, од банката потенцираат дека мора веднаш да се јават во контакт центарот на Халк Банка АД Скопје, за да се преземат понатамошни активности за спречување на измамите.

Телефонскиот број на контакт центарот е +389 2 3296 330 и и e на располагање 24 часа во денот.

Претседателката Гордана Сиљановска-Давкова денеска оствари работна средба со министерот за правда, Игор Филков.

Двајцата соговорници рaзговараа за соработката во процесот на помилувањето, но и за потребата од донесување на нов Закон за помилување.

На средбата беа разменети аргументирани мислења за актуелните и претстојните реформи во правосудството.

Претседателката Сиљановска-Давкова и министерот Филков се согласија да остваруваат редовни средби поврзани за нивните надлежности низ призма на правото и правдата.

Денеска бил приведен син на поранешен функционер.

Според информациите, лицето било приведено поради кривично дело „Оддавање службена тајна“, но потоа веднаш било пуштено на слобода.

Се работи за лице со иницијали Ќ.Б.

„Лицето за кое прашувате на 28.12.2024 беше приведено, при што во полициска станица беше извршен службен разговор во врска со кривично дело Оддавање службена тајна, одземен му е мобилен телефон, по што по насока на ОЈО лицето е ослободено“, вели портпаролот Гоце Андреевски.